Kriminal
55 baş qoyun oğurlayanlar ifşa edildilər
Oğurluq etdiklərinə görə tutulmuş Şamo Əmirovun və Rövşən Məmmədovun ətrafında Baş Cinayət Axtarışı İdarəsi və Saatlı RPŞ əməkdaşları tərəfindən əməliyyat tədbirləri aparılıb. DİN-dən verilən məəlumata görə, onların Şahbəndər Mirzəyevə və Aladdin Aybazova məxsus həyətyanı sahələrdən 55 baş qoyun oğurlamaları müəyyən edilib. Araşdırmalar davam etdirlir.
Toyda qanlı olay
Həmyerlisini öldürüb qaçdı Dekabrın 4-də Qaradağ rayonunun Qobustan qəsəbəsindəki "Qobustan" şadlıq sarayında qəsəbə sakini Vüsal Neymətov münaqişə zəminində həmyerlisi Fəxri Kərimova bıçaqla xəsarət yetirərək hadisə yerini tərk edib. DİN-dən “Olaylar” verilən məlumata görə, xəstəxanaya yerləşdirilmiş F.Kərimov orada dünyasını dəyişib. Qaradağ RPİ tərəfindən əməliyyat-axtarış tədbirləri aparılır.
Avtomobilin gizli saxlanc yerlərindən mobil telefonlar aşkarlandı
Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında “Sınıq Körpü” gömrük postunda Gürcüstan Respublikasından gələn Azərbaycan Respublikası vətəndaşının idarə etdiyi nəqliyyat vasitəsinə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı avtomobildəki gizli saxlanc yerlərindən gömrük nəzarətindən gizlədilən 3 ədəd “Samsung Galaxy J2 Prime” və 3 ədəd “Samsung Galaxy J3 (6)” mobil telefonları aşkar edilib. Faktla bağlı araşdırma aparılır.
Şəkidə 3 otaqlı ev yanıb
Şəki şəhərində vətəndaşa məxsus 3 otaqlı evdə yanğın baş verib. Fövqəladə Hallar Naziriyindən verilən məlumata görə, nəticədə ümumi sahəsi 153 m2 olan birmərtəbəli 3 otaq və aynabənddən ibarət evin 2 otağının və çardağının yanar konstruksiyaları 40 m2 sahədə yanıb. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
Tibb Universitetinin korpusu da yanmışdı, amma heç kimi məsuliyyətə cəlb etmədilər
Bu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmə prosesi davam etdirilib.
Bakıda polisi ödürüb yandıran şəxsdən XƏBƏR VAR
Bakıda polis əməkdaşını qətlə yetirməkdə təqsirləndirilən İbayev Ravil Nuruş oğlu barəsində olan hökmdən kassasiya şikayəti verib.
Taleh Bağırov, Fuad Qəhrəmanlı və digərləri vəkillərindən imtina ediblər
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Qanlı cinayətin üstü on aydan sonra açıldı
Cari il fevralın 29-da Bakı şəhər sakini Fuad Nəbibəyliyə bıçaqla xəsarət yetirməklə sağlamlığına ağır zərər vurulub. Olaylar” Daxili İşlər Nazirliyinin saytına istinadən xəbər verir ki, Nəsimi RPİ 19-cu PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bərdə rayon sakini Sərvan Dünyamalıyev tutulub. Həmçinin Xətai RPİ 37-ci PB əməkdaşlarının həyata keçirdikləri əməliyyat-axtarış tədbirləri nəticəsində noyabrın 30-də Bakı şəhər sakini Rauf Seyfullayevə bıçaqla xəsarət yetirməklə sağlamlığına ağır zərər vurmaqda şübhəli bilinən paytaxt sakini Aydın Əsgərov tutulub. Hər iki faktla bağlı araşdırma aparılır.
Dərman oğruları iş başında yaxalanıblar
Dekabrın 1-də saat 01.35 radələrində Sabunçu rayonunun Zabrat qəsəbəsi ərazisindəki apteklərdən birindən Sabunçu Rayon Mühafizə İdarəsinə həyəcan siqnalı daxil olub. “Olaylar” Daxili İşlər Nazirliyinin saytına istinadən xəbər verir ki, dərhal hadisə yerinə gəlmiş RMİ əməkdaşları tərəfindən oğurluğa cəhd göstərməıkdə şübhəli bilinən Sabirabad rayon sakini Nemət Abdullayev saxlanılıb. Saxlanılan şəxslər 15-ci PB-nə təhvil verilib.