Eldar Quliyev QDİƏT PM-nın toplantısına qatılacaq

Milli Məclisin Aqrar  siyasət  komitəsinin  sədr  müavini,  parlamentin Qara  Dəniz  İqtisadi Əməkdaşlıq  Təşkilatı  Parlament  Məclisindəki  nümayəndə  heyətinin rəhbəri Eldar Quliyev qurumun  Hüquq və  Siyasi məsələlər üzrə  komitəsinin  52-ci iclasında  iştirak  etmək  üçün  Yunanıstana  səfər ediblər. MM-dən "Olaylar"a verilən məlumata görə,  Kavala  şəhərində  keçiriləcək toplantıda cari  məsələlərlə yanaşı, quruma  üzv  ölkələrdə  iqtisadi  imkanların  genişləndirilməsi barədə  müzakirələr  aparılacaq,  bununla əlaqədar nümayəndə  heyətlərinin  təklifləri  dinləniləcək. Səfər oktyabrın 19-da başa çatacaq.