Ned Praysın sözləri hayların qulağına sığal çəkmək üçündür - ÖZƏL

"ABŞ Dövlət Departamentnin sözçüsü bu gün ölkəsinin Azərbaycanla Ermənistan arasında ikitərəfli danışıqlardan yana olması açıqlamasının hədəflərindən biri də fikrimcə, Fransadır". "Olaylar" xəbər verir ki, bunu deyən millət vəkili Sahib Alıyevin sözlərinə görə, məhz Fransa  Avropa Birliyinin xətti ilə keçirilən görüşlərə soxularaq o platformada əldə edilən müsbət meyilləri  aradan qaldırdı, danışıqların dayanmasına səbəb oldu: "İstisna etmirəm ki,  Azərbaycan Prezidenti cənab İlham Əliyevə ABŞ-ın dövlət katibi Entoni Blinkenin zəngi zamanı məhz Fransanın pozucu hərəkətlərinə də toxunulub ki, ardınca Ned Prays belə fikirlər səsləndirir. ABŞ Dövlət Departamentnin sözçüsünün Laçın yoluyla bağlı həqiqəti əks etdirməyən sözləri isə hayların qulağına sığal çəkmək və  mümkün qədər onları Rusiya əleyhinə kökləmək üçündür".