“Muğam dünyasına səyahət” layihəsi Buzovnada

“Muğam dünyasına səyahət” layihəsi Buzovnada

Beynəlxalq Muğam Mərkəzinin təşkilatçılığı və Bakı Şəhər Mədəniyyət Baş İdarəsinin dəstəyi ilə "Muğam dünyasına səyahət" adlı silsilə konsert proqramlarının növbəti  tədbiri Buzovna qəsəbəsi Ruhulla Axundov adına Mədəniyyət evində keçirildi.

Olaylar.az bildirir ki, tədbirdə Beynəlxalq Azərbaycan Muğamı Günü günü qeyd olunub. Konsert proqramında sevilən gənc xanəndələr  xalq mahnılarımız, muğamlarımızdan ibarət proqramla qəsəbə sakinlərinin qarşısında çıxış etdilər.  Bu dəfə Buzovna sakinləri qarşısında  tarzən Əli Əliyev və kamança ifaçısı Abbas Əliyevin  müşayiəti ilə xanəndələr Elgiz Əliyev, Könül Xəlilzadə, Məhəbbət Səfərov çıxış edib. Xanəndələrin ifasında təqdim edilən "Segah", "Mahur", "Şur", muğamları, təsniflər,  darəməd və rənglər tamaşaçılar tərəindən böyük maraqla qarşılandı.

Qeyd edək ki, iyul ayından start götürən  layihə ilin sonuna kimi davam edəcək. Konsertlər Beynəlxalq Muğam Mərkəzinin solistləri, muğam müsabiqələrinin laureatlarının iştirakı ilə Bakı şəhər Mədəniyyət Baş İdarəsinin tabeliyində olan Mədəniyyət Mərkəzlərində reallaşacaq.