Ulu Öndərin parlaq ideyaları bu gün Azərbaycanın inkişaf yolunu işıqlandırır- ÖZƏL
"Bu gün möhtəşəm uğurlara və qələbələrə imza atan müasir Azərbaycan dövlətinin memarı və qurucusu Umumilli lider Heydər Əliyevin anım günüdür. Məhz Ulu öndərin müdrik siyasəti və əzmkar fəaliyyəti sayəsində bir əsrdə ikinci dəfə müstəqilliyini əldə edən Azərbaycan siyasi xəritədən silinmə təhlükəsindən xilas olaraq dünyada ardıcıl uğurlara imza atan dövlətə çevrilib. Dünya tarixində belə faktlar çox nadir hallarda baş verir. Məhz Ulu öndərin müəyəyn etdiyi strategiya əsasında Azərbaycan qısa zaman kəsiyində əsrə bərabər inkişaf yolu qət edərək nəinki regionun, eyni zamanda dünyanın qüdrətli dövlətlərindən birinə çevrilib. Çoxəsrlik tariximizdə bənzəri olmayan Vətən müharibəsi və uğurla həyata keçirilən antiterror tədbirləri nəticəsində respublikamızın ərazi bütövlüyü və suverenliyi tam bərpa olunub". Bunu "Olaylar"a açıqlamasında deputat Aydın Hüseynov deyib.
Onun sözlərinə görə, 90-cı illərin əvvəllərində Azərbaycanın üzləşdiyi çox mürəkkəb proseslər və təhlüklərdən məhz Ulu öndərin müdrik, qətiyyətli, cəsarətli siyasəti nəticəsində xilas oldu və sürətli inkişaf yoluna qədəm qoydu: "Azərbaycan tənəzzüldən, məhv olmad təhlükəsindən xilasa və inkişaf mərəhləsinə qədəm qoydu. Ulu öndərin müəyyən etdiyi siyasət nəticəsində Azərbaycanda qısa zamanda siyasi sabitlik, həmrəylik bərqərar olundu, sürətli iqtisadi inkişaf mərhələsi başladı. Ulu öndərin liderliyi altında Azərbaycan beynəlxalq əhəmiyyətli bir sıra enerji və nəqliyyat layihələri gerçəkləşdirildi. Bu cür transmilli layihələr Azərbaycanın təhlükəsizliyinin, iqtisadi inkişafının, əhalinin sosial-rifah halının yaxşılaşması ilə yanaşı, ölkənin qarşısında duran problemlərin həllinin və qələbələrin əsasını qoydu".
Deputat əlavə edib ki, müasir Azərbaycanın memarı və qurucusu Ulu öndərin müəyyən etdiyi inkişaf strategiyası və ideyaları nəticəsində ölkəmiz Avrasiya coğrafiyasının enerji, nəqliyyat, tranzit-yükdaşıma, kommunikasiya baxımdan bir logistk qovşağa çevrildi: "Bütün bunlar Ulu öndərin Azərbaycanın inkişaf strategiyasını uğurla həyata keçirə biləcək layiqli siyasi varisi olan cənab Prezident İlham Əliyevi müəyyən etməsi idi. Təcrübəli dövlət adamı və dünya şöhrətli siyasətçi olan Ulu öndər çox gözəl bilirdi ki, Azərbaycanın uğurlu inkişafı ilə bağlı müəyyən etdiyi ideyaları ancaq və ancaq cənab Prezident İlham Əliyev həyata keçirə bilər. Çox gözəl bilirdi ki, onun yarımçıq qalan və ömürün ona vəfa edib başa çatdıra bilmədiyi ideyaları ancaq cənab İlham Əliyevv həyata keçirə bilər. Belə də oldu. Ulu öndərin layiqli siyasi risinin davamaçısı cənab Prezident İlham Əliyevin liderliyi altında Azərbaycan dünyada sürətlə inkişaf edib iqtisadi və hərbi cəhətdən dünyanıən güclü, qüdrətli, beynəlxalq aləmdə böyük nüfuza malik bir ölkəsinə çevrildi. Azərbaycanın dünyada söz sahibi olması isə ölkəmizin qarşısında duran hədəflərə nail olmağa imkan yaratdı. Yürütdüyü çevik və uğurlu diplomatiya sayəsində cənab Prezident İlham Əliyev yeni dünya lideri kimi qəbul olunmaqdadır. Dünya ölkələri onunla hesablaşır. Məhz onun yürütdüyü uzaqgörən və hədəflərə xidmət edən siyasəti nəticəsində Azərbaycan əz ərazi bütövlüyünü, suverenliyini təmin edən ölkə kimi dünyada hörmət və izzətlə qarşılanır.
Ulu öndər Heydər Əliyev bu gün fiziki olaraq aramızda olmasa da, onun parlaq ideyaları bu gün də Azərbaycanın inkişaf yolunu işıqlandırır. Prezident İlham Əliyev qlobal reallıqları ustalıqla nəzərə alaraq, Ulu Öndərin yolunu qətiyyətlə davam etdirir və ölkəmizi yeni zirvələrə daşıyır. Qlobal siyasətin mürəkkəb məqamlarına dərindən bələd olan, milli maraqları qətiyyətlə qoruyan Prezident İlham Əliyev titanik fəaliyyəti ilə Azərbaycanı güclü dövlətə və beynəlxalq arenada nüfuzlu söz sahibinə çevirib. Biz cənab İlham Əliyevin liderliyi altında Ulu öndərin bütün ideyalarının reallaşdığının və Azərbaycanın yeni-yeni uğrulara imza atmaqla, qələblərinin şahidi olacağıq".