Lalə Məmmədova Lamiyənin ittihamından danışdı

Əməkdar artist Lalə Məmmədova dayısı qızı, müğənni Lamiyə Novruzovanının onu atasının ölümündə günahlandırmasına münasibət bildirib. "Qafqazinfo"nun məlumatına görə, əməkdar artist "Onlar" verilişinə açıqlamasında bu ittihamların əsassız olduğunu vurğulayıb: "Allah rəhmət etsin, dayım gözəl insan olub. Həyatını ləyaqətli yaşadığı üçün bu cəfəngiyyatlar qarşısında susdum. İnsanı ölümdə günahlandırmaq çox ağırittihamdır. Susmaq demək deyil ki, qorxursan. Ata itkisi ağırdır. Amma tanınmış sənətçini ölümdə günahlandırmaq doğru deyil, gələn dəfə hüquq qarşısında cavab verəcək. Sənətdə hörməti damla-amla qazanmışam. Kimsə adıma, şəxsiyyətimə zərər gətirəcək  söz  desə, polis qarşısında cavab verəcək".

Qeyd edək ki, müğənni Lamiyə Novruzova atası Yaşar Novruzovun vəfatında Lalə Məmmədovanı günahlandırmışdı.