Dünya siyasətçiləri Prezident İlham Əliyevi təbrik etdi
Çin Xalq Respublikasının Sədri Si Cinpin Azərbaycan Respublikasının Prezidenti İlham Əliyevə təbrik məktubu ünvanlayıb.
Olaylar.az xəbər verir ki, mətndə deyilir:
"Hörmətli cənab Prezident.
Doğum gününüz münasibətilə Sizə səmimi təbriklərimi və ən xoş arzularımı çatdırmaqdan şərəf duyuram.
Son illərdə Çin-Azərbaycan münasibətləri sürətli və sabit şəkildə inkişaf edir, qarşılıqlı siyasi etimad gündən-günə möhkəmlənir, müxtəlif sahələrdə əməkdaşlıq isə uğurla və səmərəli surətdə irəliləyir. Bu ilin iyun ayında telefon danışığımız zamanı biz ikitərəfəli əlaqələrin inkişafı və əsas istiqamətlər üzrə əməkdaşlığın dərinləşdirilməsi ilə bağlı mühüm razılıqlar əldə etdik. Mən Çin-Azərbaycan münasibətlərinin inkişafına böyük əhəmiyyət verir, ikitərəfli dostluq və əməkdaşlıq əlaqələrinin ölkələrimizin, xalqlarımızın rifahı naminə yeni səviyyəyə yüksəlməsi üçün Sizinlə birgə səy göstərməyə hazıram.
Sizə möhkəm cansağlığı və firavanlıq arzu edirəm".
***
Sfera.az xəbər verir ki, mətndə deyilir:
"Hörmətli İlham Heydər oğlu,
Altmış illik yubileyiniz münasibətilə Sizə səmimi təbriklərimi və ən xoş arzularımı çatdırmaqdan çox məmnunam.
Ötən dövrdə Siz həqiqi lider, beynəlxalq aləmdə böyük nüfuz və etimad qazanmış, öz ölkəsinin inkişafına və onun xalqının firavanlığına qiymətli töhfə vermiş dövlət xadimi kimi layiqincə tanınmısınız.
Bu gün Sizin rəhbərliyinizlə Azərbaycanda genişmiqyaslı sosial-iqtisadi islahatlar və səmərəli quruculuq işləri həyata keçirilir.
Cari ilin noyabr ayında İstanbulda Türk Şurasının Zirvə toplantısında layiq görüldüyünüz "Türk Dünyasının Ali Ordeni" qardaş xalqlarımızın birliyinin təmin olunması və regionda sabitlik yaradılması üçün Sizin həyata keçirdiyiniz genişmiqyaslı fəaliyyətin etiraf edilməsinə parlaq sübutdur.
Biz çox məmnunuq ki, son illərdə siyasi, ticari-iqtisadi, nəqliyyat, kənd təsərrüfatı, mədəniyyət və humanitar sahələrdə strateji tərəfdaşlıq əlaqələri xalqlarımızın ortaq tarixi, dini və mədəni kökləri əsasında, həmçinin qarşılıqlı etimad və hörmət ruhunda fəal inkişaf edir.
Yüksək və ali səviyyələrdə danışıqlar aparılması mütəmadi xarakter daşıyır, xüsusən bu ilin noyabr ayında keçirilmiş səmərəli dialoqlar və görüşlər, heç şübhəsiz, Özbəkistan ilə Azərbaycan arasında strateji tərəfdaşlığın dərinləşməsinə xidmət edəcək, çoxşaxəli əməkdaşlığın miqyasının daha da genişlənməsinə şərait yaradacaq.
Hörmətli İlham Heydər oğlu, fürsətdən istifadə edib, Sizi həyatınızın bu unudulmaz günü münasibətilə bir daha təbrik edirəm. Sizə uzun ömür, möhkəm cansağlığı, ailə xoşbəxtliyi, məsul dövləti fəaliyyətinizdə yeni uğurlar, qardaş Azərbaycan xalqına isə sülh, firavanlıq və daha böyük tərəqqi arzulayıram".
***
Sfera.az xəbər verir ki, mətndə deyilir:
"Hörmətli İlham Heydər oğlu.
Sizi 60 illik yubileyiniz münasibətilə səmimi qəlbdən təbrik edir və ən xoş arzularımı bildirirəm.
Bu gün Azərbaycanın ictimai-siyasi həyatının bütün sahələrində qazanılmış böyük uğurlar, ölkənizin iqtisadi inkişafında mühüm nailiyyətlər, dünya arenasında onun nüfuzunun möhkəmlənməsi ayrılmaz surətdə Sizin adınızla bağlıdır.
Siz bütün varlığınızı doğma ölkənizin mənafelərinin qorunmasına, ümummilli hədəflərin və proqramların gerçəkləşməsinə həsr etmisiniz. Xalqa bu cür sədaqətli xidmət yüksək qiymətə layiqdir.
Ölkələrimiz arasında strateji və mehriban qonşuluq münasibətlərinin inkişafına, xalqlarımızın səmimi dostluğunun və qardaşlığının möhkəmlənməsinə Sizin şəxsi diqqətinizi və hərtərəfli dəstəyinizi xüsusi qeyd etmək istərdim.
Hörmətli İlham Heydər oğlu, bu xoş fürsətdən istifadə edərək Sizə səmimi qəlbdən möhkəm cansağlığı, xoşbəxtlik və ailə firavanlığı, ölkənizin qardaş xalqına bundan sonra da sülh, tərəqqi və inkişaf arzulayıram".
***
Sfera.az xəbər verir ki, məktubda deyilir:
"Hörmətli İlham Heydər oğlu,
Sizi 60 illik yubileyiniz münasibətilə səmimi qəlbdən təbrik edirəm.
Bir dəfə Siz çox düzgün qeyd etmisiniz: Əgər gələcək haqqında fikirləşməsən, bu günün məsələlərini həll etmək çox çətindir. Azərbaycan bu prinsipi əsas tutaraq sosial-iqtisadi inkişaf sahəsində sanballı uğurlar qazanmış, beynəlxalq miqyasda öz mənafelərini qətiyyətlə müdafiə edən güclü və nüfuzlu dövlətə çevrilmişdir.
Minsk ilə Bakı arasında strateji tərəfdaşlıq münasibətlərinin uğurla davam etməsini məmnuniyyətlə qeyd edirəm.
Əminəm ki, nəzərdə tutduğumuz irihəcmli infrastruktur layihələrinin reallaşması çoxplanlı əməkdaşlığın dərinləşməsi üçün möhkəm təməl olacaq.
Sizin dostluğunuzu, etimadınızı, dəstəyinizi, Belarusun mənafeyinə şəxsən diqqət yetirməyinizi çox yüksək qiymətləndirirəm. Görüşlərimizi səmimiyyətlə xatırlayır, qonaqpərvər Belarus torpağında Sizi tez-tez görməyə ümid edirəm.
Hörmətli İlham Heydər oğlu, bu əlamətdar gündə Sizə möhkəm cansağlığı, uzun ömür, ali dövləti vəzifənizdə həyata keçirdiyiniz quruculuq işlərində yeni uğurlar arzulayıram".
***
"Hörmətli İlham Heydər oğlu.
Həyatınızın əlamətdar günü - 60 illik yubileyiniz münasibətilə ən səmimi və ürəkdən gələn təbriklərimi qəbul edin.
Bu xoş gündə qeyd etmək istəyirəm ki, Sizin həyat yolunuz, xalqınızın rifahı naminə fəal və fədakar əməyiniz ölkəyə vicdanla xidmətin parlaq nümunəsidir. Dost Azərbaycan xalqı sosial-iqtisadi dəyişikliklərin reallaşmasında, əhalinin layiqli həyat səviyyəsinin təmin edilməsində, habelə respublikanın beynəlxalq aləmdə nüfuzunun möhkəmlənməsində Sizin rəhbərliyinizlə qazanılmış uğurlara görə haqlı olaraq fəxr edə bilər.
İkitərəfli qarşılıqlı əlaqələrin yüksək etimad səviyyəsi ilə səciyyələnən keyfiyyətcə yeni inkişaf mərhələsinə çatmasını Tacikistanda Sizin adınızla bağlayırlar.
Bu xoş fürsətdən istifadə edib vurğulamaq istəyirəm ki, biz ölkələrimiz arasında dostluq və çoxtərəfli əməkdaşlıq münasibətlərinin hərtərəfli möhkəmlənməsi və genişlənməsi üçün Sizinlə bərabər bütün tədbirləri görmək əzmindəyik.
Əziz dost, Sizə səmimi qəlbdən uzun ömür, möhkəm cansağlığı, ailə səadəti və qardaş Azərbaycanın firavanlığı naminə bundan sonrakı fəaliyyətinizdə yeni uğurlar diləyirəm".
***
Sfera.az xəbər verir ki, mətndə deyilir:
"Əziz dostum,
Hörmətli cənab Prezident,
Sizi Gürcüstan hökuməti və gürcü xalqı adından 60 illik yubileyiniz münasibətilə xüsusi şərəf hissi ilə ürəkdən təbrik edirəm. Sizə güc-qüvvət, cansağlığı və uğurlar arzulayıram.
Azərbaycanın uğurlu bir dövlət kimi qurulmasında Sizin xidmətləriniz və rolunuz ölçüyəgəlməzdir.
Gürcüstan-Azərbaycan münasibətlərinin möhkəmləndirilməsi və inkişaf etdirilməsi istiqamətində Sizin şəxsi səylərinizi nə qədər yüksək qiymətləndirdiyimizi xüsusi qeyd etmək istərdim.
Gürcü və Azərbaycan xalqları arasında ənənəvi dostluq Gürcüstan üçün çox dəyərlidir. Bu, ölkələrimizin mehriban qonşuluq və yaxın tərəfdaşlıq münasibətlərinin inkişafı üçün mühüm amildir.
Qətiyyətlə inanıram ki, ölkələrimiz arasında mövcud olan strateji tərəfdaşlıq həmişə regionun sabitliyinə, tərəqqisinə və rifahına güclü təminat olacaqdır.
Şadam ki, xüsusən son dövrlərdə əməkdaşlığımızın yüksək səviyyəsi ümumi maraq kəsb edən bir sıra sahələrdə birgə uğurlu işlərimiz üçün möhkəm zəmin yaratmışdır.
Məmnunluq hissi ilə qeyd etmək istərdim ki, Gürcüstanla Azərbaycan arasında qardaşlıq, dostluq, tərəfdaşlıq əlaqələri inkişaf edir, dərinləşir və bu işdə Sizin şəxsi töhfəniz çox böyükdür. Belə bir nümunəvi qardaşlığa görə Sizə bir daha təşəkkür edirəm. Əminəm ki, əlaqələrimiz Gürcüstan-Azərbaycan dostluğunun və əməkdaşlığının möhkəmlənməsinə yeni və daha güclü təkan verəcək, son nəticədə ölkələrimizə firavanlıq, sabitlik gətirəcəkdir. Ölkələrimiz gürcü və Azərbaycan xalqlarının çoxəsrlik mehriban qonşuluğa və dostluğa əsaslanan uğurlu əməkdaşlığını bundan sonra da davam etdirəcəklər.
Əziz dostum, hörmətli Prezident, icazə verin Sizə öz səmimi ehtiramımı bir daha ifadə edim. Sizə rifah və Azərbaycan Prezidenti kimi qarşıya qoyduğunuz məqsədlərə çatmaqda uğurlar arzulayıram".
***
Sfera.az xəbər verir ki, məktubda deyilir:
"Hörmətli İlham Heydər oğlu,
Altmış illik yubileyiniz münasibətilə səmimi təbriklərimi qəbul edin.
Siz dövlət başçısı kimi atanız - mənim dostum Heydər Əliyevin başlatdığı işi davam etdirərək xalqın rifahının yüksəldilməsində, ölkənin iqtisadiyyatının inkişafında və beynəlxalq aləmdə nüfuzunun möhkəmlənməsində böyük nailiyyətlər əldə etmisiniz.
Ölkənizin ərazi bütövlüyünün bərpası xüsusi sevinc doğurmuşdur. Cənubi Qafqazda uzunmüddətli sülhün bərqərar olmasında Sizin səyləriniz regionda təhlükəsizliyə və sabitliyə töhfə verir.
Azərbaycanın parlaq gələcəyi, 2030-cu ilə qədər sosial-iqtisadi inkişafa dair milli prioritetlərə uyğun olaraq məqsəd və planların uğurla reallaşdırılması üçün məsul işinizdə Sizə uğurlar arzulayıram.
Əminəm ki, Qazaxıstan ilə Azərbaycan arasında qarşılıqlı hörmət və mehriban qonşuluq ənənələrinə əsaslanan hərtərəfli strateji tərəfdaşlıq bundan sonra da xalqlarımızın rifahı naminə dinamik şəkildə yüksələcək və inkişaf edəcəkdir.
Sizinlə görüşlərimizi həmişə səmimiyyətlə xatırlayıram, münasibətlərimizin gələcəkdə də davam edəcəyinə ümidvaram.
Hörmətli İlham Heydər oğlu, yubileyiniz münasibətilə Sizə möhkəm cansağlığı, ailə səadəti, məsul dövləti fəaliyyətinizdə uğurlar, qardaş Azərbaycan xalqına isə sülh və firavanlıq diləyirəm".
***
Sfera.az xəbər verir ki, mətndə deyilir:
"Hörmətli İlham Heydər oğlu.
Altmış illik yubileyiniz münasibətilə ən səmimi təbriklərimi qəbul edin.
Uzun illərdir ki, mən Sizi istedadlı və mehriban insan, müdrik və uzaqgörən siyasi xadim, parlaq və səriştəli rəhbər kimi tanıyıram. Siz həyatınızı Vətənə fədakarcasına xidmətə həsr etmisiniz və bunun müqabilində ən yüksək mükafata - Azərbaycan xalqının səmimi sevgisinə və ehtiramına layiq görülmüsünüz. Siz milli həmrəyliyi və çoxəsrlik ənənələri qoruyub saxlamaqla ölkənizi tərəqqi və quruculuq yolu ilə inamla irəli aparırsınız, haqlı olaraq beynəlxalq arenada nüfuz və hörmət qazanmısınız.
Azərbaycanın inkişafına və firavanlığına görə üzərinizə çox böyük məsuliyyət düşür və Siz bu mürəkkəb missiyanı parlaq şəkildə yerinə yetirirsiniz. Zəngin təcrübəniz və öz işinizə sədaqət Sizin ən mürəkkəb məsələlərin öhdəsindən gəlməyinizə, milyonlarla həmvətəninizin taleyinin asılı olduğu düzgün qərarlar qəbul etməyinizə kömək edir.
Rusiya Federasiyasında Sizin Azərbaycan Respublikası və onun vətəndaşları qarşısında mühüm xidmətləriniz haqqında bilirlər. Strateji tərəfdaşlığın möhkəmlənməsinə qiymətli töhfəniz ölkələrimizin möhkəm dostluğunun rəhni olub.
Rusiya və Azərbaycanın topladığı əməkdaşlıq təcrübəsi parlament xətti üzrə sabit əlaqələri əhatə edir. Əminəm ki, Sizin dəstəyinizlə bu mühüm qarşılıqlı əlaqə kanalı bundan sonra da bütün ikitərəfli münasibətlərin, regional və beynəlxalq gündəlikdəki aktual məsələlərdə birgə səylərin koordinasiyasının səmərəli vasitəsi kimi qalacaq.
Sizinlə görüşlərimizi və söhbətlərimizi həmişə səmimiyyətlə xatırlayıram, aramızda yaranmış inam və etimadı çox yüksək qiymətləndirirəm.
Hörmətli İlham Heydər oğlu, Sizə səmimi qəlbdən möhkəm cansağlığı, nikbinlik, ən cəsarətli planlarınızın reallaşmasında uğurlar və müvəffəqiyyətlər arzu edirəm. Qoy Sizin liderlik keyfiyyətləriniz, tükənməz enerjiniz, xalqın Sizə inamı və dəstəyi gündən-günə firavanlaşan Azərbaycanın yeni nailiyyətlərinin möhkəm təməli olsun.
Sizə olan ən yüksək ehtiramımı qəbul etməyinizi xahiş edirəm".
Sfera.az xəbər verir ki, məktubda deyilir:
"Möhtərəm cənab Prezident,
Sizi Türk Dövlətləri Təşkilatı adından və şəxsən öz adımdan 60 illik yubileyiniz münasibətilə ürəkdən təbrik edir, ən səmimi arzu və diləklərimi qəbul etməyinizi xahiş edirəm.
Xüsusi olaraq vurğulamaq istərdim ki, Sizin liderliyiniz və müdrik siyasətiniz sayəsində Azərbaycan Respublikası Cənubi Qafqazın aparıcı ölkəsi kimi regionumuzda sabitlik və əmin-amanlıq amili olaraq beynəlxalq aləmdə nüfuzunu daha da möhkəmləndirmiş və regional siyasətin formalaşdırılmasında strateji dövlətə çevrilmişdir.
Eyni zamanda qardaş Azərbaycanın, habelə bütün türk dünyasının tarixində yeni bir səhifə açan 44 günlük Vətən müharibəsində müzəffər Ali Baş Komandan kimi qazandığınız şanlı Qələbə regionumuzda hərtərəfli əməkdaşlıq və davamlı inkişaf üçün yeni münasibətlərin təməlini qoymuşdur.
Qarabağın işğaldan azad edilməsi yolunda göstərdiyiniz səylərə və türk birliyinin daha da güclənməsi işinə verdiyiniz töhfələrə görə təşkilatımızın İstanbulda keçirilmiş VIII Zirvə görüşündə dövlət başçıları tərəfindən "Türk Dünyasının Ali Ordeni" ilə təltif edilməyinizi qardaş xalqlarımız türk dövlətlərinin Azərbaycanla birlik və həmrəyliyinin bariz numunəsi kimi böyük rəğbətlə qarşılamışlar.
Azərbaycan Respublikasının Türk Dövlətləri Təşkilatının yaradılması və daha da gücləndirilməsində mühüm rol oynadığını bir daha qürurla vurğulayaraq qeyd etmək istərdim ki, sədrliyiniz dövründə türk dövlətləri arasındakı əməkdaşlıq yeni müstəviyə yönəlmiş və təşkilatımız regionda daha da cəlbedici platformaya çevrilmişdir.
Zati-aliləri, fürsətdən istifadə edib Sizə bir daha möhkəm cansağlığı, ali dövləti fəaliyyətinizdə davamlı uğurlar, qardaş Azərbaycan xalqına rifah, firavanlıq və xoşbəxtlik arzulayıram".
***
Sfera.az xəbər verir ki, mətndə deyilir:
"Hörmətli İlham Heydər oğlu.
Altmış illik yubileyiniz münasibətilə ən səmimi təbriklərimi qəbul edin.
Sizin adınız öz qanuni hüquqlarını qoruyan, haqlı olaraq beynəlxalq arenada layiqli yer tutan Azərbaycanın ən yeni tarixinin ayrılmaz hissəsidir. Sizin rəhbərliyinizlə yürüdülən ardıcıl, ölçülüb-biçilmiş xarici və daxili siyasət Azərbaycan Respublikasının nüfuzunun durmadan artmasına, onun mövqelərinin möhkəmlənməsinə imkan yaradır.
Çoxillik siyasi təcrübəniz, fədakar əməyiniz, yüksək peşəkarlığınız, məsuliyyətli fəaliyyətiniz və qətiyyətli qərarlarınız sayəsində ölkənin müasir simasını formalaşdırmış bir sıra vacib dəyişikliklər həyata keçirilmiş, onun milli maraqlarının hərtərəfli müdafiəsi təmin edilmiş, Azərbaycan xalqının rifahı naminə ictimai-siyasi, sosial-iqtisadi və mədəni-humanitar sahələrdə səmərəli nəticələr əldə edilmişdir.
Siz Azərbaycan Respublikasının Prezidenti vəzifəsində çalışdığınız müddətdə Vətənə sədaqətlə xidmətin parlaq nümunəsini göstərmiş, milyonlarla həmvətəninizin səmimi hörmətini qazanmış, həmçinin xaricdə də böyük nüfuz sahibinə çevrilmisiniz.
Tam əminliklə demək olar ki, 2021-ci ildə 20 yaşı tamam olan Şanxay Əməkdaşlıq Təşkilatı (ŞƏT) birgə səylər sayəsində güclü transregional təşkilat kimi geniş beynəlxalq nüfuz qazanmışdır. Təşkilatın fəaliyyətinə Sizin şəxsi diqqətiniz, onun Katibliyinin işində fəal iştirakınız, dialoq üzrə tərəfdaş qismində Azərbaycanla qarşılıqlı fəaliyyətin yüksək səviyyəsi ŞƏT-in gələcək inkişafı üçün xüsusi əhəmiyyət kəsb edir.
İcazə verin, bu xoş fürsətdən istifadə edərək Sizə səmimi qəlbdən möhkəm cansağlığı, xoşbəxtlik, ölkənin rifahı naminə yeni müvəffəqiyyətlər, dost Azərbaycan xalqına isə sülh, firavanlıq və tərəqqi arzulayım".
***
Sfera.az xəbər verir ki, məktubda deyilir:
"Möhtərəm İlham Heydər oğlu,
Altmış illik yubileyiniz münasibətilə səmimi təbriklərimi qəbul edin.
Siz haqlı olaraq Azərbaycanın tanınmış lideri, həm də dünya siyasətində parlaq simasınız. Sizin rəyiniz və mövqeyiniz ən mühüm regional problemlərin həllində müəyyənedici rol oynayır.
Sizin yüksək intellektual potensialınız, təfəkkür genişliyiniz və dövlət idarəçiliyi sahəsində çoxillik təcrübəniz dinamik dəyişən müasir reallıqlar şəraitində optimal həllər tapmağınıza imkan verir.
Azərbaycan iqtisadiyyatının inkişafı, insanların həyatının keyfiyyətinin yaxşılaşdırılması Sizin məsul dövlət vəzifəsində səmərəli işinizin dəyişməz prioritetləridir. Sizin rəhbərliyinizlə həyata keçirilən strateji kurs isə ölkənizin beynəlxalq arenada nüfuzunun və rolunun durmadan artmasına şərait yaradır.
Fürsətdən istifadə edərək, Müstəqil Dövlətlər Birliyi məkanında tərəfdaş kimi qarşılıqlı fəaliyyətin möhkəmləndirilməsi məsələlərində ardıcıl və konstruktiv mövqeyinizə, MDB İcraiyyə Komitəsinin fəaliyyətini daim dəstəklədiyinizə görə Sizə səmimi minnətdarlığımı bildirirəm.
Möhtərəm İlham Heydər oğlu, Sizə möhkəm cansağlığı, firavanlıq və doğma Azərbaycanın rifahı naminə işinizdə uğurlar arzulayıram".
***
Sfera.az xəbər verir ki, məktubda deyilir:
"Hörmətli İlham Heydər oğlu,
Altmış illik yubileyiniz münasibətilə ən səmimi təbriklərimi və xoş arzularımı qəbul edin.
Ali dövləti vəzifədə çoxillik fəaliyyətiniz, əldə etdiyiniz genişmiqyaslı iqtisadi nəticələr və strateji siyasi nailiyyətlər Sizə həm doğma ölkənizdə, həm də beynəlxalq aləmdə böyük nüfuz qazandırıb. Bu gün müşahidə olunan ümumi qeyri-sabitlik fonunda Azərbaycanın müəyyən etdiyiniz uzunmüddətli hərtərəfli inkişaf xətti ilə inamla irəliləməsi və sabitlik nümayiş etdirməsi şəksiz olaraq Sizin xidmətinizin və qurucu fəaliyyətinizin sanballı nəticəsidir.
Qoy doğma ölkənizə səmimi sevginiz və dərin sədaqətiniz bundan sonra da Sizin fəaliyyətinizin hərəkətverici qüvvəsi və Azərbaycan Respublikasının rifahı naminə nəzərdə tutduğunuz bütün planlarınızın həyata keçirilməsinin rəhni olsun! Sizə səmimi qəlbdən hər bir işinizdə uğurlar, möhkəm cansağlığı, uzun ömür və tükənməz enerji arzu edirəm.
Ümidvaram ki, Rusiya-Azərbaycan strateji tərəfdaşlığının mənafeyi və ümumi sülh naminə qardaş xalqlarımız arasında ticari-iqtisadi və humanitar əlaqələr daim genişlənəcək.
Sizə və yaxınlarınıza dərin hörmət hissi ilə xoşbəxtlik diləyirəm".
***
Sfera.az xəbər verir ki, məktubda deyilir:
"Hörmətli İlham Heydər oğlu.
Altmış illik yubileyiniz münasibətilə səmimi təbriklərimi qəbul etməyinizi xahiş edirəm.
Azərbaycan Respublikasının Lideri kimi Sizin çoxillik səmərəli fəaliyyətiniz haqlı olaraq nüfuz və hörmət qazanıb. Müasir Azərbaycanın sosial-iqtisadi və ictimai-siyasi inkişafında, dünya arenasında nüfuzunun möhkəmlənməsində qazanılmış bütün möhtəşəm nailiyyətlər Sizin adınızla sıx bağlıdır.
Sizin atanız Heydər Əlirza oğlu Əliyevin yürütdüyü siyasət sayəsində dövlətinizin gələcək inkişafı üçün möhkəm təməl yaradılıb. Sizin rəhbərliyinizlə ölkəniz beynəlxalq münasibətlər sistemində layiqli yer tutur.
Dağıstanda Azərbaycan Respublikası ilə tarixən yaranmış çoxəsrlik dostluq, mehriban qonşuluq və qarşılıqlı hörmət ənənələrinə əsaslanan səmərəli qarşılıqlı fəaliyyəti yüksək qiymətləndirirlər.
Bizim böyük şair Rəsul Həmzətovun yazdığı kimi:
Bakı, Bakı, baş əyirəm qarşında,
Qardaş kimi əllərini sıxıram,
Xəzərin dalğalı pıçıltısında,
Dostluq nəğməsini mən dinləyirəm.
Hörmətli İlham Heydər oğlu, Sizə möhkəm cansağlığı, tükənməz enerji, firavanlıq diləyir, Yeni ildə ən xoş arzularımı çatdırıram".
***
Sfera.az xəbər verir ki, məktubda deyilir:
"Hörmətli İlham Heydər oğlu,
İcazə verin, Rusiya Müsəlmanlarının Ruhani Məclisi adından və şəxsən öz adımdan Sizi həyatınızda əlamətdar hadisə - 60 illik yubileyiniz münasibətilə ürəkdən təbrik edim.
Yubiley sadəcə bayram deyil. Bu, keçilmiş həyat yolu barədə düşünmək, gələcək üçün planlar qurmaq, hələ fəth edilməyən yeni zirvələrə gedən yolları müəyyənləşdirmək üçün bir fürsətdir. Siz xeyirxahlıq, ədalət, quruculuq və qəbul edilən qərarların müdrikliyi prinsiplərini rəhbər tutaraq uzun illər boyu Azərbaycan Respublikasının və bütün Azərbaycan xalqının rifahı naminə yorulmadan çalışırsınız.
Sizin ən yüksək peşəkarlığa, zəngin həyat təcrübəsinə və insanlara həssas münasibətə əsaslanan çoxşaxəli fəaliyyətiniz həmişə qarşıya qoyulmuş vəzifələrin uğurla reallaşmasına gətirib çıxarıb. Sizin müdrik rəhbərliyiniz dövründə Azərbaycan xalqının tarixi ədaləti bərpa etmək barədə çoxdankı arzusu həyata keçib. Bunun sayəsində Azərbaycan Respublikası özünün siyasi, iqtisadi və mədəni inkişafında yeni qələbələrə doğru inamla irəliləyir.
Fərəhlə qeyd etməliyəm ki, qardaş ölkələrimiz arasında dialoq ən yüksək səviyyədədir. Bu, ənənəvi İslamın qorunub saxlanması və inkişafı üçün təməldir. Rusiya Müsəlmanlarının Ruhani Məclisi və Qafqaz Müsəlmanları İdarəsi dinlərarası və mədəniyyətlərarası dialoqun möhkəmlənməsi, sülh, təhlükəsizlik və sabitlik ideyalarının geniş yayılması sahəsində illər boyu sıx əməkdaşlıq edir. Biz ölkələrimizin müsəlmanları arasında dostluq münasibətlərini ürəkdən qiymətləndiririk.
Hörmətli İlham Heydər oğlu, bu təntənəli gündə Sizin ən sevindirici hisslərinizə şərik çıxaraq Sizə səmimi qəlbdən dua edir, möhkəm cansağlığı, uzun və səmərəli ömür, enerji, tərəqqi, bütün planlarınızın gerçəkləşməsini, ruh yüksəkliyi və gözəl əhval-ruhiyyə arzu edirik.
Ulu Tanrı Sizi və ailənizi qorusun, xoşbəxtlik bəxş etsin, xeyirxah əməllərinizin əvəzini versin".
Sfera.az xəbər verir ki, mətndə deyilir:
"Zati-aliləri,
Möhtərəm İlham Heydər oğlu,
Şəxsi həyatınızda əlamətdar gün - 60 illik yubileyiniz münasibətilə təbriklərimi qəbul edin.
Siz Azərbaycan Prezidenti vəzifəsində illər boyu səylə çalışaraq Qafqaz regionunda ictimai həmrəyliyin möhkəmlənməsinə sanballı töhfə verirsiniz. Sevindirici haldır ki, topladığınız qiymətli təcrübə respublikanızın xalqları üçün layiqli həyat şəraiti yaradılmasına və onların ahəngdar yaşayışına kömək edən mühüm strateji qərarlar qəbul etməyinizə imkan verir.
Rus Pravoslav Kilsəsinin Bakı Yeparxiyası ilə xoş qarşılıqlı münasibətə, həmçinin Azərbaycan, Rusiya və Ermənistanın dini liderlərinin Qarabağda sülhün bərqərar olmasına yönəlmiş birgə səylərinə göstərdiyiniz diqqətə görə Sizə minnətdaram.
Sizə möhkəm cansağlığı, firavanlıq və ali vəzifənizdə Tanrının bundan sonra da yardımçı olmasını arzu edirəm".
***
Sfera.az xəbər verir ki, məktubda deyilir:
"Əziz İlham Heydər oğlu,
Yubileyiniz münasibətilə səmimi təbriklərimi qəbul edin.
Sizin 60 yaşınız hələ cavanlıqdır. Mən bunu asanlıqla isbat edə bilərəm. Hamıya məlumdur ki, bu yaxınlarda 30 illiyini qeyd etmiş müstəqil Azərbaycan gənc dövlətdir. Deməli, əgər 30 yaş cavanlıqdırsa, onda 60 yaş ikiqat cavanlıqdır.
Bu zarafatda həqiqət çoxdur. Ona görə ki, Siz həqiqətən gəncsiniz. Gördüyünüz hər işdə cəsarət və enerji buna sübutdur.
Əziz dostum, mənim ikiqat gənc dostum, Sizə tükənməz enerji arzu edirəm. Bu enerji Sizə atanızın layiqli oğlu kimi onun başladığı işləri sona çatdırmaq və xalqının sədaqətli oğlu kimi bu xalqın böyük gələcəyini qurmaqda davam etmək üçün lazımdır".
***
Sfera.az xəbər verir ki, mətndə deyilir:
"Hörmətli cənab Prezident,
TÜRKSOY-un Baş Katibliyi, Türkdilli Ölkələrin Mədəniyyət Nazirlərinin Daimi Şurası adından və şəxsən öz adımdan Sizi əlamətdar yubileyiniz münasibətilə səmimi qəlbdən təbrik edirəm.
Zati-alinizin yürütdüyü uzaqgörən və müdrik siyasət nəticəsində müstəqil Azərbaycan Respublikası siyasi, iqtisadi və mədəni sahələrdə yüksək nailiyyətlər əldə edərək beynəlxalq aləmdə nüfuzunu artırmış və regionda sülhün, tərəqqinin və əmin-amanlığın bərqərar olmasını təmin etmişdir.
Əminəm ki, Zati-alinizin apardığı təmkinli və ardıcıl fəaliyyət sayəsində azad edilmiş əzəli Azərbaycan torpaqlarında vaxtilə dağıdılmış, məhv edilmiş türk mədəni və tarixi irsi, mədəniyyət və incəsənət ocaqları çox qısa müddətdə bərpa edilərək Azərbaycan xalqının istifadəsinə veriləcək və Qarabağ torpağı yeni dahilər yetişdirib dünya mədəniyyətinə bəxş etdəcəkdir.
Fürsətdən istifadə edərək, TÜRKSOY-a daim göstərdiyiniz diqqət və qayğıya görə Zati-alinizə minnətdarlığımı bildirir, bu əlamətdar gündə Sizə və ailənizə möhkəm cansağlığı, uzun ömür, xoşbəxtlik və ali dövləti fəaliyyətinizdə yeni uğurlar arzulayıram".
***
Sfera.az xəbər verir ki, məktubda deyilir:
"Hörmətli cənab Prezident,
Sizi 60 illik yubileyiniz münasibətilə təbrik edir və cansağlığı arzulayıram.
Bu yaxınlarda Brüsseldə Şərq Tərəfdaşlığı Sammiti çərçivəsində keçirilmiş görüşümüzdə açıq və konstruktiv söhbətimizi xatırlayıram.
Bu əlamətdar günlə əlaqədar əminliyimi bildirirəm ki, Moldova Respublikası ilə Azərbaycan Respublikası arasında mövcud ənənəvi dostluq və əməkdaşlıq münasibətləri gələcəkdə ölkələrimizin, xalqlarımızın rifahı naminə daha da inkişaf edəcəkdir.
Zati-aliləri, xahiş edirəm ən yüksək ehtiramımı qəbul edin".
***
Sfera.az xəbər verir ki, mətndə deyilir:
"Hörmətli cənab Prezident,
Doğum gününüz münasibətilə Sizi səmimi qəlbdən təbrik edirəm. Sizə cansağlığı, xoşbəxtlik və ali dövləti fəaliyyətinizdə nailiyyətlər arzulamaqdan şərəf duyuram.
Cənab Prezident, xalqınızın rifahı və tərəqqisi üçün qarşıya qoyulan məqsədlərə çatmaqda Sizə uğurlar arzu edirəm.
Əminəm ki, Xorvatiya və Azərbaycan bundan sonra da qarşılıqlı dostluğu və ikitərəfli əməkdaşlığı möhkəmləndirəcək və dərinləşdirəcəkdir. Buna görə də iqtisadi əlaqələrin təkmilləşdirilməsi istiqamətində birgə fəaliyyətimiz xüsusi əhəmiyyət kəsb edir.
Cənab Prezident, Sizə ən dərin ehtiramımı qəbul etməyinizi xahiş edirəm".
***
Sfera.az xəbər verir ki, mətndə deyilir:
"Zati-aliləri.
Doğum gününüz münasibətilə Sizi təbrik edir, möhkəm cansağlığı, Azərbaycan Respublikasının firavanlığı naminə fəaliyyətinizdə uğurlar diləyirəm.
Sizinlə ümumi dəyərlər və qarşılıqlı hörmət ruhunda əməkdaşlığa böyük əhəmiyyət verirəm. Həm dövlətlərarası, həm şəxsi münasibətlərimizin yaxınlığı Qoşulmama Hərəkatının 60 illik yubileyinin qeyd olunması ilə bağlı birgə təşkilatçılıqda bir daha təsdiqləndi. Mənə çox xoşdur ki, Siz çıxışınızda beynəlxalq hüquq çərçivəsində ölkələrin ərazi bütövlüyü və suverenliyinə dair məsələləri xüsusi qeyd etdiniz. Bu mənada mən Kosovonun birtərəfli qaydada elan etdiyi müstəqilliyi tanımamaqla bağlı qəti mövqeyinizə, həmçinin beynəlxalq təşkilatlarda bu məsələ ilə əlaqədar Serbiyanı dəstəklədiyinizə görə Sizə bir daha təşəkkürümü bildirirəm. Serbiya da öz növbəsində suverenlik və ərazi bütövlüyünə hörmət prinsipinə sadiqdir və Qarabağ probleminin tənzimlənməsini alqışlayır.
Hörmətli cənab Prezident, Azərbaycanla strateji tərəfdaşlıq Serbiya üçün böyük əhəmiyyət kəsb edir. Coğrafi məsafəyə baxmayaraq, bizim ölkələrimizi və xalqlarımızı ənənəvi dostluq və tərəfdaşlığın bütün sahələrdə möhkəmlənməsi üçün böyük potensial birləşdirir. Serbiya əlaqələrin daha da möhkəmlənməsinə qəti şəkildə sadiqdir. Ona görə də ümid edirəm ki, Azərbaycan ümumi məqsədlərin reallaşmasında gələcəkdə də bizim etibarlı tərəfdaşımız olaraq qalacaqdır.
Zati-aliləri, yeni görüşlər ümidi ilə xahiş edirəm ən yüksək ehtiramımı qəbul edəsiniz".
***
Sfera.az xəbər verir ki, mətndə deyilir:
"Hörmətli cənab Prezident,
Doğum gününüz münasibətilə səmimi təbriklərimi və ən xoş arzularımı Zati-alinizə çatdırmaqdan böyük məmnunluq hissi duyuram.
Xahiş edirəm, Sizə möhkəm cansağlığı və xoşbəxtlik arzularımı qəbul edəsiniz".
***
Sfera.az xəbər verir ki, mətndə deyilir:
"Hörmətli İlham Heydər oğlu.
Altmış illik yubileyiniz münasibətilə səmimi təbriklərimi və xoş arzularımı qəbul edin.
Siz bu yubiley gününü haqlı olaraq öz xalqınızın tanınmış, Azərbaycan dövlətçiliyinin möhkəmlənməsinə, ölkənin sosial-iqtisadi inkişafında mühüm nailiyyətlərə və beynəlxalq arenada nüfuzunun artırılmasına tarixi töhfə vermiş lideri kimi qarşılayırsınız.
Əminəm ki, Azərbaycan Sizin strateji kursunuzla bundan sonra da dayanıqlı inkişaf yolu ilə irəliləyəcək, güclü və firavanlaşan dövlət quruculuğu işində yeni zirvələr fəth edəcək.
Qazaxıstanda Sizin Qazaxıstan-Azərbaycan münasibətlərinin dərinləşməsinə verdiyiniz şəxsi töhfənizi yüksək qiymətləndirir və iki ölkə arasında çoxillik dostluq, qarşılıqlı dəstək və strateji tərəfdaşlıq tellərinin bundan sonra da möhkəmlənməsinə böyük əhəmiyyət verirlər.
Hörmətli İlham Heydər oğlu, bu əlamətdar gündə Sizə məsul dövləti fəaliyyətinizdə böyük nailiyyətlər, qardaş Azərbaycan xalqına isə rifah və tərəqqi arzulayıram".
***
Sfera.az xəbər verir ki, məktubda deyilir:
"Zati-aliləri, hörmətli İlham Heydər oğlu,
Altmış illik yubileyiniz münasibətilə ən səmimi, xoş arzularımı qəbul edin. Siz, atanız, Azərbaycanın ümummilli lideri Heydər Əliyevin (Allah onun yerini behişt eləsin) yolunun davamçısı kimi ölkənizi inamla firavanlığa, onun dövlətçilik dayaqlarını daha da möhkəmlətməyə doğru aparırsınız.
Sizin dinə və Vətənə sevginizdən bütün Azərbaycan bəhrələnir. Son illərdə Azərbaycan çox dəyişib. Ölkəniz fasiləsiz hərtərəfli inkişaf yolu ilə fəal irəliləyir. Bütün bunlar Sizin kimi məsul liderin, siyasi xadimin sayəsində baş verir.
Siz atanızın vəsiyyətlərinə əməl etməklə haqlı olaraq qurucu və Azərbaycan torpaqlarını birləşdirən şəxs obrazı yaratmısınız. Azərbaycan Respublikası Silahlı Qüvvələrinin Ali Baş Komandanı kimi torpaqlarınızı çoxillik işğaldan azad etməyə və ölkənizin təhlükəsizliyini möhkəmlətməyə nail olmusunuz.
Bununla bərabər, dövlətlərimiz arasında geniş spektrli münasibətlərin möhkəmlənməsinə Sizin böyük şəxsi töhfəniz də göz qabağındadır. Sizin rəhbərliyinizlə Azərbaycan iqtisadi və sosial sahələrdə də böyük uğurlar qazanıb. Azərbaycan gələcəyə cəsarətlə baxır və şübhəsiz, bu da Sizin xidmətinizdir.
Dövlət başçıları gəldi-gedər olsa da həqiqi liderlər xoş iz qoyub gedirlər, özü də təkcə tarixdə yox. Siz atanız Heydər Əliyev tərəfindən əsası qoyulmuş dövlətçiliyin təməlini daha da möhkəmlətmisiniz.
Allah Sizdən razı olsun. Sizə möhkəm cansağlığı, əmin-amanlıq, məsul dövləti fəaliyyətinizdə uğurlar, qardaş Azərbaycanın bütün xalqına firavanlıq arzu edirəm".
Sfera.az xəbər verir ki, məktubda deyilir:
"Çox hörmətli İlham Heydər oğlu,
MDB iştirakçısı olan dövlətlərin Parlamentlərarası Assambleya Şurası adından yubileyiniz münasibətilə səmimi təbriklərimizi qəbul edin.
Sizin sayənizdə ölkəniz siyasi, iqtisadi və sosial sahələrdə böyük nailiyyətlər qazanmış, beynəlxalq əlaqələrini əhəmiyyətli dərəcədə genişləndirmiş, dünyanın və regionun gündəliyində olan aktual məsələlərin həllində rolunu gücləndirmişdir.
MDB parlamentariləri Sizi öz ölkəsinin həqiqi lideri, Birlik məkanında inteqrasiya proseslərinin fəallaşmasına böyük töhfə verən, iştirakçı ölkələr arasında strateji tərəfdaşlığın və dostluq münasibətlərinin möhkəmlənməsinə xüsusi diqqət yetirən siyasi xadim kimi tanıyır.
Hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik, sülh və firavanlıq, Azərbaycan Respublikasının inkişafı və onun vətəndaşlarının firavanlığı naminə ali dövləti fəaliyyətinizdə yeni-yeni uğurlar arzulayırıq".
***
Sfera.az xəbər verir ki, məktubda deyilir:
"Hörmətli İlham Heydər oğlu,
Yubileyiniz münasibətilə ən səmimi və ürəkdən gələn təbriklərimi qəbul edin.
Sizin Azərbaycan Respublikasının Prezidenti vəzifəsində çoxşaxəli və səmərəli fəaliyyətiniz müasir Azərbaycanın böyük dövlət və siyasi xadimi kimi istedadınızı parlaq şəkildə göstərir. Siz Azərbaycan Respublikasının ümummilli lideri Heydər Əliyev tərəfindən əsası qoyulmuş iqtisadi və sosial inkişaf strategiyasını ardıcıl şəkildə reallaşdırırsınız.
Yüksək peşəkarlıq, zəngin həyat yolu, ən çətin vəziyyətlərdə siyasi kompromis tapmaq bacarığı, sosial siyasətin ardırıcıllıqla reallaşdırılması Sizə nüfuz, hörmət və inam qazandırmışdır.
Hörmətli İlham Heydər oğlu, Sizə səmimi qəlbdən möhkəm cansağlığı, çoxmillətli Azərbaycanın rifahı, əmin-amanlığı, xoşbəxtliyi və tərəqqisi naminə qarşıda duran vəzifələrin reallaşmasında yeni uğurlar arzulayıram".
***
Sfera.az xəbər verir ki, təbrikdə deyilir:
"Hörmətli İlham Heydər oğlu,
60 illik yubileyiniz münasibətilə ən səmimi təbriklərimi qəbul edin.
Siz ən çətin vəziyyətlərdə belə balanslı, uzaqgörən qərarlar qəbul etməyə qadir olan müdrik və təcrübəli dövlət xadimi kimi həmvətənlər arasında və beynəlxalq aləmdə layiqli nüfuza sahibsiniz. Sizin rəhbərliyiniz altında Azərbaycan iqtisadi, sosial və digər sahələrdə hamı tərəfindən qəbul edilmiş uğurlara imza atıb.
Yoldaşlıq münasibətimizi yüksək qiymətləndirirəm. Sizinlə konstruktiv, məzmunlu dialoqun və Rusiya-Azərbaycan strateji tərəfdaşlığının daha da inkişaf etdirilməsi, eləcə də regional sabitliyin və təhlükəsizliyin möhkəmləndirilməsi maraqları naminə sıx birgə işi davam etdirməkdən şad olaram.
Sizə səmimi-qəlbdən cansağlığı, firavanlıq və uğurlar arzulayıram. Fürsətdən istifadə edib, ailənizə ən səmimi salamlarımı çatdırmaq istərdim".
***
Sfera.az xəbər verir ki, məktubda deyilir:
"Hörmətli İlham Heydər oğlu,
Rusiya Federasiyası Xarici Kəşfiyyat Xidmətinin rəhbərliyi adından və şəxsən öz adımdan Sizi 60 illik yubileyiniz münasibətilə təbrik edirəm. Siz Azərbaycan xalqının firavanlığına yönəlmiş nəcib fəaliyyətinizdə zəngin təcrübənizdən və rəhbər müdrikliyinizdən tam istifadə edirsiniz. Sizin yüksək peşəkarlığınız, ölkəniz qarşısında məsuliyyət və borc hissiniz böyük hörmət doğurur.
Hörmətli İlham Heydər oğlu, Sizə ali dövləti fəaliyyətinizdə yeni uğurlar, möhkəm cansağlığı, xoşbəxtlik, firavanlıq, dostlarınızın səmimiyyətini və diqqətini, Sizə əziz və yaxın insanların sevgisini arzu edirəm.
Bu xoş fürsətdən istifadə edib, ölkələrimizin xüsusi xidmətləri arasında qarşılıqlı fəaliyyətə göstərdiyiniz diqqət və dəstəyə görə Sizə minnətdarlığımı bildirmək istəyirəm. Bu qarşılıqlı fəaliyyət bundan sonra da Rusiyanın və Azərbaycanın təhlükəsizliyinin, milli maraqlarının müdafiəsinin, regionda sülhün və sabitliyin qorunub saxlanmasının qarantı olacaq".
***
Sfera.az xəbər verir ki, məktubda deyilir:
"Cənab Prezident,
Gürcüstan xalqı adından və şəxsən öz adımdan Sizə 60 illik yubileyiniz münasibətilə səmimi təbriklərimi çatdırıram. Sizin rəhbərliyinizlə Azərbaycan müasir, müstəqil və uğurlu dövlət quruculuğunda mühüm nailiyyətlər əldə etmişdir.
Bu, bir danılmaz faktdır ki, regionumuz malik olduğu gesosiyasi potensialını tam istifadə etməkdə çoxlu problem və maneələrlə üzləşmişdir. Gürcüstan ilə Azərbaycanı əsrlər boyu dostluq, mehriban qonşuluq münasibətləri, qarşılıqlı hörmət və ümumi maraqlar birləşdirir. Buna görə də mən qəti şəkildə inanıram ki, biz birlikdə ümumi regional problemlərimizi regional imkanlara çevirəcəyik. Əminəm ki, biz birgə səylərimizlə regionda sülhü və sabitliyi möhkəmləndirəcəyik. Bunun isə təkcə region deyil, dünya üçün faydalı nəticələri olacaqdır. Bizim üçün Qafqazın iqtisadi potensialını tam reallaşdırmaq və regionu Şərqlə Qərb arasında əlaqə mərkəzinə çevirmək zamanıdır.
Fürsətdən istifadə edərək, Gürcüstanın suverenliyini və ərazi bütövlüyünü dəstəklədiyinizə görə Sizə minnətdarlığımı bildirirəm. Sizin ölkələrimiz arasında əlaqələrin dərinləşməsi ilə bağlı möhkəm qətiyyətiniz gələcək nəsillər üçün dostluq və qarşılıqlı hörmət nümunəsi olaraq qalacaqdır. Mən Gürcüstan ilə Azərbaycan arasında strateji əlaqələrin möhkəmlənməsinə dəstəyimi bir daha təsdiqləyirəm. Əminəm ki, biz əməkdaşlığımızı dərinləşdirəcəyik, qarşıya yeni məqsədlər qoyacaq və onun nəticələrindən bəhrələnəcəyik.
Zati-aliləri, xahiş edirəm, Sizə olan ən yüksək ehtiramımı qəbul edin. Sizə və dost Azərbaycan xalqına cansağlığı, firavanlıq, Yeni ildə yeni uğurlar arzulayıram".
Sfera.az xəbər verir ki, mətndə deyilir:
"Hörmətli cənab Prezident,
Doğum gününüz münasibətilə Sizi səmimi qəlbdən təbrik edirəm.
Azərbaycanda müasir cəmiyyət quruculuğu işinə, eləcə də ölkələrimiz arasında əlaqələrin, xüsusilə iqtisadi əməkdaşlığın inkişafına verdiyiniz töhfələrə görə Sizə çox minnətdarıq.
Azərbaycan Respublikası müstəqil ölkə kimi qısa müddətdə böyük nailiyyətlər qazanmış və şübhəsiz, dünya birliyinin fəal və nüfuzlu üzvünə çevrilmişdir.
Əminəm ki, ölkələrimiz arasındakı dostluq münasibətləri xalqlarımızın rifahı naminə gələcəkdə inkişaf etməkdə davam edəcəkdir.
Cənab Prezident, Sizə cansağılığı, sülhə və Azərbaycan xalqının firavanlığına xidmət edən fəaliyyətinizdə uğurlar arzu edirəm".
Sfera.az xəbər verir ki, məktubda deyilir:
"Zati-aliləri,
İcazə verin, yubileyiniz münasibətilə Sizə səmimi təbriklərimi çatdırım.
Qəti şəkildə inanıram ki, Latviya və Azərbaycan arasında dostluq əlaqələri qarşıdan gələn illərdə genişlənməkdə davam edəcəkdir.
Sizə möhkəm cansağlığı, ölkənizə sülh və firavanlıq arzulayıram.
Zati-aliləri, ən yüksək ehtiramımı qəbul etməyinizi xahiş edirəm".
***
Sfera.az xəbər verir ki, bunu Türkiyə Prezidenti Rəcəb Tayyib Ərdoğan AzTV-nin Prezident, Müzəffər Ali Baş Komandan İlham Əliyevin 60 illik yubileyi ilə əlaqədar hazırladığı "Prezident. Təkrarsız diplomatiya" adlı sənədli filmdə bildirib.
"Özünə sevdikləri, dəyərli ailəsi ilə birlikdə xeyirli ömür yaşamasını diləyirəm. Bu düşüncə ilə İlham Əliyev qardaşımın doğum gününü səmimi-qəlbdən yenidən təbrik edir, can Azərbaycana salamlarımı çatdırıram. Rəbbim Türkiyə-Azərbaycan qardaşlığını daim etsin, qorusun!", - Türkiyə lideri vurğulayıb.
Sfera.az xəbər verir ki, o, bununla bağlı tviter səhifəsində yazıb.
"Can Azərbaycanın Prezidenti və Vətən müharibəsinin Müzəffər Ali Baş Komandanı İlham Əliyevin 60-cı doğum gününü təbrik edirəm. Ad gününüz mübarək, cənab Prezident!", - paylaşımda bildirilib.
***
Sfera.az xəbər verir ki, məktubda deyilir:
"Zati-aliləri, hörmətli cənab Prezident,
Sizi 60 illik yubileyiniz münasibətilə səmimi qəlbdən təbrik edirəm.
"Total Energies" şirkətinin adından və şəxsən öz adımdan Sizə möhkəm cansağlığı, xoşbəxtlik, Azərbaycan dövlətinin inkişafı və xalqının rifahı naminə fəaliyyətinizdə uğurlar arzulamaqdan məmnunluq duyuram.
Mən "Total Energies" şirkəti ilə Azərbaycan hökuməti arasında əməkdaşlığa böyük əhəmiyyət verirəm. Bizim şirkətimiz SOCAR-la birlikdə Azərbaycanda enerji sektorunun uzunmüddətli inkişafına töhfə vermək işinə sadiqdir.
Zati-aliləri, gələcək illərdə əməkdaşlığımızın daha da inkişafına və möhkəmlənməsinə ümid edirəm".
***
Sfera.az xəbər verir ki, məktubda deyilir:
"Hörmətli cənab Prezident,
Əlamətdar hadisə - 60 illik yubileyiniz münasibətilə Sizə, Birinci vitse-prezidentə və bütün ailənizə ən xoş arzularımı bildirirəm. Sizə davamlı uğurlar və xoşbəxtlik diləyirəm. Azərbaycan Sizin rəhbərliyinizlə inkişaf etməkdə davam edir.
Bilirəm ki, başa çatmaqda olan il Sizin üçün xüsusilə fərqli il oldu, ölkəniz geri qaytardığı ərazilərdə yenidənqurma işlərinə başladı. Britaniya ekspertlərinin və şirkətlərinin həmin ərazilərin minalardan təmizlənməsi və bərpa işlərinə kömək etmələrindən məmnunam.
Gələn ilin mart ayında Bakıya edəcəyim növbəti səfəri çox böyük səbirsizliklə gözləyirəm. 2020-ci ilin fevralında ölkənizə etdiyim son səfərdən kifayət qədər çox vaxt keçib. Ümid edirəm ki, hökumətiniz Britaniya səfiri və səfirliyin komandası ilə yaxından işləyir. Mən də sizin Londondakı səfirliyinizlə yaxın əlaqə saxlayıram. Sizinlə iqtisadi şaxələndirmə və enerji resurslarının nəqlinə dair şəxsi dialoqumuzu bərpa etməyə ümidvaram.
Yeni ildə yeni arzularla".
Sfera.az xəbər verir ki, məktubda deyilir:
"Zati-aliləri,
Altmış illik yubileyiniz münasibətilə Sizi səmimi qəlbdən təbrik edir, ən xoş arzularımı çatdırıram.
Mən, həmçinin Sizi, ailənizi və bütün Azərbaycan xalqını Dünya Azərbaycanlarının Həmrəyliyi Günü münasibətilə təbrik edir, Yeni ildə xoşbəxtlik arzulayıram. Bilirəm ki, Sizin uğurlu rəhbərliyiniz sayəsində 2022-ci il Azərbaycan üçün daha böyük nailiyyətlərlə yadda qalacaq.
Bu ilin noyabr ayında Bakıya səfərim zamanı Sizinlə görüşdüyümə görə sevindim. Mən BP-nin Azərbaycan və regionla həm hazırda davam edən əməliyyatlar, həm də bərpa olunan enerji mənbələri daxil olmaqla yeni imkanlarla bağlı əməkdaşlığına sadiqliyini bir daha təsdiq edirəm. BP-nin bütün kollektivi Azərbaycan və SOCAR ilə tərəfdaşlığı yüksək qiymətləndirir. Biz bu vacib əməkdaşlığı gələcəkdə də davam etdirməyə ümidvarıq".
***
Sfera.az xəbər verir ki, mətndə deyilir:
"Zati-aliləri cənab Prezident,
Türkdilli Ölkələrin Parlament Assambleyasının (TÜRKPA) Katibliyi adından və öz adımdan doğum gününüz münasibətilə Sizə ən səmimi təbriklərimi çatdırmaqdan böyük şərəf duyuram.
Həmçinin qarşıdan gələn Dünya Azərbaycanlılarının Həmrəyliyi Günü və Yeni il bayramı münasibətilə Sizi və ailənizi səmimi qəlbdən təbrik edirəm.
Sizin dövlətçiliyin möhkəmləndirilməsi və ölkənin beynəlxalq imicinin yüksəldilməsinə yönəldilmiş fəaliyyətiniz nəticəsində Azərbaycanın nüfuzunun daha da artması və qazanılan bütün nailiyyətlər türk dünyasında böyük sevinclə qarşılanır.
Əminəm ki, Sizin yüksək dövləti vəzifədə çoxşaxəli fəaliyyətiniz dərin tarixi köklərə malik türkdilli ölkələr arasında dostluğun və əməkdaşlıq münasibətlərinin hərtərəfli dərinləşməsinə töhfəsini verməkdə davam edəcəkdir.
Fürsətdən istifadə edərək, TÜRKPA Katibliyinin səmərəli fəaliyyəti üçün Azərbaycan hökuməti tərəfindən göstərilən diqqətə və yaradılmış şəraitə görə Sizə dərin minnətdarlığımı bildirmək istəyirəm.
Böyük etimad hissi ilə Sizə və ailənizə möhkəm cansağlığı, xoşbəxtlik, ali dövləti fəaliyyətinizdə və bütün təşəbbüslərinizdə uğurlar, qardaş Azərbaycan xalqına əmin-amanlıq və firavan həyat arzulayır, Zati-alinizə dərin hörmət və ehtiramımı bildirirəm".
Sfera.az xəbər verir ki, məktubda deyilir:
"Hörmətli Prezident, Əziz Qardaşım.
Zati-alinizi 60 yaşınızın tamam olması münasibətilə öz adımdan və millətim adından səmimi qəlbdən təbrik edir, Sizə dəyərli ailə üzvlərinizlə birlikdə cansağlığı, xoşbəxt və uzun ömür arzulayıram.
Qətiyyətli rəhbərliyiniz altında Can Azərbaycanın hər il yeni uğurlara imza atmasına şahid olmaqdan, qlobal miqyasda qazandığı nüfuzu və nail olduğu rifahı görməkdən böyük sevinc hissi keçirirəm. Qarabağın əvvəlcə işğaldan azad edilməsində, indi isə yenidən qurulması və bərpasında göstərdiyiniz əzm və qətiyyət Türkiyə tərəfindən böyük təqdirlə qarşılanır.
Sarsılmaz qardaşlıq bağları əsasında yaratdığımız, yüksək səviyyəli səfərlərlə inkişaf etdirdiyimiz əməkdaşlığımız sayəsində bölgəmizin mənzərəsini və gələcəyini müəyyənləşdirən bir çox ortaq layihələr reallaşdırmışıq və reallaşdırmaqda davam edəcəyik.
Ümummilli lider Heydər Əliyevdən bizlərə miras olan "bir millət, iki dövlət" prinsipinə söykənən, müttəfiqlik mərtəbəsinə yüksəltməyi qərarlaşdırdığımız əzmkarlığımızı hər bir sahədə daha da inkişaf etdirmək iradəmiz sarsılmazdır. Əzəli və əbədi qardaşlığımızın şərti olan qarşılıqlı dəstək və həmrəyliyimiz regionumuzda sülh, sabitlik və rifahın da təminatıdır.
Hörmətli Prezident, fürsətdən istifadə edərək Zati-alinizin doğum gününü bir daha təbrik edir, qardaş Azərbaycan xalqının xoş günləri və səadəti üçün ən səmimi diləklərimi çatdırıram".
Sfera.az xəbər verir ki, mətndə deyilir:
"Hörmətli İlham Heydər oğlu.
Rusiya Federasiyası Hökuməti adından və şəxsən öz adımdan Sizi 60 illik yubileyiniz münasibətilə ürəkdən təbrik edirəm.
Sizin rəhbərliyinizlə Azərbaycan milli iqtisadiyyatın və sosial sahənin inkişafına yönəlmiş genişmiqyaslı proqramlar həyata keçirir. Respublikanın regionda və beynəlxalq aləmdə nüfuzu əhəmiyyətli dərəcədə möhkəmlənib.
Dostluq, mehriban qonşuluq və tərəfdaşlıq prinsiplərinə əsaslanan Rusiya-Azərbaycan münasibətlərinin möhkəmlənməsinə Sizin böyük şəxsi töhfənizi xüsusi qeyd etmək istərdim. Ticari-iqtisadi, investisiya, elmi-texniki və mədəni-humanitar sahələrdə əməkdaşlıq da durmadan genişlənir, mühüm birgə layihələr uğurla həyata keçirilir.
Əminəm ki, praktiki qarşılıqlı fəaliyyətin bundan sonra da dərinləşməsi, yeni perspektivli təşəbbüslərin həyata keçirilməsi Rusiya Federasiyasının və Azərbaycan Respublikasının mənafelərinə tam müvafiqdir.
Hörmətli İlham Heydər oğlu, Sizə səmimi qəlbdən möhkəm cansağlığı, xoşbəxtlik və məsul dövləti fəaliyyətinizdə yeni uğurlar arzu edirəm".
***
Sfera.az xəbər verir ki, məktubda deyilir:
"Hörmətli İlham Heydər oğlu,
İcazə verin, "LUKOYL" Publik Səhmdar Cəmiyyətinin rəhbərliyi adından və şəxsən öz adımdan yubileyiniz münasibətilə Sizi ürəkdən təbrik edim.
Siz Azərbaycan Respublikasının rifahı naminə çoxillik fədakar əməyiniz, dərin biliyiniz, gözəl şəxsi keyfiyyətlərinizlə ölkədə və xaricdə həmkarlarınız və tərəfdaşlarınız arasında böyük hörmət və nüfuz qazanmısınız.
Uzun illər ərzində əldə edilmiş zəngin siyasi və iqtisadi iş təcrübəsi Sizə ali dövlət postunda öz vəzifələrinizi uğurla yerinə yetirməyə və qarşıda duran bütün məsələləri səmərəli həll etməyə imkan verir.
Fürsətdən istifadə edərək, şirkətimizə və onun respublika ərazisində həyata keçirdiyi layihələrə daim göstərdiyiniz diqqət və dəstəyə görə dərin minnətdarlığımı bildirmək istərdim. Biz üzərimizə götürdüyümüz bütün öhdəlikləri bundan sonra da dəqiq yerinə yetirmək və ölkələrimizin xalqlarının mənafeyinə uyğun olaraq qarşılıqlı faydalı əlaqələri fəal şəkildə inkişaf etdirmək üçün bütün səylərimizi göstərəcəyik.
Hörmətli İlham Heydər oğlu, Sizə möhkəm cansağlığı, tükənməz enerji və nikbinlik, gələcək səmərəli fəaliyyət, bütün işlərinizdə uğurlar arzulayıram!".
***
Sfera.az xəbər verir ki, məktubda deyilir:
"Zati-aliləri.
Doğum gününüzün 60 illiyi münasibətilə Sizə səmimi təbriklərimi çatdırmaq istərdim. Sizə ən xoş arzularımı bildirir və möhkəm cansağlığı, xoşbəxtlik, yüksək vəzifənizdə uğurlar diləyirəm.
Fürsətdən istifadə edərək, Azərbaycana davamlı inkişaf və firavanlıq, beynəlxalq aləmdə mövqelərinin daha da möhkəmlənməsini arzulayıram.
Əminəm ki, Vyetnam ilə Azərbaycan arasında ənənəvi dostluq münasibətləri bundan sonra da inkişaf edəcəkdir".
Sfera.az xəbər verir ki, məktubda deyilir:
"Zati-aliləri, cənab Prezident,
Sizi 60 illik yubileyiniz və yeni yaşınıza qədəm qoymağınız münasibətilə ürəkdən təbrik edirəm.
Fəaliyyətiniz dövründə əldə olunan uğurların Azərbaycanı Qafqazın inkişaf etmiş ölkəsinə çevirməsi hamıya məlumdur.
Uca Yaradanın köməyi ilə Yeni il Sizin və ölkəniz üçün yeni xeyirxah əməllər və təşəbbüslər ili olsun.
Ailənizə və xalqınıza ən xoş arzularımızı çatdırırıq".
***
Sfera.az xəbər verir ki, mətndə deyilir:
"Hörmətli cənab Prezident.
Gənc, lakin qədim tarixə malik bir ölkəni dünyanın ən hörmətli və tanınan ölkələrindən birinə çevirmək müstəsna istedad və qətiyyət tələb edir. Əminəm ki, ölkə Prezidenti kimi Siz Azərbaycan tarixində yeni səhifə açdınız. Çünki fəaliyyətiniz Azərbaycanı yüksəliş yoluna çıxarıb və ölkəniz əldə etdiyi uğurlarla beynəlxalq aləmdə tanınan nüfuz qazanıb.
Strateji tərəfdaşlıqdan başqa Macarıstan Azərbaycanı dost dövlət kimi qəbul edir. Bu müstəvidə mən çox şadam ki, son illər biz iqtisadi, enerji və mədəni sahələrdə əməkdaşlığımızı daha da dərinləşdirməyə nail olmuşuq. İkitərəfli münasibətlərimizin inkişafına göstərdiyiniz şəxsi sədaqətinizə görə Sizə minnətdaram. Ümid edirəm ki, gələcəkdə də etibarlı dəstəyinizə arxalana bilərəm.
Xahiş edirəm, ailə üzvləriniz, dostlarınız və pərəstişkarlarınızla birlikdə 60 illik yubileyiniz münasibətilə təbriklərimi qəbul edin.
Sizə möhkəm cansağlığı, güc-qüvvət arzulayıram".
***
Məktubda deyilir: "Möhtərəm İlham Heydər oğlu. Rusiyanın TASS İnformasiya Agentliyi adından və şəxsən öz adımdan 60 illik yubileyiniz münasibətilə ən səmimi təbriklərimi qəbul etməyinizi xahiş edirəm.
Siz böyük atanın ləyaqətli oğlu, müasir dövrün görkəmli siyasi xadimi kimi müdrik rəhbərlik və istedadınız sayəsində ölkənizi çiçəklənən və xoşbəxt diyara çevirirsiniz.
Xalqın arzu və ümidlərini hiss edən, etibarlı tərəfdaşların və müttəfiqlərin dəstəyindən istifadə etməyi bacaran mükəmməl lider kimi parlaq keyfiyyətləriniz sayəsində inamlı və məqsədyönlü addımlarla Azərbaycanı dinc və firavan gələcəyə aparırsınız.
Siz yubileyinizi haqq mübarizəsində qalib gələn, doğma torpaqları azad edən xilaskar kimi xüsusi hisslərlə qarşılayırsınız.
Sizə səmimi-qəlbdən möhkəm cansağlığı, səadət, gələcək planlarınızın həyata keçməsi üçün tükənməz enerji, doğma ölkənizin rifahı naminə uğurlu və səmərəli fəaliyyət arzulayıram.
Sizə və Azərbaycan xalqına sülh, tərəqqi diləyirəm".
***
Məktubda deyilir: "Zati-aliləri. Altmış illik yubileyiniz münasibətilə Sizə ən səmimi təbriklərimi çatdırıram.
Mən yaxın dostluğumuzdan çox məmnun olduğumu bildirir və Sizin dinlərarası harmoniyaya, birgəyaşayışa yüksək səviyyəli diqqətinizi alqışlayıram.
Bu yaxınlarda yəhudilərin Hanuka bayramı münasibətilə təbrikinizə görə Sizə dərin minnətdarlığımı bildirirəm.
Əlamətdar doğum gününüz münasibətilə Sizi bir daha təbrik edir, cansağlığı, xoşbəxtlik və uğurlar arzulayıram".