İkinci Qarabağ müharibəsinin hər anı tarixdir

"44 gün ərzində Müzəffər Ali Baş Komandanımızın rəhbərliyi ilə Zəfər yürüşü edən qüdrətli Azərbaycan Ordusu daim irəli getdi, torpaqlarımızı addım-addım, qarış-qarış işğaldan azad etdi". "Olaylar" xəbər verir ki, bunu deyən millət vəkili Siyavuş Novruzovun sözlərinə görə, rəşadətli Ordumuzun tarix yazdığı günlərdən biri də 4 oktyabrdır. Həmin gün Müzəffər Ali Baş Komandanımız qələbə tvitlərindən birini ataraq Cəbrayılın erməni vandalizminin əsarətindən xilas edilməsi müjdəsini verdi. Bu, eyni zamanda, növbəti strateji nailiyyətlərin anonsu idi: "Bu gün suverenliyimizin rəmzi olan üçrəngli bayrağımız işğaldan azad edilmiş bütün torpaqlarımızda, o cümlədən Cəbrayılda əzəmətlə və qürurla dalğalanır. Heç şübhəsiz,  Cəbrayıl əvvəlki simasına qayıdacaq, Azərbaycanın gözəl guşələrindən birinə çevriləcək. Yaşasın güclü Azərbaycan dövləti, yaşasın Müzəffər Ali Baş Komandanımız, var olsun qüdrətli Ordumuz!"