Azərbaycan, Rusiya və Ermənistan liderlərinin gözlənilən görüşü ilə bağlı AÇIQLAMA - YENİLƏNİB
Rusiya Prezidenti Vladimir Putin Azərbaycan Prezidenti İlham Əliyevi və Ermənistanın baş naziri Nikol Paşinyanı dövlətlər arasında münasibətlərdəki vəziyyəti müzakirə etmək məqsədilə növbəti üçtərəfli sammit üçün Rusiyaya dəvət edib.
Olaylar.az oxu.az-a istinadən bildirir ki, bu barədə bazar ertəsi Rusiya Xarici İşlər Nazirliyinin rəsmi nümayəndəsi Mariya Zaxarovanın açıqlamasında deyilir.
"Burada üçtərəfli və ikitərəfli məsələlərin bütün spektrinin müzakirəsi planlaşdırılır", - Zaxarova bildirib.
***
Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya Prezidenti Vladimir Putin arasında Rusiyada üçtərəfli görüş keçirilə bilər.
Olaylar.az oxu.az-a istinadən bildirir ki, bu barədə diplomatik mənbədən xəbər verilib.
Bildirilir ki, artıq görüşlə bağlı işlərə başlanılıb.
O da qeyd edilir ki, danışıqlar oktyabrın son günlərində aparıla bilər. Tədbirin keçirilməsi üçün əsas yerlər Moskva və Soçi hesab olunur.