Zəfərimiz mübarəkdir, dünya azərbaycanlıları! - FOTO

"Gözünüz aydın olsun dünya azərbaycanlıları!"

Zənnimizcə, parlaq tarixi zəfərə bir vətəndaş, xalq olaraq sahib çıxmalı, bunun qürurunu yaşamalı və gələcək nəsillərə ötürməliyik. Buna doğru-düzgü qiymət verməsək, məmnuniyyət hissi ilə yaşayıb-yaşatmasaq tarix bizi yenidən sınayar və qınayar. Unutmayaq ki, ən müasir Azərbaycan Respublikasının suverenliyi və ərazi bütövlüyündə 4 mühüm faktor özünü göstərdi:

1. Dövlət idarəçiliyində müdrik sələf və layiqli xələf amili;
2. Milli ideoloji işlər, Ordu quruculuğu və strateji müttəfiqliyə uzaqgörən yanaşma amili;
3. Ali Baş Komandana inam, rəhbər ilə xalqın vəhdəti, dövlət və cəmiyyətin birliyi, dünya azərbaycanlılarının həmrəyliyi amili;
4. Təbii ki, tarixi şəraitin doğru-düzgün dəyərləndirilməsi amili;

O cümlədən, Zəfərə gedən Yolu inşa edən - "Qarabağ Azərbaycandır!" reallığını yazan dəyanətli Analar-Atalar, rəşadətli oğullar-qızlar bu xalqın qızıl genefondudur.

Qoy, bizə yeni Zəfər Yonu çəkmək və getmək nəsib olsun!

Yəhya Babanlı

Tarix üzrə fəlsəfə doktoru, diaspor məsələləri üzrə ekspert