“Muğam axşamları” layihəsinin ikinci mərhələsi

Beynəlxalq Muğam Mərkəzində "Muğam axşamları" layihəsinin ikinci mərhələsinin ilk konserti oktyabrın 11-də keçiriləcək.

Olaylar.az bildirir ki, konsert "Mahur-hindi" və "Bayatı-kürd" muğamlarına həsr olunacaq. Respublikanın tanınmış xanəndələri Xalq Çalğı Alətləri Ansamblının müşayiəti ilə muğamın müxtəlif şöbələrini ifa etməklə yanaşı, bəstəkar mahnıları və təsniflərə də yer verəcəklər.

Qeyd edək ki, icrasına bu ilin may ayında "Rast" muğamı ilə start verilmiş möhtəşəm layihənin növbəti konserti noyabrın 1-də "Orta mahur" və "Rahab" muğamlarının səslənməsi ilə davam edəcək.