Azərbaycan COP-u uğurla sona çatdırmaq üzrədir- ÖZƏL

"COP29-un artıq son mərhələsi gəlib çatmışdır. Ötən günlərdəki müzakirələrə, iştirak edən qonaqlara, gündəmə alınan məsələlərə baxdığımızda azərbaycanlı kimi fəxrlə deyə bilərik ki, Azərbaycan çox böyük, önəmli bir tədbirə uğurlu bir şəkildə evsahibliyi etdi. Bu gün bütün insanlığı maraqlandıran, düşündürən iqlim, təbii fəlakətlər, ekoloji terror və  digər məsələlərə diqqət çəkildi". 

Bu fikirləri siyasi şərhçi Kazım Kazımov Olaylar.az-a açıqlamasında bildirib:

"Şübhəsiz ki, belə bir tədbirin Azərbaycanda keçirilməsi hamımız üçün sevindirici haldır. Hamımız çox yaxşı bilirik ki, COP29-un Azərbaycanda keçirilməsini istəməyənlər vardı. Həm xarici antiazərbaycan qüvvələrini, həm də ölkəmizin daxilindəki marginal beşinci kolonu da misal göstərmək olar. Onların əməlləri baş tutmadı və "arzuları ürəklərində qaldı". Azərbaycan COP-u uğurla sona çatdırmaq üzrədir".

Zeynəb Rzayeva