Kitablarımız XXVII Minsk Beynəlxalq Kitab Sərgi-Yarmarkasında

5 Fevral 2020 14:58 Mədəniyyət

Fevralın 5-də Belarus paytaxtında XXVII Minsk Beynəlxalq Kitab Sərgi-Yarmarkası öz işinə başlayıb.

Olaylar.az bildirir ki, Mədəniyyət Nazirliyinin Kitab dövriyyəsi və nəşriyyatlarla iş şöbəsinin baş məsləhətçisi Elbəy Əli sərgidə iştirak edir. Sərgi-yarmarkada Azərbaycan haqqında məlumatlar kitabsevərlərə çatdırılır. Ölkəmizin stendində müxtəlif nəşriyyatların 100 addan çox kitabı 10 kv.m. sahədə nümayiş olunur. Stenddə ölkəmizin tarixi, müasir inkişafı, Ermənistan-Azərbaycan, Dağlıq Qarabağ münaqişəsi, Xocalı soyqırımı ilə bağlı kitablar, bədii ədəbiyyat nümunələri sərgilənir. Stendimizi ziyarət edənlərə ölkəmizin mədəniyyəti, tarixi, müasir ədəbiyyatı haqqında məlumat verilir, jurnal, informasiya bukletləri paylanılır.

Sərgidə ölkəmizi Mədəniyyət Nazirliyi ilə yanaşı "Azərnəşr", "Şərq-Qərb" nəşriyyatları və Respublika Gözdən Əlillər Kitabxanası təmsil edir.

Təklifinizi, şikayətinizi bizə yazın. Sizi dinlərik. 055 634 88 31