Mədəniyyət
Növbəti sərgi kitablara həsr olunacaq
Oktyabrın 17-də Bakı Xətai Sənət Mərkəzində “Kitabların insan həyatında rolu” adlı rəsm sərgisi açılacaq. Yeni Azərbaycan Partiyası Yasamal rayon Təşkilatı, Bakı Şəhər Mədəniyyət və Turizm Baş İdarəsi, Yazıçılar Birliyi, Rəssamlar İttifaqı və Xətai Sənət Mərkəzinin təşkilatçılığı ilə gerçəkləşəcək sərgi “İslam Həmrəyliyi İli”nə həsr ediləcək. Sərgidə 100-dən çox fırça ustasının 150-dək sənət əsəri nümayiş ediləcək.
"İndi yoldaşlığımız yoxdur" - Elməddin Raminin getməyindən gileyləndi
Aktyor Elməddin Cəfərov işbirliyinə son qoyduğu rejissor Ramin Hacıyevdən danışıb. Aktyor "Kulis" verilişində Ramindən incidiyini etiraf edib. Elməddin bildirib ki, rejissor ona deməmiş gizlin "Xəzər" telekanalına işə düzəlib: "Raminlə biz həm dost, həm də yoldaş idik. İndi yoldaşlığımız yoxdur, başqa şirkətdə çalışır.
Tələbələr Vahid Əzizlə görüşdü
Oktyabrın 12-də Dillər Universitetinin Təhsil fakültəsinin tələbələri Auditoriya + proqramı çərçivəsində Yazıçılar Birliyinin üzvü, şair, tərcüməçi Vahid Əzizlə görüşüb. Olaylar bildirir ki, universitetin Azərbaycan ədəbiyyatı kafedrasının baş müəllimi İlahə Kazımova şairi salamlayaraq onu universitetdə görməkdən məmnun olduğunu bildirib. Şairin Azərbaycan poeziyasında xüsusi yer tutduğunu qeyd edən İ.Kazımova görüşün baş tutmasında tələbələrin daha çox maraqlı olduğunu sözlərinə əlavə edib.
Muğam Mərkəzində “Muğam axşamları”
Beynəlxalq Muğam Mərkəzində “Muğam axşamları” adlı layihənin ikinci mərhələsinin ilk konserti keçirilib. “Olaylar” bildirir ki, konsertdə “Bayatı-Kürd” və “Mahur-Hindi” muğamları səslənib. İlk olaraq səhnəyə əməkdar müəllimi Qəzənfər Abbasov çıxaraq muğamın inkişafından və keçirilən muğam konsertlərinin gələcək nəsilə verdiyi töhvələrdən danişıb. Gecədə tanınmış xanəndələr Hüseyn Məlikov və Kamilə Nəbiyevanı “Muğam” instrumental ansamblı müşayiət edib.
Anasının ölümündən stressə düşən Cavanşir: O, ölən günü bacımın qızı...
ARB telekanalında yayımlanan "Səhər-Səhər" verilişinin qonaqlarından biri keçmiş jurnalist Cavanşir olub. Jurnalistliyi müğənniliklə əvəz edən Cavanşir anasının ölümündən sonra həyatdan küsdüyünü deyib: "Anam dünyasını dəyişəndən sonra məni həyata bağlayacaq heç nə yox idi. Anam dünyasını dəyişən günü bacımın qız övladı oldu.
"Maşın" şouda qalmaqal: "Mən şəkillərimi atdıracam, səni çıxardıracam" - VİDEO
"Maşın" realiti şouda ulduzlar arasında daha bir qalmaqal baş verib. Jurnalist Ülviyyə Alovlu ilə müğənni Günel Ələkbərovacanlı efirdən sonra mübahisə edib. Günel Ülviyyəyə kəskin sözlər deyib: "Mən şəkillərimi atdıracam, səni çıxartdıracam. Sənin özünə dəstək verən lazımdır. Sən kimə dəstək verirsən?" Ülviyyə Alovlu isə Günelin ünvanına "Bildik də, sən əlasan, zorsan, bombasan" sözlərini işlədib.
Mirzə Ələkbər Sabirin virtual muzeyi təqim olunacaq
Oktyabrın 14 – də Beynəlxalq Mətbuat Mərkəzində Mirzə Ələkbər Sabir Fondu dahi şairin 155 illiyi münasibətilə “Mirzə Ələkbər Sabir virtual muzeyi” layihəsini təqdim edəcək. Olaylar bildirir ki, layihə çərçivəsində Sabirə aid olub müxtəlif mənbələrdə – arxivlərdə, TV və radioda, kitabxanalarda, şəxsi kolleksiyalarda, muzeylərdə, internet resurslarında yer alan verbal, audio, video, foto məlumatlar toplanaraq vahid baza yaradılıb. M.Ə.Sabirin 1912-ci ildən bu günlərimizədək çap olunmuş kitabları, əsərlərinin müxtəlif dillərə tərcümələri, şairə həsr olunan rəssamlıq nümunələri, şairin ölkə ərazisində olan heykəl və büstlərinin görüntüləri, Sabirin hazırda Şamaxı şəhərində yenidənqurma işləri ilə əlaqədar müvəqqəti olaraq fəaliyyətini dayandırmış muzeyinin təmirdən oncəki 360 Panoramik görüntüsü, muzeyin tikilməkdə olan yeni görüntüsünün maketi, Sabirə aid unikal faktlar və bir çox digər dəyərli məlumatlar da virtual muzeydə yer alıb.
Tanınmış aktrisa mənzilində ölü tapılıb
Gürcüstanın məşhur aktrisası Lika Kavjaradze Tbilisidə yaşadığı mənzilində ölü tapılıb. 58 yaşlı aktrisanın ölümünün səbəbi barədə rəsmi məlumat verilmir. Gürcüstan Daxili işlər nazirliyindən faktla bağlı araşdırma aparıldığını bildiriblər. Gürcüstanın Birinci kanalı Kavjaradzenin yaxınlarına istinadən onun ürəktutmasından vəfat etdiyi barədə məlumat verib.
Şövqi Hüseynov “Aktyor sirri” adlı mədəni dialoq forumunda iştirak edib
Gənc Tamaşaçılar Teatrının kollektivi Ukrayna Respublikasının Kiyev şəhərində keçirilən “Mariya” adlı Beynəlxalq mono tamaşalar festivalında iştirak edib. Olaylar bildirir ki, festivalda ölkəmizi ADGTT-nın aktyoru, Azərbaycan və Kalmıkiya Respublikalarının Əməkdar artisti Şövqi Hüseynov P.Züskindin “Kontrabas” tamaşası ilə təmsil edərək festivalın diplomu ilə təltif edilib. Şövqi Hüseynov festival çərçivəsində təşkil edilən “Aktyor sirri” adlı mədəni dialoq forumunda da iştirak edib. O, seminarda “Azərbaycan teatrı və Azərbaycan Dövlət Gənc Tamaşaçılar teatrının fəaliyyəti ” mövzusunda məruzə ilə çıxış edib. Festivalda ölkəmizlə bərabər Polşadan, İspaniyadan, Ukraynadan, Slovakiyadan, Böyük Britaniyadan və Türkiyədən olan peşəkar teatrlar da iştirak edib.
Musiqili Teatrda həftəsonu
Azərbaycan Dövlət Musiqili Teatrında həftəsonu 3 gün ərzində 5 tamaşa nümayiş olunacaq. Qurumun Mətbuat katibi Samir Sədaqətoğlu bildirib ki, 13, 14, 15 oktyabr tarixlərində saat 12.00 və 19.00-da “Qafqazlı qardaşqızı” (R. Hacıyev), “Bremen musiqiçiləri və Pen” (C. Barri, Qrimm qardaşları), “Baladadaşın toy hamamı” (Elçin), “Qırmızıpapaq” (E. Sabitoğlu, Y. Şvarts) və “Bankir adaxlı” (E. Sabitoğlu, T. Vəliyeva) tamaşaları təqdim ediləcək. Tamaşaçılar nümayiş olunacaq səhnə əsərlərində sevimli aktyorları – Azərbaycan Respublikasının Xalq artistləri Afaq Bəşirqızı, Fatma Mahmudova, Əməkdar artistlər Boris Qrafkin, Səmayə Musayeva, Novruz Qartal, Svetlana Bulax, Nahidə Orucova, Çingiz Əhmədov, Nərgiz Kərimova, Səidə Şərifəliyeva, aktyorlar Firuz Məmmədov, Rəsmiyyə Nurməmmədova, Məhərrəm Qurbanov, Möylə Mirzəliyev, Gülcahan Salamova, Gülnarə Abdullayeva, Əliməmməd Novruzov, Gültac Əlili, Emil Heydərov, Elnarə Nağdəliyeva, Hüseyn Əlili, Gülçöhrə Abdullayeva, Rauf Babayev, Mehriban Zalıyeva, Nicat Əli, Aydan Həsənova, Elçin İmanov, Gülnarə Əzizova, Telnaz Hüseynova, Ruslan Mürsəlov, Əmrah Dadaşov, Eleanora Mehdiyeva, Şaban Cəfərov, Zarina Qurbanova, Elməddin Dadaşov, Fərid Rzayev, Zaur Əliyev, Pərvin Dadaşova və başqalarının ifalarını izləyə biləcəklər.
Mobil Babayevin yaradıcılıq gecəsi keçirildi
Beynəlxalq Muğam Mərkəzində Əməkdar incəsənət xadimi Mobil Babayevin yaradıcılıq gecəsi keçirildi. “Mədəniyyət” kanalının və Beynəlxalq Muğam Mərkəzinin birgə layihəsi əsasında Mədəniyyət və Turizm Nazirliyinin dəstəyi ilə bəstəkar, Əməkdar İncəsənət Xadimi Mobil Babayevin yaradıcılıq gecəsi keçirilib. Gecə “Gunəşli səhər” kinofilmindən kompazisiya ilə açıldı. Tədbirdə Xalq artisti Ənvər Sadıqovun bədii rəhbərliyi ilə Azərbaycan Televiziyası və Radiosunun “Qaytağı” instrumental ansamblı cixiş etdi.
.jpg)
Avstriyalı şairlə “Oxu günü”
Oktyabrın 11-də Dillər Universitetinin Alman oxu zalında avstriyalı şair Karl Lubomirski ilə “Oxu günü” keçirilib. Olaylar bildirir ki, görüşdə Təhsil, Tərcümə və mədəniyyətşünaslıq fakültələrinin tələbə və müəllim heyəti, həmçinin alman dili ilə maraqlanan şəxslər iştirak edib.
Ramiz Əzizbəyli Azərbaycana gətirilir
Türkiyəyə aparılan xalq artisti, tanınmış aktyor Ramiz Əzizbəyli bir neçə günə Azərbaycana qayıdacaq. Məlumata görə, aktyorun müalicə xərclərini üzərinə götürən şirkətin mətbuat nümayəndələri ilə görüşü də gözlənilir.
Rusiyalı fotorəssamın “Məni çağırırsan, Azərbaycan” adlı fotosərgisi
Oktyabrın 13-də Bakıda “Nur art house” qalereyasında tanınmış rus fotorəssamı və jurnalisti Svetlana Komkovoyun “Məni çağırırsan, Azərbaycan” adlı eksperimental fotosərgisi açılacaq. Sərgi müəllifin Azərbaycan təbiəti ilə beşgünlük tanışlığının fotoreportajıdır.
Müslüm Maqomayevin 75 illik yubileyi qeyd olunacaq
Opera və Balet Teatrı vaxtilə bu Teatrda çalışan görkəmli vokal, muğam və balet ustalarının xatirəsinə həsr olunmuş tamaşalar təşkil edir. Olaylar bildirir ki, oktyabrın 21 – də nümayiş olunacaq növbəti belə tamaşa Müslüm Maqomayevin "Şah İsmayıl" operasıdı. Baba M.Maqomayevin qələmə aldığı opera bu dəfə nəvə Müslümün görkəmli müğənni, SSRİ Xalq artisti Müslüm Maqomayevin xatirəsinə həsr olunacaq. Məlum olduğu kimi, istedadlı müğənni Opera və Balet Teatrımızın solisti olduğu illərdə onun repertuarındakı ən populyar partiyalardan biri də Aslan şah rolu olub. Teatr baş tutacaq tamaşanı müğənninin 75 illik yubilyinə həsr edir.