Azərbaycanlı müğənni qalmaqaldan danışdı: “Sözümü deməyə çalışmışam”

Şou-biznesin qalmaqallarından kənar gəzən müğənni Niyam Səlami sözləri Azər Şirinə, musiqisi Fərid İmana məxsus "Yenə mənsiz" adlı bəstəni lentə aldırıb. Yaradıcılıq işindən "Olaylar"az-a danışan ifaçı bildirib ki, yeni mahnısının seviləcəyinə inanır: "Bu günə qədər bir çox mahnılar ifa etmişəm. Əksəriyyəti də sevilib. Onların içərisində lirik mahnılar daha çox olub. Yeni işıq üzü görən "Yenə mənsiz" adlı bəstəmin də seviləcəyinə inanıram. Artıq mahnıya qulaq asanlar müsbət rəylər bildirirlər. Müğənnin əsas işi oxumaqdır. Qalmaqal yox. Mən də daim ifamla öz sözümü deməyə çalışmışam. Daim şou-biznesdə baş verən qalmaqallardan kənar gəzmişəm. Bu aləmdə olan söz-söhbətlər xarakterimə uyğun deyil".