“Azərbaycan sülh müqaviləsinin imzalanmasına  diqtə edən tərəf, qalib tərəf kimi getməsi  çox mühüm məsələdir”- Arzu Nağıyev

Prezident İlham Əliyevin 2021-ci il 2 oktyabr tarixində İspaniyanın EFE informasiya agentliyinə müsahibəsi ilə əlaqədar səsləndirdiyi fikirlərlə bağlı Olaylar.az-a müsahibə verən  millət vəkili Arzu Nağıyev bildirib ki, Azərbaycan Respublikasının Prezidenti İlham Əliyevin  EFE informasiya agentliyinə  verdiyi müsahibə   bütün aparcı informasiya vasitələri tərəfindən dünya ölkələrində geniş işiqlandırılır. Əsas məqam ondan ibarətdir ki,  Cənab Prezidentin verdiyi müsahibədə  həm 44 günlük müharibə, həm Ermənistan-Azərbaycan münaqişəsinin həlli,  həm də işğaldan azad olunmuş ərazilərlə bağlı bütün spektrlər əhatə olunub.

"Prezident İlham Əliyevin  Ermənistan rəhbərliyi ilə "görüşməyə hazıram" deməsi  dünyada  çox müsbət bir hal kimi qarşılanır. Eyni zamanda Rusiya-Türkiyə münasibətinin  mühüm olması, işğaldan azad olunmuş ərazilərdə infrastrukturların bərpası və böyük qayıdış üçün  müvafiq problemlərin həlli istiqamətində atılacaq addımlarla bağlı öz fikirini bildirib. Bundan başqa  mühüm olaraq,  məhz Azərbaycan-Ermənistan rəhbərliynin görüşündə Azərbaycanın sülh müqaviləsinin imzalanmasına  diqtə edən tərəf, qalib tərəf kimi getməsi məsələsi çox mühüm məsələ kimi Cənab prezident tərəfindən səsləndirilib. Biz delimitasiya - demorkasiyai,  digər istiqamətdə atılacaq addımlarla bağlı öz fikrimizi bildirməyə hazırıq. Ermənistan rəhbərliyi də, məlumdur ki, görüşmək fikri var. Lakin  müəyyən məqamlar var ki, onlar daima hansısa havadarların fikirləri ilə oturub-durur.  Buna görə də düşünürəm ki, məhz agentliyə verilən müsahibədən Cənab Prezident çox  açıq və qətiyyətli şəkildə bu problemlərin nədən ibarət olduğunu çözüb və gələcəkdə Azərbaycanın prinsiplərini və dəyişməz mövqeyini birmənalı şəkildə bütün dünya oxucularına çatdırdı"