Tofiq Tağızadənin 100 illik yubileyi qeyd olundu – Şəmkirdə
Tofiq Tağızadənin 100 illik yubileyi qeyd olundu – Şəmkirdə
Mədəniyyət Nazirliyinin təşkilatçılığı, Şəmkir rayon Regional Mədəniyyət İdarəsi və Azərbaycan Dövlət Film Fondunun dəstəyi ilə Şəmkir rayon Heydər Əliyev Mərkəzində görkəmli kinorejissor, Xalq artisti, filmləri Azərbaycan kinosunun qızıl fonduna daxil olmuş Tofiq Tağızadənin 100 illiyi ilə bağlı yubiley tədbiri keçirilmişdir.
Olaylar.az bildirir ki, Tofiq Tağızadənin 100 illik yubileyinin keçirilməsi haqqında Azərbaycan Respublikasının Prezidenti İlham Əliyevin sərəncamına əsasən təşkil olunan tədbiri Mədəniyyət Nazirliyinin əməkdaşı Almaz Sultanzadə açaraq rejissorun mlli kinomuza verdiyi töhvələrdən, bu gün də sevə-sevə baxdığımız filmlərindən bəhs etmişdir. Əməkdar incəsənət xadimi, tanınmış kinorejissor və kinoşünas Ayaz Salayev yubilyarın həyat və sənət yolundan danışaraq Tofiq Tağızadənin Azərbaycan kinosundakı xidmətləri haqqında ətraflı məlumat vermiş, rejissorun "Uzaq sahillərdə", "Yeddi oğul istərəm", "Dədə Qorqud" və s. filmlərinin tarixi əhəmiyyətindən danışmışdır. Tədbir çərçivəsində Tofiq Tağızadəyə həsr olunan fotosərgi və görkəmli sənətkarın tamaşaçılara nümayiş etdirilən "Qızıl qaz" (1972) filmi böyük maraqla qarşılanmışdır.