Bakıda metronun qarşısında sərnişin avtobusu dəhşətli qəza törətdi – ÖLƏN VAR

Bakıda ölümlə nəticələnən yol qəzası baş verib.

Nəsimi rayonu ərazisində - 28 May metrostansiyasının qarşısındakı meydanda marşrut xətti üzrə hərəkət edən və Masallı rayon sakini N.Həmidovun idarə etdiyi "Daewoo" markalı avtobus piyadanı vurub.

Avtobus dəmir yolu vağzalının qarşısından hərəkətə başlayarkən 1954-cü il təvəllüdlü Şəhla Hadıyeva nəqliyyat vasitəsinin altında qalıb. Ağır xəsarət alan qadının həyatını xilas etmək mümkün olmayıb.

Faktla bağlı Dəmir Yolu Nəqliyyatında Polis İdarəsi tərəfindən cinayət işi açılıb, araşdırma aparılır.

publika