Namiq Aygünlə yayılan videosundan danışdı

Tədbirlərin birində duet ifa edən keçmiş cütlük yenidən medianın gündəmini zəbt etməyi bacarıb. Gecce.az mxəbər verir ki, ikilinin görüntüləri sosial şəbəkədə səs-küyə səbəb olub. Namiq Qaraçuxurlu bu video barədə ilk dəfə fikir bildirib. "Mən bu barədə sonuncu dəfə açıqlama verirəm. Təbii ki, çox əvvəllər aramızda bir az da olsa, soyuqluq vardı. Aygün xanıma dedim ki, bir-birimiz haqqında sual veriləndə çalışaq danışmayaq. Çünki söhbət uzanır. İllər keçsə də, bizi görən kimi o anlar barədə suallar verməyə başlayırlar. Aygün xanımın da razılığını və halallığını aldım. Bu qərardan sonra hər kəs elə bildi ki, aramızda soyuqluq var. Həmişə münasibətimiz yaxşı olub". Sözügedən görüntülər barədə danışan meyxanaçı yenidən aralarındakı sevgi münasibətlərinin yaranmayacağını da peşəkarlıqla bildirib. "Dediyiniz görüntü tədbirlərin birində çəkilib. Sonra yayılıb. Həmişə dostluq münasibətimiz yaxşı olub, indi də yaxşıdır.  İnsanlar düşünəcəklər ki, hər şey yenidən başlayır. Yox, o dərin söhbətlər olmayacaq. Bu, yaradıcı işdir. Biz də işimizlə məşğul oluruq".