Erməni lobbisinin “humanitar” yalanı
Dekabrın 12-dən başlayaraq Azərbaycanın QHT nümayəndələrinin və ekofəalların Şuşa-Xankəndi yolunda təbii sərvətlərimizin qanunsuz istismarına qarşı keçirdiyi aksiya erməni lobbisini təşvişə salıb. Hər zaman olduğu kimi Amerika Erməniləri Milli Komitəsinin (ANCA) idarəçiliyi ilə dünya erməniləri, xüsusən ABŞ-dakı erməni lobbisi anti-Azərbaycan fəaliyyətini gücləndiriblər. Onlar bu etiraz aksiyasını "Qarabağ ermənilərinin humanitar yardım blokadası və enerjinin kəsliməsi" adı ilə dünya güdəminə gətirməyə çalışırlar. Müxtəlif ölkələrdə keçirdikləri aksiyalarda, mediada Qarabağdakı erməniləri mitinq çağırışı ilə çıxış edir və azərbaycanıların bu aksiyasını "ikinci erməni soyqırımı" kimi qələmə verməyə çalışırlar. Çıxışlarda ABŞ-dan qondarma rejimə humanitar yardım göndərilməsi və Azərbaycana sanksiya tətbiq edilməsi vurğulanır.
Dünya ermənilərini məlumatlandırmaq üçün "Twitter"də "Arsax böhranı" (#ArtsakhBlockade) aksiyasına başlayıblar. Bu məsələ ilə bağlı ABŞ Konqresinin ermənipərəst üvləri Ağ Ev rəhbərliyinə təzyiqi artırıblar. Artıq ABŞ Konqresinin Nümayəndələr Palatasının Xarici Əlaqələr Komitəsinin Avropa məsələlərini əhatə edən paneli dekabrın 14-də Qafqaz üzrə dinləmələr keçirib. Bu dinləmələrdə konqresmen Brayan Fitzpatrik, Cim Kosta, Brad Schneider və Susan Wild Azərbaycana qarşı sərt çıxışlar edərək ABŞ prezidenti Co Baydenə çağırışlarını səsləndiriblər. Onlar bu məsələdə ABŞ-ın təcili tədbirlər görməsinə ehtiyacın olduğunu qeyd ediblər.
Dinləmədən başqa, Senatın Xarici Əlaqələr Komitəsinin sədri Bob Menendez, Konqresin Erməni Problemləri üzrə Erməni Qrupunun rəhbərliyi və Nümayəndələr Palatasının Kəşfiyyat Komitəsinin sədri Adam Şiff və Rep Dina Titus, ayrı-ayrılıqda ant-Azərbaycan bəyanatları veriblər. Bu ermənipərəst koqnresmenlər, həmçinin "Tvitter" hesablarında Azərbaycanın əleyhinə paylaşımlar ediblər. Onların məqsədi Qarbağdakı qondarma rejimə Ağ Evin təcili humanitar yardım paketinin ayrılmasıdır. Hətta bununla bağlı erməni qrupunun üzvü olan 30-a yaxın konqresmen dekabrın 16-da Co Baydenə məktub ünvanlayıblar.
Bu aksiyanın Qarabağda yaşayan ermənilər üçün heç humanitar böhran yaratmır. Ümumiyyətlə, aksiya başlayandan humanitar məqsədlərlə istifadə olunan avtomobillərin hərəkətinə heç bir maneə olmayıb. Bu müddət ərzində Xankəndidən Laçın istiqamətinə doğru hərəkət edən Rusiya sülhməramlılarına məxsus avtomobillər aksiya keçirilən məkandan maneəsiz keçiblər.
Azərbaycan fəalları sülh aksiyası keçirir. Sülh quruculuğunda Azərbaycanın vətəndaş cəmiyyəti mövqeyi nümayiş etdirir. Bu, Qarabağda yaşayan ermənilər üçün heç bir təhdid yaratmır. Aksiyanın Qarabağ ermənilərinin yaşadığı ərazilərin qazla təchizatı məsləsinə də heç bir aidiyyəti yoxdur. Çünki həmin ərazilərdə qaz təchizatı Ermənistan tərəfindən həyata keçirilir. Göründüyü kimi, erməni lobbisi və onları dəstəkləyən konkresmenlər yenə də Azərbaycana qarşı böhtan atırlar. Məqsədli şəkildə Qarabağ ermənilərinin porblemlərini Azərbaycanın üzərinə atmağa çalışırlar.
Azərbaycan xaqlı, QHT-lər, ekofəallar könüllü şəkildə "Eko və mina terroruna son" deyərək etirazlarını davam etdirirlər. Ermənistanın təcavüzkar siyasəti, müharibə cinayətləri haqqında QHT-lərın fəaliyyətinin davamı bu gün Şuşa-Xankəndi yolunda keçirilən aksiyada özünü göstərir. Artıq bu, Azərbaycan xalqı üçün ümummilli məsələyə çevrilib. Bu gün Azərbaycan xalqı birlik nümayiş etdirir. Dünya azərbaycanlıları Ermənistanın bu cinayətlərinin beynəlxalq ictimaiyyətin diqqətinin cəlb edilməsində fəallıq göstərməlidir. Xaricdəki soydaşlarımız da Şuşa-Xankəndi yolunda keçirilən aksiyaya dəstək olaraq yaşadıqları ölkələrin KİV-lərində, sosial şəbəkələrdə çıxışlar etməlidirlər. Erməni lobbisinin bu aksiya ilə bağlı yalanlarının ifşa olunması istiqamətdinə koordinasiyalı şəkildə xaricdə iş görülməlidir. Milli maraqların qorunması xaricdəki soydaşlarımız üçün Vətən məsuliyyətidir.
Fuad Hüseynzadə
Diaspor Fəaliyyətinə Jurnalistlərin Dəstəyi İctimai Birliyinin sədri