Belçika Krallığının şahzadəsi Bakıya gələcək

Xorvatiya və Bolqarıstanın keçmiş Prezidentləri, Belçika Krallığının Şahzadəsi Bakıda keçiriləcək II Ümumdünya Mədəniyyətlərarası Dialoq Forumunda iştirak edəcək. Mədəniyyət və Turizm Nazirliyinin məlumatına görə, forum çərçivəsində Azərbaycanın şərqlə-qərbin, müxtəlif mədəniyyətlərin kəsişməsində yerləşməsi nəzərə alınaraq ilk dəfə Dünya Forumu Nazirlər Konfransı keçiriləcək. 
Forumda beynəlxalq qurumların rəhbərləri, bir neçə ölkənin hazırki və keçmiş prezidentləri, o cümlədən Xorvatiyanın keçmiş Prezidenti Stefan Mesiç, Bolqarıstanın keçmiş Prezidenti Qeorqi Prvanov, Belçika Krallığının Şahzadəsi Stefani de Vindisch-Graetz, dünyanın 100-dən çox ölkəsindən nazirlər, ekspertlər, beyin mərkəzlərinin rəhbərləri, alimlər və mədəniyyətlərarası dialoqla məşğul olan mərkəzlərin yüksək səviyyəli nümayəndələri iştirak edəcəklər.
Qeyd edək ki, Azərbaycan Respublikasının Prezidenti İlham Əliyevin 2011-ci ilin 27 may tarixində imzaladığı sərəncamı ilə Forum hər iki ildə bir dəfə Bakıda keçirilir və tədbirin əlaqələndirici qurumu kimi Mədəniyyət və Turizm Nazirliyi təyin edilib. ("OLAYLAR"İA)