İtaliyanın televiziya kanallarında Azərbaycan haqqında proqram nümayiş olunur

26 Sentyabr 2019 11:17 Mədəniyyət

Bu günlərdə İtaliyanın LA VOCE TV və RETEORO televiziya kanallarında günün müxtəlif saatlarında "Səfirliklər və Ölkələr" proqramının Azərbaycana həsr olunan buraxılışı nümayiş olunur. Proqramda proqramın müəllifi və aparıcısı Manulea Biancospinonun Azərbaycanın İtaliyadakı səfiri Məmməd Əhmədzadədən geniş müsahibəsi yer alıb.

Olaylar.az bildirir ki, Azərbaycan diplomatı ölkəmizin qədim və zəngin tarixi-mədəni irsi, multikulturalizm ənənələri, Azərbaycan mədəniyyətinin İtaliyada təbliği istiqamətində Heydər Əliyev Fondu və Səfirliyin birgə tədbirləri, ölkəmizin sosial-iqtisadi inkişafı, Azərbaycan-İtaliya əməkdaşlığı, ölkəmizin turizm potensialı və italyan turistlər üçün ölkəmizdə maraq kəsb edən məqamlar barədə danışıb. Proqram boyu milli musiqi nümunələrimiz səsləndirilib və ölkəmizlə bağlı videoçarxlar təqdim olunub.

LA VOCE TV və RETEORO kanallarında ilk dəfə 24 sentyabrda nümayiş olunmuş "Səfirliklər və Ölkələr" proqramının Azərbaycana həsr olunan buraxılışının təkrarı hər gün hər iki kanalda 29 sentyabra qədər göstərilicəkdir.

Proqramın videoyazısını bu keçiddən izləmək mümkündür: https://www.youtube.com/watch?v=o3-hBQruj6w

Təklifinizi, şikayətinizi bizə yazın. Sizi dinlərik. 055 634 88 31