Mədəniyyət
İsmayıl Dağıstanlının anıldı
Akademik Milli Dram Teatrında görkəmli teatr və kino aktyoru, SSRİ Xalq Artisti İsmayıl Dağıstanlının 110 illiyinə həsr edilmiş anım tədbiri keçirilib. Teatrın mətbuat xidmətindən “Olaylar” – a verilən məlumata görə, anım mərasimi Mədəniyyət və Turizm Nazirliyinin, Azərbaycan Teatrı Xadimləri İttifaqının, Akademik Milli Dram Teatrının və Azərbaycan Dövlət Teatr Muzeyinin təşkilatçılığı ilə baş tutub. Tədbirdə çıxış edən Akademik Milli Dram Teatrının bədii rəhbəri və direktoru, xalq artisti Azər Paşa Nemət İsmayıl Dağıstanlının Azərbaycan teatrının və kinosunun inkişafındakı xidmətlərindən danışıb. Azər Paşa Nemət bildirib ki, əməyi SSRİ Xalq artisti və dövlət mükafatı ilə qiymətləndirilən İsmayıl Dağıstanlı böyük sənətkar olmaqla yanaşı, həm də xeyirxah insan və özündən sonra böyük sənətkar nəsli yetişdirən qayğıkeş müəllim idi. Teatrın direktoru İsmayıl Dağıstanlı ilə bağlı xatirələrini bölüşüb və əlavə edib ki, Azərbaycan mədəniyyəti yaşadıqca İsmayıl Dağıstanlının xatirəsi əbədi yaşayacaq və hər zaman xoş hisslərlə yad olunacaq.
Vaqif Mustafazadə anılacaq
Martın 16-da Heydər Əliyev Sarayında görkəmli bəstəkar və pianoçu Vaqif Mustafazadənin xatirəsinə həsr olunmuş konsert proqramı keçiriləcək.
Yuğ Dövlət Teatrında Mikayıl Müşfiqin yaradıcılıq gecəsi
Yanvarın 27-də Yuğ Dövlət Teatrında Azərbaycan ədəbiyyatının görkəmli nümayəndəsi Mikayıl Müşfiqin yaradıcılıq gecəsi keçiriləcək. Yuğ Dövlət Teatrından “Olaylar” – a verilən məlumata görə tədbir Azərbaycan Respublikası Mədəniyyət və Turizm Nazirliyinin dəstəyi ilə həyata keçirilir. “Söz” Ədəbi Layihəsinin və Yuğ Dövlət Teatrının birgə işi olan gecədə Mikayıl Müşfiqin şeirləri teatrın sənətçilərinin ifasında səslənəcək.
«Böyük sədd» filminin nümayişi – Eksklüziv olaraq Park Cinemada
Ötən gün Park Cinema Flame Towers-da rejissor Çjan İmounun “Böyük sədd” filminin nümayişi baş tutdu. Filmdə hadisələr qara barıtın sirrini öyrənmək üçün Avropadan bir qrup ingilis muzdlu heyətin yollandığı Çində cərəyan edir. Çinə çatdıqda onlar imperiyaya sarsıdıcı zərbə vurmaq üçün illərdir tədarük görən şər qüvvədən qorunmaq üçün nəhəng daş səddin tikinti işlərinin getdiyini görürlər. Filmin qəhrəmanları bütün insanlığı qorumaq üçün zalım nəhənglərlə mübarizəyə sinə gərməli olurlar. Baş rollarda: Mett Deymon, Pedro Paskal, Uillem Defo, Szin Tyan, Endi Lau.
Aygünün yenilikləri- Video
Bu gün Azərbaycanın xalq artisti Aygün Kazımovanın doğum günüdür. Özəl günündə hədiyyə yağışına tutulan estradamızın divası, özü də sevənlərinə hədiyyə etmək qərarına gəlib. Özü də bir yox, düz iki hədiyyə…
Vəfadan göz oxşayan fotolar
Yeni təqvimdə bir sıra yaradıcılıq işləri nəzərdə tutan istedadlı müğənni Vəfa Şərifova bunlardan ilkini təqdim edib.
«1+1» filminin prodüserləri və məşhиr Gaumont studiyasından növbəti hit
26 yanvardan fransız və kanada mütəxəssisləri, məşhur "1+1" bədii filminin prodüsserləri, rejissorlar Erik Sammer və Erik Uorinnin birgə ərsəyə gətirdiyi «Balerina» animasiya filmi ölkənin bütün kinoteatrlarında ekranlara çıxır.
“Emalatxanada görüş” adlı yeni layihəyə start verilir
Mədəniyyət və Turizm Nazirliyi, Azərbaycan Dövlət Rəsm Qalereyasının təşkilatçılığı ilə 26 yanvar tarixindən “Emalatxanada görüş” adlı yeni layihəyə start verilir. Nazirlikdən “Olaylar” – a verilən məlumata görə layihə Azərbaycan rəssamlıq sənətinin müasir inkişafını, rəssamların yaradıcılıq axtarışlarını, onların yaradıcılıqlarındakı bədii tendensiyaları, üslub özəlliklərini, orijinal ideyaları ictimaiyyətə təqdim etmək məqsədi daşıyır. Layihə Mədəniyyət və Turizm Nazirliyinin “Gənc rəssamlarla iş” konsepsiyasına uyğun şəkildə həyata keçirilir. Bir çox gənc rəssamların yaradıcılıq nailiyyəti haqqında ən yeni məlumatlar məhz bu layihə çərçivəsində geniş izləyici auditoriyasına təqdim olunacaq.
Bilik Fondu Pedaqoji Kolleclə Memorandum imzaladı
Azərbaycan Respublikasının Prezidenti yanında Bilik Fondu ilə Azərbaycan Dövlət Pedaqoji Universitetinin nəzdindəki Azərbaycan Dövlət Pedaqoji Kollec arasında əməkdaşlığa dair Memorandum imzalanıb.
İçərişəhərdə istirahət günləri
Yanvarın 28-də Bakıda “İçərişəhərdə incəsənətlə istirahət günləri” (Art Weekends in Icherisheher) adlı sərgi açılacaq.
“Gəncləşən sazım” adlı tədbir keçiriləcək
Yanvarın 26-da Mədəniyyət və Turizm Nazirliyinin dəstəyi və “Folklor Ənənələrinin İnkişafına Dəstək” İctimai Birliyinin təşkilatçılığı ilə Rəşid Behbudov adına Dövlət Mahnı Teatrında “Gəncləşən sazım” adlı tədbir keçiriləcək.. Tədbirin keçirilməsində əsas məqsəd aşıq sənətinin təbliğ edilməsi və qorunub saxlanılmasıdı.
Əbülfəz Qarayev əmr imzaladı
Bakı Şəhər Mədəniyyət və Turizm Baş İdarəsi və Regional Mədəniyyət və Turizm İdarələrinə rəis təyinatı həyata keçirildi. Azərbaycan Respublikasının mədəniyyət və turizm naziri Əbülfəs Qarayevin müvafiq əmrlərinə əsasən Vüqar Zeynalov Bakı Şəhər Mədəniyyət və Turizm Baş İdarəsinin, Mehman Şükürov Sumqayıt Mədəniyyət və Turizm Baş İdarəsinin, Nazim Ağayev Xaçmaz Regional Mədəniyyət və Turizm İdarəsinin, Elnur Hüseynov İsmayıllı Regional Mədəniyyət və Turizm İdarəsinin, Mirvari Zeynalova Şəki Regional Mədəniyyət və Turizm İdarəsinin, Elman Məmmədov Kürdəmir Regional Mədəniyyət və Turizm İdarəsinin rəisi vəzifəsinə təyin olundular.
İki müğənninin mübahisəsinə ictimai xadim səbəb olub
“Tam olaraq deyə bilmərəm ki, İlhamə xanım mənə görə Elza Seyidcahanla düşmən olub. Bəli, müəyyən səbəblər vardı... Amma əslində bizi tanış edən Elza xanım olub. Sonrakı vaxtlarda İlhamə xanım Elza xanımı mənim bir dostum kimi qəbul etmək istəmirdi. Buna görə də bizdə çox ciddi problem olurdu.”
Sankt - Peterburqdan qonağımız var...
Azərbaycan Dövlət Gənc Tamaşaçılar Teatrı Sankt - Peterburqun məşhur eksperimental teatrı “Kovçeq”in direktoru Olqa Luçitskayanı qəbul edib. Teatrın direktoru, Əməkdar İncəsənət Xadimi Mübariz Həmidovla görüşən O.Luçitskaya rəhbərlik etdiyi teatr, onun tarixi, səhnələşdirilən əsərlər və beynəlxalq teatr əlaqələrinin gücləndirilməsi istiqamətində görülən işlərdən danışıb.
İtaliyalı menecer Milli Kitabxanada
Yanvar ayının 25-də İtaliya Mədəniyyət və Turizm Nazirliyi ilə Azərbaycan Respublikasının Mədəniyyət və Turzim Nazirliyinin birgə Aİ Tvinninq “Mədəniyyət sektorunun siyasəti və idarə olunması sisteminin modernləşdirilməsində Azərbaycan Respublikasının Mədəniyyət və Turizm Nazirliyinə dəstək” Layihəsindən irəli gələn məsələlərin həlli məqsədilə Mədəniyyət və Turizm Nazirliyinin Texniki təchizat və proqram təminatı şöbəsinin müdir müavini Qabil Abbasov, İtaliyanın Florensiya Əyaləti hökumətinin informasiya texnologiyaları üzrə meneceri Jurgen Assfalg, layihə üzrə RTA assistenti Səbunə Yadullayeva Milli Kitabxanada olublar.