Türk dilli Dövlətlərin Əməkdaşlıq Şurasının 9-cu iclası keçirilib

Qırğızıstanın Çolpan-Ata şəhərində Türk dilli Dövlətlərin Əməkdaşlıq Şurasının 9-cu iclası keçirilib.

Qırğızıstanın Çolpan-Ata şəhərində Türk dilli Dövlətlərin Əməkdaşlıq Şurasının 9-cu iclası keçirilib. "OLAYLAR"-ın xəbərinə görə, iclasda Azərbaycan nümayəndə heyətinin rəhbəri Nazim Səmədovun iştirakı ilə Mədəniyyət və Turizm Nazirliyinin nümayəndələri, həmçinin Ümumdünya Turizm Təşkilatının baş katibi Taleb Rifai, Türkdilli Dövlətlərin Əməkdaşlıq Şurasının baş katibi Ramil Həsənov, Qırğızıstan Mədəniyyət, İnformasiya və Turizm Naziri Altynbek Maksutov, Türkiyənin Mədəniyyət və Turizm nazirinin müavini Hüseyn Yayman və Kazaxıstanın İnvestisiya və İnkişaf nazirinin müavini Zamir Saginov iştirak edib. Görüşdə "Müasir İpək Yolu" mədəni turizm marşrutu layihəsini həyata keçirəcək 4 ölkənin (Azərbaycan, Qırğızıstan, Kazaxıstan, Türkiyə) 11 turizm şirkətləri müəyyən olunmuş və memorandum sənədi imzalanıb. Layihədə tərəfdaş qismində Azərbaycanın 3 turizm şirkəti (Millenium Turizm, Atlas Travel, A la Carte Travel) iştirak edəcək. Nazirlərin görüşü İsyk Golda ekskursiya proqramı ilə başa çatıb.

Təklifinizi, şikayətinizi bizə yazın. Sizi dinlərik. 055 634 88 31