Azərbaycan və Qvineya arasında qarşılıqlı fəaliyyətin davam etdirilməsi müzakirə edilib

Azərbaycan Respublikasının xarici işlər naziri Ceyhun Bayramov Münxen Təhlükəsizlik Konfransında iştirakı çərçivəsində Qvineya Respublikasının Xarici İşlər, Beynəlxalq Əməkdaşlıq, Afrika İnteqrasiyası və Xaricdəki Qvineyalılar naziri Morissanda Kouyate ilə görüşüb.

Olaylar.az-ın məlumatına görə, bununla bağlı Azərbaycan XİN "X" sosial şəbəkəsində paylaşım edilib.

Bildirilir ki, iqtisadiyyat, ticarət, təhsil sahələrində əməkdaşlığın potensialı, beynəlxalq platformalar, o cümlədən BMT, İƏT, Qoşulmama Hərəkatı çərçivəsində qarşılıqlı fəaliyyətin davam etdirilməsi müzakirə edilib.