Kriminal
Taleh Bağırovun məhkəməni pozmaq planı bəlli oldu
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi sonra davam etdirilib.
Ucar sakini özünü güllələyib
Dekabrın 15-də Ucar rayon sakini İlkin İbrahimov qırma yarası ilə rayon Mərkəzi Xəstəxanasına gətirilib. DİN-dən verilən məlumata görə, o, izahatında Kürdəmir rayonunun Qarabucaq kəndi ərazisində ov edərkən ehtiyatsızlıqdan tüfəngdən açdığı atəşdən xəsarət almasını bildirib. Araşdırma aparılır.
Avtomobil oğrusu ələ keçib
Avtomobil qaçıran şəxs 4 aidan sonra yaxalanıb. DİN-dən verilən məlumata görə, Səbail RPİ 8-ci PB əməkdaşlarının həyata keçirdikləri əməliyyat-axtarış tədbirləri nəticəsində iyulun 31-də və avqustun 6-da Bakı şəhər sakinləri Rövşən Ələkbərova məxsus "VAZ-21011" və Vaqif Cavadova məxsus "VAZ-2107" markalı avtomobilləri qaçırmaqda şübhəli bilinən Ucar rayon sakini Eltun Zeyniyev tutulub. Faktla bağlı araşdırma aparılır.
Bərdə sakinindən narkotik vasitə götürülüb
Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində rayonun Gərənə kəndi ərazisində yaşayan İlyas Gözəlovdan 9,15 qram marixuana götürülüb. DİN-dən verilən məlumata görə, onun evinə baxış zamanı isə əlavə olaraq 1 kiloqram 50 qram marixuana aşkar edilərək götürülüb.
Qanunsuz valyuta satışı ilə məşğul olan tutulub
Dekabrın 15-də paytaxtın Nizami rayonu ərazisində Bakı şəhər sakini Vüqar Qurbanov qanunsuz olaraq 700 ABŞ dolları pulu 1281 manata dəyişərkən Nizami RPİ əməkdaşları tərəfindən saxlanılmışdır. DİN-dən verilən məlumata görə, onun barəsində İnzibati Xətalar Məcəlləsinin müvafiq maddəsi ilə protokol tərtib edilib.
Qanunsuz ov edən cərimələnib
Qanunsuz ovçuluqla məşğul olan Füzuli rayon sakini saxlanıb. DİN-dən verilən məlumata görə, Baş İctimai Təhlükəsizlik İdarəsi və Ekologiya və Təbii Sərvətlər Nazirliyi əməkdaşları tərəfindən Füzuli rayonu ərazisində qanunsuz ov etdiyi üçün rayon sakini Rauf Xudiyevdən "Baykal" markalı ov tüfəngi və çöl quşu götürülüb. Onun barəsində İnzibati Xətalar Məcəlləsinin müvafiq maddəsi ilə protokol tərtib edilib.
Partlayıcı oyuncaq satanlar saxlanıb
Bakıda partlayıcı oyuncaqların səyyar satışı ilə məşğul olan şəxslər saxlanıb. DİN-dən verilən məlumatta görə, Baş İctimai Təhlükəsizlik İdarəsi əməkdaşları tərəfindən Qaradağ rayonu ərazisində yerləşən ticarət mərkəzlərindən birində səyyari ticarətlə məşğul olan Salman Qasımov və Azər Hacıyevdən ümumilikdə 15700 ədəd yüksəsk səsyayıcı qabiliyyətə malik olan partlayıcı oyuncaqlar və pirotexniki məmulatlar aşkar edilərək götürülüb.
Şahid: "Tenderlər formal təşkil edilirdi" - “RABİTƏ İŞİ”
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib.
Avtomobilin gizli saxlanc yerlərindən pirotexniki vasitələr aşkar olunub
Tovuz Gömrük İdarəsinin Gömrük sahəsində hüquqpozmalara qarşı mübarizə şöbəsinə daxil olan məlumat əsasında Gürcüstan Respublikasından Azərbaycana gələn, Azərbaycan Respublikası vətəndaşının idarə etdiyi nəqliyyat vasitəsinə “Sınıq Körpü” gömrük postunun idxal nəzarət zonasında gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı avtomobilin gizli saxlanc yerlərindən gömrük nəzarətinə bəyan edilməyən 134 ədəd fişəng və 21600 ədəd pirotexniki vasitələr aşkar olunub. Faktla bağlı araşdırma aparılır.
