Tarix Muzeyində Xocalı faciəsi

Fevral ayının 23-də saat 15: 00-da Milli Azərbaycan Tarixi Muzeyində Xocalı faciəsinin 25-ci ildönümünə həsr olunmuş anım tədbiri keçiriləcək. Muzeydən "Olaylar" - a bildirilir ki, tədbirin proqramına Milli Azərbaycan Tarixi Muzeyinin direktoru, akademik Nailə Vəlixanlının, xarici əlaqələr və elmi kütləvi iş şöbəsinin müdiri Emin Dadaşovun, Azərbaycan Respublikasının Əməkdar İncəsənət xadimi, Sənətşünaslıq üzrə fəlsəfə doktoru Ziyadxan Əliyevin çıxışları daxildi.  Həmçinin tədbirdə Azərbaycan Dövlət Gənc Tamaşaçılar Teatrı aktyorlarının ifasında səhnələşdirilmiş "26-cı ümid" kompozisiyası çıxış  və "26-cı ümid" adlı triptix formalı rəsm əsərinin Muzeyə təqdim olunması gözlənilir.