Şuşada “Dini maarifləndirmənin təşkilində medianın rolu: əsas təbliğat və təsir metodları” mövzusunda üçüncü sessiya keçirilib
Şuşa şəhərində keçirilən "İdeoloji mübarizədə din amili: mediadan gözləntilər" seminarı çərçivəsində Dini Qurumlarla İş üzrə Dövlət Komitəsinin Aparat rəhbərinin müavini Elşad Miraləmin moderatorluğu ilə baş tutan üçüncü sessiya keçirilib.
Olaylar xəbər verir ki, sessiya "Dini maarifləndirmənin təşkilində medianın rolu: əsas təbliğat və təsir metodları" mövzusuna həsr olunub.
Seminarın Azərbaycan Mətbuat Şurasının sədr müavini Səadət Məmmədova, Bakı Dövlət Universitetinin Jurnalistika fakültəsinin dekanı Vüqar Zifəroğlu, "525-ci qəzet"-in redaktoru Seyfəddin Hüseynlinin çıxış edəcəkləri sonuncu sessiyası müzakirələrlə yekunlaşacaq.
"İdeoloji mübarizədə din amili: mediadan gözləntilər" mövzusundakı ikigünlük seminar iştirakçıların Xankəndi, Xocalı və Ağdam şəhərlərinə ziyarəti ilə başa çatacaq.
