Kriminal
Ölkədən külli miqdarda qızıl çıxarılmasının qarşısı alınıb
Azərbaycan Dövlət Təhlükəsizliyi Xidməti, Dövlət Gömrük Komitəsi və Dövlət Sərhəd Xidməti tərəfindən həyata keçirilmiş birgə əməliyyat-axtarış tədbirləri nəticəsində ölkədən qaçaqmalçılıq yolu ilə külli miqdarda qızıl məmulatlarının çıxarılmasının qarşısı alınıb.
Cahangir Hacıyev Ali Məhkəməyə şikayət etdi
“Azərbaycan Beynəlxalq Bankı” Açıq Səhmdar Cəmiyyətinin İdarə Heyətinin sabiq sədri Cahangir Hacıyev Ali Məhkəməyə şikayət edib. Məlumata görə, bu barədə vəkil Aqil Layicov bildirib.
16 yaşlı azərbaycanlı Almaniyada dalbadal yeddi soyğun törətdi
Almaniya polisi bu ölkədə bir-birinin ardınca yeddi soyğunçuluq hadisəsi törədən, otelləri və supermarketləri yaran azərbaycanlı yeniyetməni yaxalayıb.
“Mersedes” vuran kişi yerindəcə ölüb
Sabunçu rayonunda ölümlə nəticələnən yol-nəqliyyat hadisəsi baş verib. DİN-dən verilən məlumata görə, dekabrın 19-da saat 21 radələrində Sabunçu rayonunun Sabunçu qəsəbəsi ərazisində Bakı şəhər sakini Vüsal Yusifov idarə etdiyi "Mercedes" markalı avtomobillə yolu keçən 25-30 yaşlı kişini vurub və nəticədə həmin şəxs hadisə yerində ölmüb. Sabunçu RPİ tərəfindən araşdırma aparılır.
Tərtərdə qısqanclıq zəminində qətl törədilib
Tərtər rayonunda qətl hadisəsi törədilib. DİN-dən verilən məlumata görə, dekabrın 19-da Tərtər rayon sakini Cəmilə Əhmədovanın şəhər ərazisində kirayədə yaşadığı evin həyətində keçmiş əri Vüqar Hüseynov qısqanclıq zəminində həmyerlisi Qaraxan Tanrıverdiyevə bıçaqla xəsarət yetirib. O, hadisə yerini tər edərək aradan çıxıb. Xəstəxanaya yerləşdirilmiş Q.Tanrıverdiyev orada ölüb. Tərtər RPŞ tərəfindən əməliyyat-axtarış tədbirləri aparılır.
Astara sakinindən tapança götürülüb
Astara sakinində odlu silah aşkar edilib. DİN-dən “Olaylar”a verilən məlumata görə, Astara RPŞ əməkdaşlarının həyata keçirdikləri əməliyyat-axtarış tədbirləri nəticəsində Ağcabədi rayon sakini Xudayət Cəfərovdan 1 ədəd kustar üsulla hazırlanmış tapança götürülüb. Hazırda tapançanın haradan əldə edilməsini müəyyən etmək istiqamətində iş aparılır.
Dollar satan Şamaxı sakini tutulub
Dekabrın 19-da Şamaxı rayon sakini Şirzad Qasımov paytaxtın Nizami rayonu ərazisində qanunsuz olaraq 200 ABŞ dollarını 366 manata dəyişərkən Nizami RPİ əməkdaşları tərəfindən saxlanılıb. DİN-dən verilən məlumata görə, onun barəsində İXM-in müvafiq maddəsi ilə protokol tərtib edilərək cərimə olunub.
Şirvan sakinindən ov tüfəngi götürülüb
Şirvan sakinində odlu silah aşkar edilib. DİN-dən verilən məlumata görə, Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Fərid Cəbrayılova məxsus "VAZ-2121" markalı avtomobilə baxış zamanı müvafiq sənədləri olmayan "Churchill" markalı ov tüfəngi və "GAMO" markalı tir tapançası aşkar edilərək götürülüb. Araşdırma aparılır.
522 ədəd mobil telefonun ölkəyə gətirilməsinin qarşısı alınıb
Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında “Sadıxlı” gömrük postunda Gürcüstan Respublikasından gələn Azərbaycan Respublikası vətəndaşı qanunvericiliyə uyğun olaraq idarə etdiyi avtomobildə gömrük nəzarətindən gizlədilən və ya gömrük nəzarətinə mütləq bəyan ediləsi predmetlərin olub-olmadığı barədə şifahi sorğu-sual edilib. Dövlət Gömrük Komitəsindən verilən məlumata görə, həmin şəxs gömrükçüləri yanıltmağa çalışsa da avtomobilə keçirilən gömrük baxışı gömrük əməkdaşlarının şübhələrini təsdiqləyib. Belə ki, avtomobilin salonunda, yanacaq çəninin içərisində xüsusi düzəldilən saxlanc yerlərindən və arxa oturacağının altından 314 ədəd ZHT, 110 ədəd Nokia, 23 ədəd H-mobile və 75 ədəd Duos markalı telefonlar, 250 ədəd adapter,140 ədəd qulaqcıq, 240 ədəd batareya aşkar edilib. Faktla bağlı araşdırma aparılır.
Ağdaşda bərbərxana yanıb
Ağdaş rayonunda vətəndaşa məxsus bərbərxana yanıb. Fövqəladə Hallar Nazirliyindən verilən məlumata görə, nəticədə ümumi sahəsi 9 m2 olan bərbərxananın dam örtüyünün yanar konstruksiyaları 2 m2 sahədə yanıb. Bərbərxananın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
Bakıda qanunsuz valyuta mübadiləsi aparan daha bir nəfər tutuldu
Bakıda qanunsuz valyuta mübadiləsi aparan daha bir nəfər saxlanılıb. Daxili İşlər Nazirliyinin mətbuat xidmətindən verilən məlumata görə, dekabrın 19-da Şamaxı rayon sakini Şirzad Qasımov paytaxtın Nizami rayonu ərazisində qanunsuz olaraq 200 ABŞ dollarını 366 manata dəyişərkən Nizami Rayon Polis İdarəsinin əməkdaşları tərəfindən saxlanılıb.
Nardaran hadisələrində təqsirləndirilən digər qrupun məhkəməsi başlayıb
Bakı Ağır Cinayətlər Məhkəməsində "Müsəlman Birliyi" Hərəkatının sədr müavini Elçin Qasımov və daha 11 nəfər - Nahid Qəhrəmanov, Ağa-Əli Yəhyayev, Seyfəddin Şirvanov, Fərhad Muradov, Ramil Əliyev, Elgün Axundov, Vüsal Alış, İsa İbrahimov, Seymur Aslanov, Əli Şahbazov və Əmirli Əliyevin məhkəmə prosesi başlayıb. Məlumata görə, hakim Mayıl Bayramovun sədrlik etdiyi hazırlıq iclasında təqsirləndirilən şəxslərin anket məlumatları dəqiqləşdirilib.
Prokuror Binəqədidə yaşayış binasının yanmasında təqsirləndirilən şəxslərə cəza istəyib
Bu gün Bakı Ağır Cinayətlər Məhkəməsində Binəqədi rayonunda yaşayış binasında baş verən yanğınla bağlı təqsirləndirilən şəxslərin cinayət işi üzrə məhkəmə prosesi davam etdirilib.
Prokuror İlhamə Quliyevanın köməkçisinə 8 illik həbs cəzası istəyib
Bu gün Bakı Ağır Cinayətlər Məhkəməsində mərhum xalq artisti İlhamə Quliyevanın köməkçisi Mehriban Hüseynovanın cinayət işi üzrə məhkəmə prosesi davam etdirilib.
“Qızıl Məryəm”i öldürənlərin apellyasiya şikayəti üzrə məhkəmə başlayıb
Bakı Apellyasiya Məhkəməsində anasının qətlində təqsirləndirilən Günel Hüseynova, onun xalası oğlu Nicat Eyvazov və Ceyhun Əsgərovun apellyasiya şikayətləri üzrə məhkəmə başlayıb.