Məşhur yazıçı qəzaya uğradı

Riçard Baxın idarə etdiyi təyyarə elektrik xətlərinə ilişib

ABŞ-da məşhur yazıçı Riçard Baxın idarə etdiyi təyyarə qəzaya uğrayıb. Məlumatı "Associated Press" yazıçının oğlu Ceyms Baxa istinadən yayıb. Riçard Baxın idarə etdiyi təyyarə Vaşinqton ştatındakı San Xuan adasında eniş enərkən elektrik xətlərinə ilişib. Yazıçı sağ qalsa da, ciddi xəsarət alıb. Onun əsas xəsarətləri baş nahiəsindədir və çiyni sınıb.Qeyd edək ki, Rçard Bax "Conatan Livinqston adlı qağayı" bestselleri və digər məşhur əsərlərin müəllifidir.