YAP İdarə Heyəti toplandı
28 Yanvar 2016 16:35 SiyasətYanvarın 28-də Yeni Azərbaycan Partiyası İdarə Heyətinin növbəti iclası keçirilib. "OLAYLAR"-ın hakim partiyaya istinadən verdiyi xəbərə görə, iclasda ümummilli Lider Heydər Əliyevin anadan olmasının 93-cü ildönümü ilə əlaqədar görüləcək tədbirlər və İdarə Heyətinin 2016-cı ilin birinci yarımilliyinə dair iş planı müzakirə edilib, YAP İdarə Heyətinin 2015-ci ilə dair illik hesabatı, Yeni Azərbaycan Partiyasının tərkibi, Qadınlar Şurası və Gənclər Birliyinin tərkibi haqqında 2015-ci ilə dair illik statistik hesabat, partiyanın 2015-ci il üzrə maliyyə hesabatı qəbul edilib. Bildirilib ki, 2015-ci ildə Yeni Azərbaycan Partiyasının sıralarına 23 min nəfərdən çox yeni üzv qəbul edilib və beləliklə, partiyanın üzvlərinin sayı 667 min nəfəri keçib. Keçən il YAP-ın gəlirləri 7 442 113 manat olub. Bunun 6 293 512 manatını üzvlük haqları, 1 148 601 manatını büdcədən siyasi partiyalara ayrılan dövlət dəstəyindən Yeni Azərbaycan Partiyasına düşən pay təşkil edib. Sonda YAP İdarə Heyətinin qərarı ilə partiyanın İcra Katibliyinin ştat cədvəlində müəyyən dəyişikliklər edilib.