Azərbaycanın tarixinə yazılan parlaq səhifə

Yanvarın 20-də artıq bütün dünya Bakıda törədilmiş dəhşətli faciədən xəbər tutdu. 1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi. Həmin faciəli gecədə həlak olan vətən oğulları  Azərbaycanın tarixinə parlaq səhifə yazdılar! xalqın milli azadlığı, müstəqilliyi üçün yol açdılar...
20 Yanvar 1990-cı il faciəsi azərbaycanlıların tarixinə öz həyatlarını azadlıq və müstəqillik üçün qurban vermiş şəhidlərin anım günü kimi həkk olundu. Artıq o hadisələrin 33-cü il dönümünü qeyd edirik. Xalqımızın yaddaşında bu faciə eyni zamanda, mübarizlik göstəricisi kimi yaşayır.
Qanlı yanvarda ölkəmizin tibb işçiləri böyük fədakarlıq göstərdilər. Onlar həyatlarını təhlükəyə, odalovun qarşısına ataraq yaralıları xilas etməyə çalışdılar. 
Vətənin azadlığı və müstəqilliyi uğrunda canlarından keçmiş Azərbaycan oğul və qızlarının əziz xatirəsini ehtiramla yad edirik. Nəsillər dəyişəcək, lakin Vətən oğulkarının,qızlarının xatirəsi ürəklərdə əbədi yaşayacaqdır.
Allah Şəhidlərimizə Rəhmət Eləsin!
Günay Kazımova
"Medical Media" şirkətinin direktoru,  Azərbaycanda Qadın Sahibkarlığının İnkişafı Assosiasiyasının üzvü, fəal ictimaiyyətçi