Müsavatın qurultayından narazı qalanların şikayətinə baxılıb

Bu gün Binəqədi Rayon Məhkəməsində Müsavat Partiyasının sonuncu qurultayının nəticələrindən narazı qalan bir qrup şəxsin şikayəti əsasında məhkəmə prosesi keçirilib. Partiyanın sabiq üzvü Əlövsət Əhədoğlunun APA-ya verdiyi məlumata görə, hakim Abbas Rzayevin sədrliyi ilə keçirilən məhkəmədə şikayətlərə baxılıb, vəsatətlər qaldırılıb. Onun sözlərinə görə, qarşı tərəf məhkəməyə lazım olan sübutları təqdim etməkdən imtina edir: "Bizim tələbimiz ondan ibarətdir ki, saxta qurultayın nəticələri ləğv olunsun. Çünki qurultay öz işini yerinə yetirməyib, sərbəst Məclis üzvləri və MNTK sonradan saxta yolla seçilib. Məhkəmə yanvarın 28-də davam etdiriləcək. Hakim bildirdi ki, yanvarın 28-də işlə bağlı sonuncu məhkəmə prosesi keçiriləcək və qərar veriləcək".

Qeyd edək ki, Müsavatın ötən il sentyabrın 27-də keçirilən qurultayında Arif Hacılı partiya başqanı seçilib. Qurultayın nəticəsindən narazı qalanlar isə məhkəməyə müraciət edərək, nəticələrin ləğv olunmasını tələb edirlər.

Təklifinizi, şikayətinizi bizə yazın. Sizi dinlərik. 050 333 88 00