Oğlundan müğənniyə qadağa

Müğənni Fədayə Laçın sosial şəbəkədən istifadə etmir. Axşam.az-ın əməkdaşı ilə söhbətində ifaçı oğlunun ona qadağa qoyduğunu deyib: "Sosial şəbəkələrdən başım çıxmır. Bir dəfə qeydiyyatdan keçmək istədim. Oğluma dedim ki, mənə "Facebook"da profil açsın. Amma oğlum etiraz etdi. Dedi ki, ana, məsləhət görmürəm, etmə. 20 yaşı var, onun sözündən çıxa bilmərəm. Ümumiyyətlə, mən nə iş görürəmsə, anamla, oğlumla, bacımla məsləhətləşirəm. Lazım bilmədikləri heç nəyi etmirəm".