“Muğam axşamları” onlayn layihəsi davam edir

Beynəlxalq Muğam Mərkəzinin (BMM) "Muğam axşamları" onlayn layihəsinin konsertləri mərkəzin "YouTube" kanalı vasitəsilə izləyicilərə təqdim olunur.

Olaylar.az bildirir ki, BMM-nin "YouTube" kanalı, "Facebook" və "Instagram" səhifələri vasitəsilə yayımlanan konsertlərdə mərkəzin solistləri bir-birindən fərqli ifalarını muğamsevərlərə təqdim edirlər.

Qeyd edək ki, indiyədək layihə çərçivəsində 4 konsert nümayiş olunub. Xanəndələrin ifasında muğam və təsniflər səsləndirilib. Budəfəki konsertdə muğam televiziya müsabiqəsinin qalibləri Almaxanım Əhmədli, Hüseyn Məlikov, Rəvanə Qurbanova və Elgiz Əliyevin çıxışları izləyicilər tərəfindən maraqla qarşılanıb.