Ştaynmayer və Əliyev pəncərədən baxırlar - Maraqlı FOTO

Hazırda Azərbaycanda səfərdə olan Almaniya Prezidenti Frank-Valter Ştaynmayerin sosial şəbəkə hesabında Azərbaycan Prezidenti İlham Əliyevlə bağlı paylaşımı diqqət çəkib. 

Olaylar.az xəbər verir ki, Ştaynmayer səfər müddətində əvvəlcə Bakının ümumi mənzərəsini, daha sonra Şəhidlər Xiyabanına ziyarətindən görüntülər paylaşıb.

Növbəti paylaşımı isə Prezident İlham Əliyevlə fotosu olub.

"Prezident İlham Əliyev Almaniya prezidentini öz iqamətgahında qəbul edib. Danışıqlar zamanı Almaniya-Azərbaycan münasibətləri və Ermənistanla sülh prosesi müzakirə olunacaq", -  paylaşımdakı başlıqda bildirilir.

Liderlərin fotosu ictimaiyyətdə maraqla qarşılanıb.

Qeyd edək ki, Almaniya Prezidenti Frank-Valter Ştaynmayer bundan əvvəl Ermənistana səfər edib. Sözügedən paylaşımdan sonra Azərbaycan və Almaniya prezidentləri mətbuata bəyanatla çıxış ediblər.