Mədəniyyət
“Adajio” mövsümə yekun vuracaq
İyulun 8 – də Dövlət Pantomima Teatrında Xalq Artisti Bəxtiyar Xanızadənin ssenarisi əsasında hazırlanan “Adajio” tamaşası ilə mövsümə yekun vuracaq. Teatrdan “Olaylar” – a bildirilib ki, səhnə əsərində rəsmlərin quruluşu və musiqi tərtibatı Əməkdar Artist Nargilə Qəribovaya məxsusdur. “Adajio” müasir Azərbaycan şairlərinin lirikası üzərində qurulmuş ədəbi-musiqili, sözlü-pantomimalı kompozisiyadır.
“Xəzri” rəqs ansamblı hesabat konserti
Nizami Kino Mərkəzində Mədəniyyət və Turizm Baş İdarəsinin Mədəni tədbirlərin təşkili və yaradıcı gənclərlə iş üzrə Mərkəzin “Xəzri” rəqs ansamblı hesabat konsertini təqdim edib. Baş İdarədən “Olaylar” – a bildirilib ki, konsert Ramazan bayramına həsr olunub.
Azərbaycan müğənniləri neçə minlik avtomobil sürür? - SİYAHI
Azərbaycanlı tanınmışların iştirak etdiyi "Maşın Şou" verilişindən sonra sənətçilərin hansı avtomobilə sahib olduqlarına dair suallar yaranmağa başladı. Bəzi məşhurlar, xüsusi ilə də müğənnilər bahalı avtomobili bir növ onların şöhrətinin, hətta gücünün göstəricisi kimi qəbul edir.
Muğam Mərkəzində “Bayatı-Şiraz” səsləndi
Beynəlxlaq Muğam Mərkəzində “Muğam axşamları” layihəsi çərçivəsində “Bayatı-Şiraz” muğamı ifa olunub.Mərkəzdən “Olaylar” – a bildirilib ki, “Bayatı-Şiraz”ın müxtəlif şöbə və güşələri xanəndələr Murad Kəngərli, Ramiq Bayramov, Nisbət Sədrayevanın ifasında səslənib. Onları xalq çalğı alətləri ansamblı (tarda-Kamal Nuriyev, kamançada-Elnur Salahov, bas tarda-Kamran Novruzov, qanunda Aysu Sadıqova, nağarada-Amil Mustafayev, balabanda-Mirağa Murtuzov) müşayiət edib.
Yapon musiqi qrupu Şəkidə
Şəki “İpək Yolu” VIII Beynəlxalq Musiqi Festivalı çərçivəsində Yay Teatrında Yaponiyanın “Va-Liqa” musiqi qrupunun konserti olub. Bəstəkarlar İttifaqından "Olaylar" - a bildirilib ki, konsertdə şəhər icra hakimiyyətinin və Azərbaycan Bəstəkarlar İttifaqının rəsmiləri, festivala dəvət olunan qonaqlar, həmçinin musiqisevərlər iştirak ediblər. Konsertdən əvvəl Yaponiyanın ölkəmizdəki səfiri Teruyuki Katori çıxış edərək Şəki şəhərində keçirilən musiqi festivalında iştirak etməkdən qürur duyduğunu bildirib. Səfir qeyd edib ki, bu il Yaponiya ilə Azərbaycan arasında diplomatik əlaqələrin qurulmasının 25 illiyi tamam olur. Bununla əlaqədar olaraq 2017-ci ildə ölkəmizdə bir sıra tədbirlərin həyata keçirilməsi planlaşdırılır. Şəkidə keçirilən festivalda Yaponiya musiqiçilərinin iştirakı bu baxımdan çox əlamətdardır.
“İpək Yolu” festivalı çərçivəsində polyak və macar musiqiləri təqdim olundu
Şəkidə uğurla davam edən “İpək Yolu” VIII Beynəlxalq Musiqi Festivalının ikinci günü Şəki Xan sarayının həyətində tamaşaçılara polyak müğənnisi Ania Broda və Macarıstanın “Guessous Mesi Trio” qrupunun konsert proqramı təqdim olunub. Bəstəkarlar İttifaqından "Olaylar" - a bildirilib ki, festivalın təşkilatçı qurumlarının rəhbərlərinin, xarici ölkə səfirliklərinin nümayəndələrinin, musiqisevərlərin iştirak etdiyi konsertin birinci hissəsində polyak müğənnisi, sinc ifaçısı, eyni zamanda, bəstəkar və prodüser Ania Broda maraqlı konsert proqramı ilə çıxış edib. Konsertin əvvəlində məlumat verilib ki, Ania Broda polyak musiqi səhnəsində nadir simalardan biridir. Ania Broda etno, caz, xalq musiqisi və pop üslubunda ifa edən, eyni zamanda, uşaq musiqi əsərlərinin müəllifidi. O, eyni zamanda, “Vilensk sincləri” zərbli, simli musiqi alətlərində də ifa edir. 2011-ci ildən solo ifaçı kimi fəaliyyət göstərən Ania Broda 4 musiqi albomunun müəllifidir. Ania Broda Polşanın Mədəniyyət və Milli İrs Nazirliyinin və Olştindəki Marşalkovski Aparatının təqaüdçüsüdür. Polşa musiqi mədəniyyətinin təbliğinə görə o, 2016-cı ildə Olştin şəhərinin prezident mükafatına layiq görülüb.
Şəkidə “İpək Yolu” VIII Beynəlxalq Musiqi Festivalı başlayıb
İyunun 27-də Azərbaycanın qədim sənət və mədəniyyət mərkəzlərindən olan Şəkidə növbəti musiqi bayramı – Şəki “İpək Yolu” VIII Beynəlxalq Musiqi Festivalı başlayıb. Mədəniyyət və Turizm Nazirliyi, Bəstəkarlar İttifaqı və Şəki Şəhər İcra Hakimiyyətinin birgə təşkilatçılığı ilə keçirilən festivalda Türkiyə, Yaponiya, Polşa, Macarıstan, İran və Gürcüstandan gəlmiş rəqs və musiqi qrupları, ifaçılar, həmçinin Azərbaycanın tanınmış musiqi kollektivləri iştirak edirlər. İttifaqdan "Olaylar" - a bildirilib ki, iyunun 27-də axşam saatlarında festivalın təntənəli açılış mərasimi keçirilib. Mərasimdə festivalın təşkilatçı qurumlarının rəhbərləri, şəhər ictimaiyyətinin nümayəndələri, musiqisevərlər iştirak ediblər.
“Oyuq”çular beynəlxalq festivalda
Abdulla Şaiq adına Azərbaycan Dövlət Kukla Teatrının balaca istedadları növbəti festivala yola düşürlər. Teatrdan "Olaylar" - a bildirilib ki, teatrın nəzdində fəaliyyət göstərən “Oyuq” teatr-studiyasının balaca aktrisa-vokalçıları Bolqarıstanın Varna şəhərində baş tutacaq “Golden Sparkles European Music Festival"ında ölkəmizi təmsil edəcəklər. Ənənəvi olaraq yay aylarında baş tutan və dünyanın müxtəlif ölkələrindən onlarla iştirakçını bir araya gətirən budəfəki festival 28 iyun 5 iyul tarixlərini əhatə edəcək. Azərbaycanla yanaşı tədbirdə İtaliya, Rusiya, Ukrayna, Belarus, Fransa, Yunanıstan kimi ölkələr də təmsil olunacaq.
Xalq artisti VƏFAT ETDİ
Azərbaycanın xalq artisti, xanəndə Qəndab Quliyeva vəfat edib. Bu barədə xanəndənin oğlu Hafiz Həmidov məlumat verib. Qəndab Quliyeva xəstəxanadan evə aparılarkən yolda dünyasını dəyişib. Ürək çatışmazlığından əziyyət çəkən xanəndə bu gün müalicə olunduğu Respublika Müalicəvi Diaqnostika Mərkəzində süni tənəffüs aparatından ayrılıb. Mərhumla vida mərasimi sabah keçiriləcək. Xalq artisti Binə kənd qəbiristanlığında anasının yanında dəfn olunacaq.
Bakıda beynəlxalq festival
İyulun 13-dən 16-dək Azərbaycan Gənclər İttifaqı və Rəqs Assosiasiyası paytaxtımızda “Baku - Soul of Art” beynəlxalq rəqs və sənət festivalını keçirəcək. Bu barədə məlumat Azərbaycan Rəqs Assosiasiyasının “facebook” səhifəsində yer alıb. Dörd gün davam edəcək festival rəqsin milli və müasir istiqamətlərini, habelə Bakının ən gözəl yerlərinə ekskursiyaları əhatə edəcək. Festivalın sonuncu gününün tədbirləri Dənizkənarı Milli Parkda keçiriləcək.
Amerikalı rəssamın əsərləri Bakıda
İyunun 30-da “Art Tover” qalereyasında amerikalı tanınmış gənc rəssam Matthew Sekutanın sənət əsərlərindən ibarət fərdi rəsm sərgisi açılacaq. Sərgi Mədəniyyət və Turizm Nazirliyi və “İçərişəhər” Dövlət Tarix-Memarlıq Qoruğu İdarəsinin dəstəyi, “Arts Council Azerbaijan”ın təşkilatçılığı ilə gerçəkləşəcək. “Arts Council Azerbaijan” - dan "Olaylar" - a bildirilib ki, ekspozisiyada ABŞ və Azərbaycanın müxtəlif sahələrdəki əməkdaşlığına aid əsərlər yer alacaq.
Kinematoqrafçılar İttifaqında iclas
Kinematoqrafçılar İttifaqının idarə heyətinin növbəti iclası keçirilib. İdarə heyətinin iclasında bir sıra məsələlər müzakirə olunub. İttifaqın sədri, Xalq Artisti, professor Şəfiqə Məmmədova iclasın gündəliyinə uyğun olaraq 2 avqust - Milli Kino Günü ilə əlaqədar fəxri adların təqdimatı, mükafatlandırılması məsələləri, eyni zamanda, “Zaman və məkan” sənədli ssenari müsabiqəsinin keçirilməsi və münsiflər heyətinin seçilməsi ilə bağlı məlumat verib.
Xuraman Şuşalı: “Başımı ərimin istəyilə bağlasaydım...”
“2010-cu ildə ailə qurmuşam, 2013-cü ildə isə başımı bağlamışam. Çox adam elə bilir ki, həyat yoldaşıma görə başımı bağlamışam. Amma bu, belə deyil”. Bunu müğənni Xuraman Şuşalı “Hər şey daxil” verilişinin qonağı olarkən deyib.
Xətai Sənət Mərkəzində növbəti müsabiqə
İyun ayının 30-da Azərbaycan Rəssamlar İttifaqı və Xətai Sənət Mərkəzinin dəstəyi ilə İslam Həmrəyliyi ilinə həsr olunmuş “SEVGI RƏSSAMLARIN GÖZÜ İLƏ” adlı sərgi-müsabiqə keçiriləcək. Xətai Sənət Mərkəzindən “Olaylar” – a bildirlib ki, müsabiqə rəngkarlıq, qrafika və dekorativ tətbiqi sənət üzrə keçirilir. Hər janr üzrə I, II və III yerlər seçilərək , diplom və hədiyyələrlə mükafatlandırılacaq. Bütün sərgi iştirakçıları sertifikatla təltif olunacaq.