“Həyatda ümidlə, arzu ilə yaşayıram”

Əməkdar artist Almaz Ələsgərli 2014-cü ildəki uğurlarından söz açıb. Axşam.az-ın məlumatına görə, "Gün üzü" verilişinin qonağı olan müğənni uzun müddətdir həyatında olan bütün problemləri həll etdiyini bildirib: "Geridə qoyduğumuz at ili mənə çox düşərli oldu. Çünki özüm də at ilində dünyaya gəlmişəm. İllərdir həyatımda olan problemlər, düzəlməsinin həsrətini çəkdiyim işlər yoluna düşdü. Bütün problemlərim həll olundu. 2015-ci ilə isə ümidlərim daha çoxdur. Mən həyatda ümidlə, arzu ilə yaşayıram. Heç vaxt arzulamaqdan əl çəkmirəm. Buna görə də, istəklərim mütləq həyata keçir".