Prezident: Birgə layihələr Bolqarıstana Azərbaycan qazı üçün tranzit ölkəyə çevrilmək imkanı yaradıb

7 Mart 2023 14:11 Siyasət

Azərbaycan və Bolqarıstan arasında hazırkı əməkdaşlığın əsas mövzularından biri enerji sahəsinə aiddir.

Olaylar.az AZƏRTAC-a istinadən bildirir ki, bunu Prezident İlham Əliyev Bolqarıstanın ölkəmizdə yeni təyin olunmuş fövqəladə və səlahiyyətli səfiri Ruslan Stoyanovun etimadnaməsini qəbul edərkən deyib.

Cənub Qaz Dəhlizi layihəsinin önəminə toxunan Azərbaycan Prezidenti enerji təhlükəsizliyinin təmin edilməsi məsələsində ölkələrimizin uzun illər bundan sonra da yaxın tərəfdaş olacaqlarına ümid etdiyini bildirib. Dövlətimizin başçısı qeyd edib ki, eyni zamanda, birgə layihələrin həyata keçirilməsi Bolqarıstana Azərbaycan qazı üçün tranzit ölkəyə çevrilmək imkanı yaradıb.

Təklifinizi, şikayətinizi bizə yazın. Sizi dinlərik. 055 634 88 31