Heç bir cinayət cəzasız qalmamalıdır - ÖZƏL

"Millət vəkili, dəyərli həmkarım Fazil Mustafaya qarşı terrorda yer alanların tapılıb qanun qarşısında cavab vermələri təkcə prinsip məsələsi deyildi.  Əlbəttə, heç bir cinayət, hələ o da terror ola cəzasız qalmamalıdır, göründüyü kimi qalmayacaq da". Olaylar xəbər verir ki, bunu deyən millət vəkili Sahib Alıyevin sözlərinə görə, Azərbaycanın güc strukturları  bu əməliyyatla onu da göstərdilər ki,  terror əmri verənlərdən,  ardınca  dövlətimizə  qarşı daha məkrli planları reallaşdırmağı düşünənlərdən təəssübdə də, peşəkarlıqda da üstündürlər. Bu üstünlüksə həm də  bizim idarəçilik modelimizin dövlətimizə düşmən  kəsilənlərinkilərdən daha mütərəqqi və mükəmməlliyindən irəli gəlir. 
Yəni azərbaycanlılardan terrorçular hazırlayıb özümüzə qarşı qullanmağa çalışanlar da, ikinci Qarabağ savaşında darmadağın etdiyimiz digər düşmənlərimiz kimi öz məqsədlərinə çata bilməyəcəklər, daha böyük avantüraya əl atdıqları halda isə ikincilər hansı vəziyyətə salındılarsa, eynisi ilə üzləşəcəklər.