Azərbaycanlı musiqiçi Lammermur festivalında çıxış edəcək

13 Sentyabr 2019 12:36 Mədəniyyət

Sentyabrın 13-dən 22-dək Şotlandiyanın (Böyük Britaniya) İst-Lotian bölgəsində Lammermur Festivalı keçiriləcək.

Olaylar.az bildirir ki, tədbir çərçivəsində sentyabrın 18-də violonçel ifaçısı Camal Əliyev çıxış edəcək. Konsertin proqramına N.Paqanini, F.Şopen, R.Şuman, S.Raxmaninov və B.Martinunun əsərləri daxildir.

Beynəlxalq mükafatlar laureatı Camal Əliyev Türkiyə, Böyük Britaniya, Fransa, İsveçrə, Çin və başqa ölkələrdə festivallarda iştirak edib, solo konsertlər verib. O, Azərbaycan tarixində ilk dəfə BBC radiosunda orkestrin müşayiəti ilə solo çıxış edib, "BBC Introducing Classical Artist" proqramının iştirakçısı olub.

Təklifinizi, şikayətinizi bizə yazın. Sizi dinlərik. 055 634 88 31