İlham Əliyev Azərbaycanı qalib ölkəyə, Azərbaycan xalqını qalib xalqa çevirdi- Milli Vəhdət Partiyası bəyanat yaydı

"Azərbaycan  8 noyabr  Zəfər  gününün ikinci  ildönümü  ərəfəsindədir. Azərbaycan  xalqı 2 ildir ki tarixinin  ən  qürurlu şərəfli günlərini  aylarını yaşayır. 2 ildir  ki  Azərbaycan  xalqı  tarixinin  ən parlaq səhifəsini  yazır." Bu  fikirlər Milli Vəhdət Partiyasının bəyanatındandır. Bəyanatda daha  sonra deyilir: 

"27 sentyabr 2020-ci il  Azərbaycan torpaqlarının 30 illik işğalının  sonunun başlanğıcı oldu. Müzəffər Ali Baş Komandan İlham Əliyevin komandanlığı ilə qəhrəman əsgər və zabitlərimiz  növbəti  erməni  təxribatının  qarşısını almaq üçün ayağa qalxdı və Azərbaycan xalqının dəstəyi, Prezident İlham Əliyevin sərkərdəliyi altında  30 illik işğala son qoyaraq, ərazi bütövlüyünü bərpa etdi. Azərbaycan xalqı  öz gücünə BMT-nin qəbul etdiyi, lakin 30 ilə yaxın bir müddətdə kağız üzərində qalmış qətnamələrini icra etdi. Ali Baş Komandan İlham Əliyev Azərbaycanı qalib ölkəyə, Azərbaycan xalqını qalib xalqa çevirdi.

44n günlük Vətən müharibəsi   xalq-iqtidar birliyinin təntənəsi oldu, ölkəmizin gücünü, qüdrətini düşmənə və onun havadarlarına nümayiş etdirdi. 

Artıq iki  ildir ki  Azərbaycan Prezidenti İlham Əliyev azad edilmiş rayonlara səfərlər edir  strateji infrastruktur obyektlərinin açılışını edir. Hazırda o  bölgələrdə  yeni- yeni  obyektlərin təməli  qoyulur. Füzuli hava limanı artıq fəaliyyətdədir, Şuşaya gedən Zəfər yolu tamamlanıb. Ağdam və Cəbrayıl şəhərlərinin bərpasına başlanılıb, Zəngilan hava limanı istifadəyə verilib. Türkiyə  prezidenti Rəcəb  Tayyib Ərdoğanın  işğaldan azad  edilmiş ərazilərə səfərləri  isə  xüsusi önəm  daşıyır  və  Azərbaycanı istəməyən qüvvələrə  ciddi  mesajdır.

Düşmənlərimiz  acı  məğlubiyyətlərini  həzm edə bilmir,   yenə  təxribatlar törədirlər.Amma  Azərbaycan xalqı  əmindir ki,  Müzəffər Ali Baş Komandan İlham Əliyevin rəhbərliyi ilə  bu  təxribat  cəhdlərinin  də  qarşısı alnacaq. "