Azərbaycan nümayəndə heyəti AŞPA-ya qayıda bilər- ÖZƏL

"Avropa Şurası ilə Azərbaycan arasında konfidensial  danışıqlar gedir". "Olaylar" xəbər verir ki, bunu politoloq Məhəmməd Əsədullazadə deyib: "AŞPA-da anti-Azərbaycan ritorikalarına baxmayaraq yeni ildən Azərbaycan nümayəndə heyətinin iştirakını təsdiq edə bilərlər. COP29 -dan sonra həm Ermənistanla sülh məsələsində, həm də Qərblə əlaqələrdə yeni müsbət mərhələ başlanması istisna deyil. 
AŞPA-da Qarabağdan könüllü köçən ermənilərlə bağlı mövqelər bu təşkilatın nüfuzuna zərbə vurur. Ermənistan hökuməti Qarabağdan gedən ermənilərə vətəndaşlıq verir. Amma, bəzi beynəlxalq təşkilatlar bu məsələdə "etnik təmizləmə" axtarışına çıxıb. AŞPA -da insan hüquqları, seçki və demokratiya barədə tənqidi mövqelərə gəldikdə isə, bunu Qarabağ məsələsindən sonra gündəmə gətirmələri onların qərəzli olduğunu göstərir".
Alim Hüseynli
Olaylar.az