“Cəza” tamaşası növbəti dəfə Gənc Tamaşaçılar Teatrında təqdim olunacaq
“Cəza” tamaşası növbəti dəfə Gənc Tamaşaçılar Teatrında təqdim olunacaq
Oktyabrın 25-də Azərbaycan Dövlət Gənc Tamaşaçılar Teatrında yazıçı-dramaturq Tamara Vəliyevanın eyniadlı əsəri əsasında hazırlanan "Cəza" monotamaşası nümayiş ediləcək.
Olaylar.az bildirir ki, psixoloji oyun dramında rolu Əməkdar artist Kəmalə Hüseynova ifa edəcək. Tamaşanın quruluşçu rejissoru Əməkdar incəsənət xadimi Mehriban Ələkbərzadə, quruluşçu rəssamı Elşən Sərxanoğlu, musiqi tərtibatçısı Ağasəlim Feyzullayev, tryukların quruluşçusu isə İsa Əsədovdur.
Qeyd edək ki, səhnə əsəri ilk dəfə Başqırdıstanın Ufa şəhərində ənənəvi olaraq keçirilən Türkdilli xalqların "Tuqanlıq" Beynəlxalq Teatr Festivalında nümayiş edilib. Aktrisa Kəmalə Hüseynova festivalda "İstedadlı ifaya görə" Başqırdıstan Mədəniyyət Nazirliyinin xüsusi diplomuna layiq görülüb.