Fransa məhkəməsi “Dostluq xartiyası”nı ləğv etdi - Ermənilərə zərbə

Fransanın Qrenobl şəhərinin inzibati məhkəməsi Fransa departamentləri ilə Azərbaycanın işğal olunmuş torpaqlarındakı inzibati bölgələr arasında imzalanmış daha bir neçə "Dostluq haqqında xartiya"nı ləğv edib.

"Olaylar" xəbər verir ki, bu barədə Fransada fəaliyyət göstərən "armenews.com" erməni internet resursu məlumat yayıb.

Məlumatda bildirilir ki, məhkəmə işğalçı Dağlıq Qarabağ marionet rejiminin nümayəndələri ilə Valans, Bur-le-Valans, Bur-de-Peak departamentləri arasında imzalanmış "Dostluq haqqında xartiya"ları qanuni hesab etməyərək ləğv edib.

Qeyd edək ki, mayın 29-da Fransanın Serji-Pontuaz inzibati tribunalı da Arnuvill şəhəri ilə Azərbaycanın işğal altında olan Xocavənd rayonu arasında imzalanmış "Dostluq haqqında xartiya"nı ləğv edib. Qrenobl şəhər məhkəməsinin bu addımı Serji-Pontuaz inzibati tribunalı tərəfindən qəbul edilmiş qərarın məntiqi davamı sayılır.