“Məğlubiyyətə rəğmən Ermənistan tərəfi sülh ilə bağlı irəli sürülən təşəbbüsləri dəstəkləməlidir”- İlyas Hüseynov

Oktyabrın 4-də Prezident İlham Əliyevin Cəbrayılın işğaldan azad olunduğu günlə bağlı  bölgəyə  səfərinə  münasibət  bildirən   politoloq İlyas Hüseynov Olaylar.az-a bildirib ki, səfər  zamanı Prezident  mühüm siyasi mesajlar verdi.

"İlk öncə qeyd etmək lazımdır ki, Ermənistanda hələ də müharibənin nəticələri ilə bağlı  müəyyən çaşqınlıq  var. Ermənistan ordusunun yaradılmasında  xüsusi xidmətləri olan şəxslər sırasında ən birinci yerdə Ermənistanın 3-cü prezidenti Serj Sarkisyan dayanır. Ermənistan hərbi qulluqçuları arasında da geniş yayılmış fikir bundan ibarətdir ki, ordunun yaradılmasında Serj Sarksyanın əvəzsiz rolu olub. Bu gün  də Serj Sarksyan müharibədə olan məğlubiyyəti Nikol Paşinyanın üzərinə atır. Lakin Paşinyan 2018-ci ildən  hakimiyyətdədir. Bu illər  ərzində o, yalnız yaranmış problemləri  qəbul edib. Bu problemlər üzərindən ordu quruculuğu prosesinə  davam edib. Orduda silah təchizatında yaranan problemlər,  koorrupsiya sxemləri və mexanizmləri, həmçinin orduda baş verən neqativ hallar, nizamnamədən kənar fəaliyyətin təşkil olunması,  digər proseslərdə günahkar məhz  Serj Sarksyandır. Bu proseslərdə təbii ki, ən ciddi iddihamlar Serj Sarksyana ünvanlanmalıdır. Eyni zamanda  BMT Baş Assambleyasının iclası çərçivəsində Azərbaycan və Ermənistan xarici işlər nazirlərinin görüşü keçirilib. Müharibədən sonra keçirilən ilk görüş idi.  Azərbaycan tərəfi Ermənistana sülh müqaviləsinin imzalanması ilə bağlı  şərtləri, regionla  barışığın əldə olunması ilə öz təşəbbüslərini həyata keçirir. Burada ilk növbədə sərhədlərin delimitasiya-demorkasiyasi prosesinə başlanılmasıdır.  Bununla yanaşı olaraq, Azərbaycanın beynəlxalq səviyyədə tanınmış sərhədlərinin Ermənistan tərəfindən tanınması həyata keçirilməlidir. Daha sonraki mərhələdə isə  regiondaki  nəqliyyat və kommunikasiya  xətlərinin açılması , Zəngəzur dəhlizinin istifadəyə verilməsi, mühüm istiqamətlər sırasındadır. Bu şərtlərin qəbul olunması həm Azərbaycanın haqlı tələblərinin icrasıdır, həm  də   beynəlxalq hüququn fundamental prinsiplərinə əsaslanır. Azərbaycan sülh müqaviləsinə gedən yolda bu tələblərin yerinə yetirilməsinin tərəfdarıdır. Bu ətrafda müəyyən müzakirələrin həyata keçirilməsi nəzərdən keçirlir. Ona görə də, sülhün, dayanıqlı inkişafın və təhlükəsizlik mühütünün formalaşması hər iki tərəfin maraqları kontekstindədir.  Müharibədə acı məğlubiyyətə uğrayan Ermənistan hal-hazırda müharibə aparmaq iqtidarında deyil. Dağılmış ordusuyla Ermənistan dövlətçiliyini sual altında  qoymaq istəməz.  Məğlubiyyətə rəğmən Ermənistan tərəfi sülh ilə bağlı irəli sürülən təşəbbüsləri dəstəkləməlidir"