Mədəniyyət
Zəfər Nemətov anıldı
Fəxri Xiyabanda Azərbaycanın görkəmli rejissoru, əməkdar incəsənət xadimi, pedaqoq Zəfər Nemətovun anım tədbiri keçirilib. Akademik Milli Dram Teatrının mətbuat katibi Cavid Zeynallının “Olaylar” – a verdiyi məlumata görə, xatirə mərasimində Mədəniyyət və Turizm Nazirliyinin rəsmiləri, mədəniyyət və incəsənət xadimləri, rejissorun ailə üzvləri iştirak edib. Zəfər Nemətovun oğlu, Teatr Xadimləri İttifaqının sədri, Akademik Milli Dram Teatrının bədii rəhbər-direktoru, xalq artisti Azər Paşa Nemətov Zəfər Nemətovun Azərbaycan teatrının inkişafındakı xidmətlərindən danışıb, onun quruluş verdiyi tamaşaların bədii-estetik həllindən bəhs edib.
Türkiyənin məşhur caz qrupu ilk dəfə Bakı səhnəsində
Türkiyənin məşhur caz qrupu - “Önder Focan ve Şalliel Bros” Bakıda konsert verəcək. İyunun 7-də Beynəlxalq Muğam Mərkəzində “Premier LTD”nin təşkilatçılığı ilə caz layihəsi təqdim olunacaq. Tədbir Türkiyənin Azərbaycandakı Səfirliyinin Mədəniyyət və Təqdimat Müşavirliyi ilə yanaşı, Fransa və Belçikanın ölkəmizdəki səfirliklərinin dəstəyi ilə baş tutacaq.
Firəngiz Əlizadə Rusiyanın “Kultura” kanalında
İyunun 8-də Rusiyanın “Kultura” telekanalında yayimlanacaq “Eniqma” verilişi dünya şöhrətli bəstəkar, Azərbaycan Bəstəkarlar Ittifaqinini sədri, Xalq artisti, AMEA-nın müxbir üzvi, professor, “Şöhrət” və “Şərəf” ordenli,UNESCO-nun “Sülh naminə artist”- i Firəngiz Əlizadənin yaradıcılığına həsr olunub.
“Vulqar ifadələr var” - MTRŞ-dan “Maşın şou" açıqlaması
“Maşın” realiti şousu efirə yayımlanan ilk gündən qalmaqalları, müzakirələri ilə gündəmi zəbt edib. İştirakçıların proqramda qeyri-etik ifadələrdən, təhqirlərdən istifadə etməsi sosial şəbəkə istifadəçiləri tərəfindən tez müzakirələrə səbəb olub. Onlar tanınmışların vulqar danışmasını, əsəblərini cilovlaya bilmədiklərini xüsusi qeyd edərək ulduzları tənqid atəşinə tutublar.
Roza Zərgərli "əri"ni aldadır? - ŞOK TƏFƏRRÜAT
Müğənni Roza Zərgərli tez-tez verdiyi açıqlamaları ilə gündəmə gəlir. Maraqlıdır ki, müğənni xanım hər dəfə həyat yoldaşından bəhs etsə də, onun kimliyini mətbuatdan gizli saxlayır.
Əməkdar rəssam Rais Rəsulzadənin fərdi sərgisi açılıb
Rəssamlar İttifaqının V.Səmədova adına sərgi salonunda Əməkdar rəssam Rais Rəsulzadənin sənət əsərlərindən ibarət fərdi sərgisi açılıb. Millət vəkilləri, Mədəniyyət və Turizm Nazirliyinin əməkdaşları və Rəssamlar İttifaqının nümayəndələrinin iştirakı etdiyi sərgidə rəssamın “Çinarlar”, “Çaykənd yağışdan sonra”, “Quşçular kəndi”, “Abşeronda”, “Kəpəz və Murovdağ”, “Dəniz kənarında qəsəbə”, “Şəkidə bahar”, “Şahdağ” kimi əsərləri yer alıb.
"Simalarda və ayinlərdə pravoslavlıq ruhu”
İyunun 13 - də Rusiya İnformasiya və Mədəniyyət Mərkəzində “Simalarda və ayinlərdə pravoslavlıq ruhu” adlı sərgi təşkil olunacaq. Azərbaycan Fotoqrafları Birliyindən "Olaylar" - a bildirlib ki, layihə iki fotoqraf, keşiş Dionisiy Sveçnikov və Xaliq Əliyevin birgə layihəsidi.
ADMİU-da Xalq çalğı alətləri ifaçılığı ansamblının konserti
Mədəniyyət və İncəsənət Universitetində Xalq çalğı alətləri ifaçılığı kafedrasının tələbələrindən ibarət ansamblın konserti keçirilib. Universitetdən “Olaylar” – a bildirilib ki, Musiqi sənəti fakültəsinin Xalq çalğı alətləri ifaçılığı ixtisasında təhsil alan II kurs tələbəsi Cavid Məmmədzadənin bədii rəhbərliyi ilə keçirilən konsertdə Solo oxu ixtisasının I kurs tələbələri Sevinc Abidinova F.Qaraxanqızının “Röyamdasan”, Fidan Rəhimova Ə.Məmmədovun “Vətən yaxşıdır”,II kurs tələbəsi Çinarə Alıyeva “Simayi-Şəms” və III kurs tələbəsi Fərhad Ramazanov “Kəsmə şikəstə” zərbi muğamını ifa ediblər.
Muğam Mərkəzində VII Şairllər Günü keçirilib
Muğam Mərkəzində VII Şairllər Günü xalq şairiMəmməd Arazın xatirəsinə həsr olunub. Mərkəzdən “Olaylar” – a bildirlib ki, mərasim Yazıçılar Birliyi və Gənc Şairlər Birliyinin təşkilatçılığı ilə baş tutub.
Muğam Mərkəzində “Hüseyn Cavidin yaradıcılığında Musiqi dünyası”
Muğam Mərkəzi və Mədəniyyət və İncəsənət Universitetinin birgə layihəsi əsasında “ Hüseyn Cavid yaradıcılığında musiqi dünyası “ adlı musiqili-ədəbi gecə keçirilib. Mərkəzdən “Olaylar” –a bildirilib ki, tədbirin aparıcısı, bədii qiraətçi, əməkdar artist, dosent Azad Şükürov H.Cavid yaradıcılıgından və onun poeziyasının Azərbaycan musiqisində və muğamlarımızdakı önəmli yerindən danışdı.
.jpg)
Tacikistan nümayəndələri ADMİU-da
Mədəniyyət və İncəsənət Universitetində Tacikistan Respublikasının nümayəndə heyəti ilə görüş keçirilib.Universitetdən “Olaylar” – a bildirlib ki, görüşdə Universitetin Beynəlxalq əlaqələr və tərbiyə işləri üzrə prorektoru Gülşən Əliyeva, Rəssamlıq fakültəsinin dekanı Afət Aslanova Dizayn və dekorativ-tətbiqi sənət kafedrasında tədris olunan Xalçaçı rəssam və Qobelen üzrə rəssam ixtisasları haqqında ətraflı məlumat verib.
Gənc Tamaşaçılar teatrı səfərlərdə
89-cu teatr mövsümünü sonuna doğru Gənc Tamaşaçılar Teatrı daha iki səfərə yola düşür. Kollektiv 11-17 iyun tarixlərində Astana şəhərinin Qazaxıstan Respublikasının paytaxtı elan olunmasının 19-cu ildönümü münasibətilə hər il ənənəvi olaraq Astana şəhərində keçirilən “Səhnədən salam” V Beynəlxalq Teatr Festivalında Azərbaycanı təmsil etmək üçün dəvət alıb.
.jpg)
DTX sədri Musiqili Teatrda
Dövlət Təhlükəsizlik Xidmətinin sədri Mədət Quliyev Musiqili Teatrda olub. Musiqili teatrının mətbuat katibi Samir Sədaqətoğlu “Olaylar” – a bildirib ki, general-leytnant Mədət Quliyev Dövlət Təhlükəsizlik Xidmətinin əməkdaşları ilə birlikdə dünya şöhrətli bəstəkar, SSRİ Xalq artisti Fikrət Əmirovun ölməz musiqiləri və “1001 gecə” nağıllarının motivləri əsasında hazırlanan “999-cu gecə” tamaşasını izləyib. Anşlaqla keçən tamaşanı izləyənlər arasında Amerika Birləşmiş Ştatlarından ölkəmizə gələn qonaqlar da olub. “999-cu gecə” böyüklər üçün nağıl-tamaşası bütün izləyicilər tərəfindən böyük maraq və çoşqu ilə qarşılanıb.
Surdotərcümə ilə milli film nümayiş olundu
Nizami Kino Mərkəzində danışma və eşitmə qüsuru olan insanlara surdotərcümə ilə milli film nümayiş olunub. Mərkəzdən “Olaylar” – a bildirlib ki, Nizami Kino Mərkəzi Human Foundation qurumunun nəzdində Human Deaf Community ilə birgə eşitmə və danışma məhdudiyyətli insanlarla surdotərcümə edilmiş milli “Oğlan evi” filmini təqdim edib. Film, tamaşaçılar tərəfindən böyük maraqla izlənilib.
Kənan M.M-dən Tunaya sərt sözlər: Pərvinlə bağlı "1000 manat" söhbətinə görə
“Maşın” şounun qalmaqallı iştirakçısı, aktrisa Pərvin Abıyevanın ərtrafında yaranan söz-söhbət səngimək bilmir. Bir vaxtlar aparıcı kimi fəaliyyət göstərən aktrisa Tunay Əliyeva Pərvinin ünvanına təhqiramiz ifadələr işlədib.