"Qayınanam məni divara dırmaşdırırdı" - Xalq artistindən efirdə İLGİNC AÇIQLAMA- VİDEO

Xalq artisti Səməd Səmədov "Səhər-Səhər" verilişində ilk həyat yoldaşı Zərifə xanımdan ayrılma səbəbindən danışıb. Müğənni birinci ailə həyatının dağılma səbəbi kimi qayınanasını göstərib.

Nüşabə Məkkə ziyarətində - Video

Əməkdar artist Nüşabə Ələsgərli Məkkə ziyarətinə yollanıb. Müğənninin müqəddəs yerlərdən görüntüsünü Nadir Qafarzadə paylaşıb. O bildirib ki, Ələsgərli Məkkədə onlar üçün də dua edib.

Alman arxeoloq Tarix Muzeyində

Tanınmış alman arxeoloqu, professor Harld Hauptmann və xanımı Salva Hauptmann AMEA-nın Milli Azərbaycan Tarixi Muzeyində olublar. Muzeyin Xüsusi fondunun müdiri, t.ü.f.d. Afət Rüstəmbəyova qonaqlara elmi müəssisənin tarixi barədə məlumat verib. Bildirilib ki, muzeyin yerləşdiyi, Bakının ən gözəl memarlıq abidələrindən olan bina 1895-1897-ci illərdə tikilib və Azərbaycan milyonçusu, mesenat Hacı Zeynalabdin Tağıyevin mülkü olub. Muzeyin binası Prezident İlham Əliyevin göstərişi ilə əsaslı təmir olunub.

Azərbaycan ilə Moldovanı sıx mədəni əlaqələr bağlayır

Azərbaycan Mədəniyyət və Turizm Nazirliyinin, Moldova Azərbaycanlıları Konqresinin və Azərbaycan Yazıçılar Birliyi (AYB) nəzdində Bədii Tərcümə və Ədəbi Əlaqələr Mərkəzinin dəstəyi ilə martın 1-3-də Bakıda Moldova ədəbiyyatı günləri keçirilir. Tədbir çərçivəsində Moldovanın tanınmış yazıçı və şairləri ilə görüşlər nəzərdə tutulub. Görüşlərdə Moldovada çap edilmiş Azərbaycan ədəbiyyatı nümunələri təqdim ediləcək. Bundan əlavə, moldovalı müəlliflərin kitablarının təqdimatı və bir sıra digər tədbirlər planlaşdırılıb.  Azərbaycan Yazıçılar Birliyinin “Natəvan” klubunda Moldova Yazıçılar İttifaqının sədri Arkadi Suçevyanu başda olmaqla moldovalı ədiblərlə görüş keçirilib.

Məşhur rəqs ansamblı ölkəmizə gəlir

“British Council Azərbaycan” Böyük Britaniyanın ölkəmizdəki səfirliyi, “YARAT” Müasir İncəsənət Məkanı və Nizami Kino Mərkəzi ilə əməkdaşlıq və tərəfdaşlıq şəraitində "Deaf Men Dancing" rəqs ansamblı tərəfindən səhnələşdirilmiş “Ten” rəqs tamaşasını təqdim edir. “British Council”ın “Unlimited" proqramının tərkib hissəsi kimi həyata keçirilən bu layihə incəsənət fəaliyyəti ilə məşğul olan məhdud imkanlı insanların məkanlara, prodüserlərə və qərar qəbul edən məmurlara çıxışının təmin edilməsi və bu insanların inklüziv əsər yaratmaq və təqdim etmək bacarıqlarının inkişaf etdirilməsi yolu ilə onları dəstəkləyir.

Mart ayının ilk həftəsi Musiqili Teatrda

Azərbaycan Dövlət Musiqili Teatrında mart ayının ilk həftəsonunda maraqlı tamaşalar nümayiş olunacaq. Qurumun mətbuat xidmətindən Olaylar.az- a bildirilib ki, teatrsevərlərə 2 mart saat 19:00-da “Ər və arvad” (Ü.Hacıbəyli), 3 mart saat 19:00-da “Amerikalı kürəkən” (R.Mirişli,M.Haqverdiyev), 4 mart saat 19:00-da isə “Molla Nəsrəddinin beş arvadı” (İ.Sadıqov) tamaşaları təqdim olunacaq. Teatr həmişə olduğu kimi, bu dəfə də balaca tamaşaçılarının zövqunü oxşayan macəra dolu, rəngarəng süjet xətti olan nağıl-tamaşaları ilə onların yolunu gözləyir. 3 mart saat 12:00-da ana dilimizdə “Qırmızı papaq” (E.Sabitoğlu,Y.Şvarts), 4 mart saat 12:00-da isə rusdilli balacalar üçün “Yağış göbələyinin macərası” tamaşaları göstəriləcək.

Mehriban Əliyeva və Leyla Əliyeva “Bir ailə” bədii filminin təqdimatında iştirak etdi

Martın 1-də Nizami Kino Mərkəzi və “Ədibin Evi”nin təşkilatçılığı ilə Mir Cəlal Paşayevin 110 illik və Qara Qarayevin 100 illik yubileyləri münasibətilə Azərbaycan mədəniyyətinin bu görkəmli xadimlərinin birgə ərsəyə gətirdiyi “Bir ailə” bədii filminin təqdimat mərasimi keçirilib.  Azərbaycan Respublikasının Birinci vitse-prezidenti Mehriban Əliyeva, Heydər Əliyev Fondunun vitse-prezidenti Leyla Əliyeva mərasimdə iştirak ediblər.

“Yeni nəsil” layihəsi davam edir - Muğam Mərkəzində

Beynəlxalq Muğam Mərkəzində Azərbaycan Dövlət Mədəniyyət və İncəsənət Universitetinin IV kurs tələbələri tərəfindən (“Sabah” qrupu) hazırlanmış Mirzə Fətəli Axundzadə “Hekayəti müsyö Jordan həkimi-nəbatat və dərviş Məstəli şah cadükuni məşhur” tamaşası nümayiş olunub. Tamaşa Beynəlxalq Muğam Mərkəzi və Azərbaycan Dövlət Mədəniyyət və İncəsənət Universitetinin “Yeni nəsil dəvət edir” birgə layihəsi çərçivəsində reallaşıb. Bu tamaşanın səhnəyə qoyulmasında məqsəd gənc nəslə müasir dövrə uyğun şəkildə, yeni formatda M.F.Axundzadənin yaradıcılığını çatdırmaqdır.

Cindən Rəqsanəyə sillə kimi cavab

Rasim Balayev: "Fuad zənglərimə cavab vermir..."

İsrailli həkim sırf mənim üçün gəlməmişdi Bakıya. O, burada olduğu müddətdə getdim yanına və bir kurs müalicə aldım. Əvvəlkinə nisbətən yaxşıyam. Ancaq yenə də ayağımda ağrılar var. Həkim Bakıya yenidən gələn kimi müalicəni davam etdirəcəm.

"Gecə saat üçdür və mən səni sevirəm"

 Gənc şair Ruzbeh Məmmədin yeni kitabı nəşr olunub. "Gecə saat üçdür və mən səni sevirəm" adlı şeirlər kitabı "Parlaq İmzalar Nəşriyyatı"nda çap edilib. Kitaba şairin ən son yazılan və mətbuat orqanlarında çap edilən şeirləri daxil edilib.

İlhamə Quliyevanın bankda olan pulunun məbləği açıqlandı: 380 min - VİDEO 

ARB TV-nin "Səhər Səhər" verilişinin növbəti qonağı Əməkdar artisti Firuzə İbadova olub.  Əməkdar artist Firuzə İbadova efirdə mərhum xalq artisti İlhamə Quliyevanın ona borcu olduğunu deyib: "Mənim əgər alacağım varsa, nəyə görə ala bilmirəm.

Aktrisa Pərvin Abıyevanın iddia tələbi dəqiqləşdirildi

Türkiyədə yaşayan azərbaycanlı aktrisa Tunay Əliyeva ilə həmkarı Pərvin Abıyeva arasında qaldırılmış qarşılıqlı iddialar əsasında məhkəmə iclası davam etdirilib. Bu gün Səbail Rayon Məhkəməsində hakim Nurəddin Bağırovun sədrlik etdiyi prosesdə hər iki tərəfin iddia tələbi dəqiqləşdirilib. Daha sonra hər iki tərəfin nümayəndəsi vəsatət qaldırıb. Onlar linqivistiq ekspertizanın keçirilməsini tələb ediblər. Vəsatətlərə növbəti iclasda baxılacağı qərara alınıb.

Azərbaycanlı aktrisanın qaynanası öldü, ağlamadı - VİDEO

Bu gün "Hər şey daxil" verilişinin qonaqlarından biri vaxtı ilə "Yeni ulduz" müsabiqəsinin iştirakçısı olmuş, "Xəzər" telekanalında yayımlanan "Ata ocağı" serialının "Ofeliya"sı Mənsurə Əhmədova olub.

Özbəkistan Sənət və Mədəniyyət İnstitutunda “Azərbaycan Mədəniyyət günü” keçirilib

Özbəkistandakı Heydər Əliyev adına Azərbaycan Mədəniyyət Mərkəzinin təşkilatçılığı ilə Özbəkistan Sənət və Mədəniyyət İnstitutunda “Azərbaycan mədəniyyət günü” keçirilib və bununla əlaqədar bütöv bir gün Azərbaycan mədəniyyətinə həsr olunub.