Milli Məclis Fransa ilə bağlı bəyanat verəcək

Milli Məclisin bu gün keçirilən iclasında Fransanın Azərbaycana qarşı qərəzli münasibəti ilə bağlı bəyanat qəbul ediləcək.

Olaylar.az Trend-ə istinadən xəbər verir ki, bu barədə məsələ Milli Məclisin iclasının gündəliyinə daxil edilib.

Bəyanatın mətninin hazırlanması üçün komissiya yaradılıb.

Komissiyanın sədri Azərbaycan-Fransa parlamentlərarası əlaqələr üzrə işçi qrupunun rəhbəri Soltan Məmmədov təyin edilib.

Parlament sədrinin I müavini Əli Hüseynli təklif edib ki, komissiyanın üzvləri Ziyafət Əsgərov, Sevil Mikayılova, Elşən Musayev və Əziz Ələkbərli bəyanat layihəsini hazırlasın.