Mədəniyyət
"Bayrağımız qürurumuzdur!" - Rəsm aksiyası
Noyabrın 8 - də Mədəniyyət və Turizm Nazirliyinin, Rəsm Qalereyasının, Xətai Rayon İcra Hakimiyyətinin və Xətai Sənət Mərkəzinin təşkilatçılığı ilə Xətai Rayonu Heydər Əliyev Parkında “Bayrağımız qürurumuzdur!” adlı asfalt üzərində rəsm aksiyası və gənc rəssamların pleneri keçiriləcək. Olaylar.az bildirir ki, tədbir Azərbaycan Dövlət Bayrağına sevgi və ehtiram hisslərinin tərənnüm olunması, bayrağımızın milli qürur mənbəyi kimi tanıdılması, insanlarda, xüsusən gənc nəslin nümayəndələri, eləcə də yaradıcı ziyalılar arasında üçrəngli Azərbaycan bayrağına sədaqət kimi milli vətənpərvərlik duyğularının aşılanması məqsədi ilə həyata keçirilir.
Auqsburq Universitetinin doktorantı Qurban Səid yaradıcılığını tədqiq edir
Azərbaycan Dillər Universitetində Xarici ölkələr ədəbiyyatı kafedrasının təşkilatçılığı ilə Almaniyanın Auqsburq Universitetinin doktorantı Kristin Bossauer-Qrossun iştirakı ilə dəyirmi masa keçirilib. K.B.Qrossu tədbir iştirakçılarına təqdim edən Xarici ölkələr ədəbiyyatı kafedrasının müdiri, professor Aynur Sabitova qonağın ADU-da olmasının əsas səbəbinin Qurban Səid yaradıcılığını daha dərindən tədqiq etmək və onun ədəbi irsinin incəliklərini öyrənməkdən ibarət olduğunu söyləyib.
“Duyğularımızın rəngi” adlı sərgi
AMEA Milli Azərbaycan Tarixi Muzeyi və Sabunçu rayonu Yeni Ramana qəsəbəsində yerləşən 1 saylı Sağlamlıq imkanları məhdud gənclərin Peşə Reabilitasiya Mərkəzinin təşkilatçılığı ilə gənclərin əl işlərindən ibarət sərginin açılış mərasimi olub. “3 dekabr - Beynəlxalq Əlillər günü”nə həsr olunmuş “Duyğularımın rəngi” adlı sərgi Bilik Fondunun dəstəyi ilə keçirilir. Olaylar.az bildirir ki, tədbirin keçirilməsində məqsəd sağlamlıq imkanları məhdud istedadlı gənclərə dəstək olmaq və onların müxtəlif sənət sahələrini əks etdirən əl işlərini ictimaiyyətə təqdim etməkdir. Sərgidə 28 yaradıcı gəncin 100-dən çox əl işləri nümayiş olunub. Milli Azərbaycan Tarixi Muzeyinin Xarici əlaqələr və elmi-kütləvi iş şöbəsinin elmi işçisi Sahibə Ələkbərova sağlamlıq imkanları məhdud gəncləri Muzeyin elmi-ekspozisiyası ilə yaxından tanış edərək, onları maraqlandıran sualları ətraflı cavablandırıb.
.jpg)
“Next Level Azerbaijan” proqramının yekun konserti
Bakı və Mingəçevir şəhərlərində Amerika Birləşmiş Ştatlarının Azərbaycandakı Səfirliyinin təşəbbüsü ilə “Next Level Azerbaijan” proqramının yekun konserti keçirilib. Olaylar.az bildirlir ki, Mədəniyyət və İncəsənət Universitetinin Teatr sənəti və Musiqi sənəti fakültəsinin tələbələrinin də iştirak etdiyi konsertlərdə MC, Beatbox, Hip-Hop və müxtəlif rəqslər nümayiş olunub. Sonda tələbələr “Next Level Azerbaijan” proqramı üzrə sertifikat ilə təltif olunublar.
Brilliant Dadaşova Mehriban Əliyevaya niyə müraciət etdi
Müğənni Brilliant Dadaşova Azərbaycan Respublikasının I vite- prezidenti Mehriban Əliyevaya müraciət edib. Olaylar.az bildirir ki, müğənni son günlər ölkə gündəmi zəbt edən Fədayə Laçınla bağlı xanım Mehriban Əliyevaya səslənib. Brilliant Dadaşova bu müraciətini sosial şəbəkədən - instaqram hesabı vaistəsi ilə edib. Olaylar.az müğənninin müraciətini olduğu kimi təqdim edir:
"Muğam dünyası" BDU-da
Bakı Dövlət Universiteti Tələbə Həmkarlar İttifaqı Komitəsinin sədri Daşqın Qənbərov "Muğam Dünyası" layihəsinin təşəbbüsükarlarını salamlayaraq, tədbiri yüksək qiymətləndirildiyini vurğulayıb. Daşqın Qənbərov qeyd edib ki, Azərbaycanda dövlət müstəqilliyinin bərpasından sonra, xüsusən 1993-cü il iyunun 15-də görkəmli dövlət xadimi Heydər Əliyevin respublikamızda siyasi rəhbərliyə qayıdışı ilə milli-mənəvi dəyərlərin dirçəlişinə, iqtisadiyyatın, sosial sahələrin inkişafına güclü stimul verilib.
“O gün Rafiq...” Vida mərasimindən REPORTAJ
Ayxan Ayvazın Xalq artisti Rafiq Hüseynovun vida mərasimindən yazdığı reportajı təqdim edirik. ... Yazım da onun vida mərasimi kimi sükutla başlasın. Çələnglər görünsün əvvəlcə, ardınca gülümsəyən şəkli...
"Nə yaxşı aşiq olmuşam" - Şou - biznes əhlinin sevgi həyatı
Şou-biznes nümayəndələri bu dəfə sevgidən danışıblar. "Xəzər maqazin" müğənnilər arasında sorğu apararaq onlara "Sevgi nədir və onu necə yaşayırsınız" sualını ünvanlayıb. Müğənnilərin sevgi etiraflarını təqdim edirik: Tünzalə Ağayeva: "Özünü unudursan. Onun varlığı sənin içinə dolur. Hər yerdə onu görürsən, axtarırsan. Sanki insanın nəfəsi çatmır. Ancaq axtarışdasan. Yanında deyilsə, gözün onu axtarır".
"Həmkarlarım üçün qapım bağlıdır, çünki..." - Xalq artisti evinə qapandı
Xalq artisti Zərnigar Ağakişiyeva evinə qapanıb.Telefon zənglərinə 3 gündən sonra cavab verən aktrisa səhhətindən də danışıb. "3 gün idi ki, heç bir telefon zənglərinə cavab vermirdim. Bu gün bir az özümə gəlmişəm. Hava dəyişən kimi evimə qapanıram. Nə çölə çıxıb gəzirəm, nə də ki, qonaq qəbul edirəm. Hələ ki, o gücü özümdə hiss etmirəm. Çünki qonaq gəlsə, gərək oturub onunla gün keçirim.
"Həyat yoldaşım uğursuz insandır" - əməkdar artist
“Kaş üç-dörd uşağım olardı. İndi nəvə istəyirəm. Fikirləşirəm ki, övladım ailə qursun, uşağı olsun. Amma qızım ailə qurmaq istəmir. Uşaqları çox sevirəm, onlardan zövq alıram”. Məlumata görə, bu sözləri əməkdar artist naibə Allahverdiyeva “Günə davam” verilişində deyib. Aktrisa özündən yaşca balaca olan həyat yoldaşından danışıb: "Yoldaşım işimə qarışmır. Xasiyyəti pis deyil, qısqanclıq etmir. Sadəcə uğursuz insandır. İşində uğur qazana bilmir. Bu da ona psixoloji təsir edir. Bəzən olur ki... (kövrəlir) Bu yaşımda ayılmışam. Artıq insanları dəyişmək istəmirəm.
.jpg)
Molla Pənah Vaqifin 300 illik yubiley tədbiri
Mədəniyyət və İncəsənət Universiteti və 23 saylı məktəbin birgə təşkilatçılığı ilə Molla Pənah Vaqifin 300 illiyi ilə bağlı gecə keçirilib. Olaylar.az bildirir ki, tədbir 23 saylı məktəbin müəllim və şagirdlərinin ifasında Vaqifin şeirlərinin Azərbaycan və rus dillərində səsləndirilməsi ilə başlayıb. Konsertdə Qəmbər Hüseynli, Cahangir Cahangirov, Pikə Axundova, Elza Seyidcahanın Vaqifin sözlərinə yazdığı mahnı və romanslar, şairin sözlərinə muğam və təsniflər, habelə aşıq havaları ifa edilib.
Gəncədə dostluğu və həmrəyliyi tərənnüm edən festival
Noyabrın 3- də Gəncə şəhərində Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin, Bakı Yunus Emre İnstitutunun, Türkiyə Cümhuriyyətinin Gəncə Başkonsulluğu və Gəncə Regional Mədəniyyət və Turizm İdarəsinin birgə təşkilatçılığı ilə IV “Türk dünyası ənənəvi uşaq oyunları festivalı” keçirilib. Olaylar.az bildirir ki, layihənin təşkil olunmasında məqsədi türk dünyasının qeyri-maddi mədəni irs nümunələrinin ayrılmaz tərkib hissəsi olan ənənəvi uşaq oyunlarının həm əyləncə, həm də yarış formatında keçirilməsi, onların gələcək nəsillərə çatdırılması, eyni oyunlarla böyüyərək müxtəlif coğrafiyada yaşayan uşaqlar arasında dostluq əlaqələrinin möhkəmlənməsidi.
Əməkdar artist konsert verəcək konserti
Noyabrın 3 – də Azərbaycan Musiqi Mədəniyyəti Dövlət Muzeyində Avropada yaşayan dünyaşöhrətli pianoçu, professor, əməkdar artist, adına Pianoçuların Beynəlxalq Müsabiqəsi olan Adilə Əliyevanın konserti olub. Tədbiri giriş sözü ilə Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, əməkdar mədəniyyət işçisi Alla Bayramova açıb.
Musa Yaqub oxucuların suallarını cavablandırdı
Bakı Şəhər Mədəniyyət və Turizm Baş İdarəsinin təşkilatçılığı ilə şair Musa Yaqubla görüş keçirilib. Olaylar.az bildirir ki, görüşdə Baş İdarənin əməkdaşı Sücayət Piriyeva, Səbail MKS-nin direktoru Nüşabə Ələkbərova, 16 saylı texniki humanitar liseyin müəllim və şagirdləri, oxucular iştirak ediblər.
Alim Qasımov və Fərqanə Qasımova beynəlxalq konfransda - İstanbulda
Noyabrın 4 - də Türkiyənin İstanbul şəhərində İstanbul Universitetinin, Türkiyə Mədəniyyət Nazirliyinin, Azərbaycanın İstanbuldakı baş konsulluğu və İstanbul Fatih Bələdiyyəsinin təşkilatçılığı ilə gənc ədəbiyyatçıların konfransı keçiriləcək. Konfransın yekun iclasında isə iştirakçılar məhşur muğam ifaçıları Alim Qasımov və Fərqanə Qasımovanın ifalarını dinləyəcəklər.